खेल

Blog single photo

ਭਾਰਤ ਬਨਾਮ ਦੱਖਣੀ ਅਫਰੀਕਾ - ਮਯੰਕ ਅਗਰਵਾਲ ਨੇ ਜੜਿਆ ਦੁਹਰਾ ਸੈਂਕੜਾ

03/10/2019



ਵਿਸ਼ਾਖਾਪਟਨਮ, 03 ਅਕਤੂਬਰ (ਹਿ.ਸ)।  ਭਾਰਤ ਅਤੇ ਦੱਖਣੀ ਅਫਰੀਕਾ ਦਰਮਿਆਨ ਖੇਡੇ ਜਾ ਰਹੇ ਪਹਿਲੇ ਟੇਸਟ ਮੈਚ ਦਾ ਪਹਿਲਾ ਦਿਨ ਰੋਹਿਤ ਸ਼ਰਮਾ ਦੇ ਨਾਂਅ ਰਿਹਾ ਸੀ। ਉਨ੍ਹਾਂ ਨੇ ਬੇਜੋੜ ਸੈਂਕੜਾ ਲਗਾਇਆ ਸੀ, ਜਦਕਿ ਦੂਜਾ ਦਿਨ ਮਯੰਕ ਅਗਰਵਾਲ ਦੇ ਨਾਂਅ ਰਿਹਾ। ਭਾਰਤ ਵਿਚ ਆਪਣਾ ਪਹਿਲਾ ਟੇਸਟ ਖੇਡ ਰਹੇ ਇਸ ਓਪਨਰ ਨੇ ਦੂਜੇ ਦਿਨ ਦੀ ਪਹਿਲੇ ਸੱਤਰ ਵਿਚ ਸੈਂਕੜਾ ਪੂਰਾ ਕੀਤਾ, ਜਦਕਿ ਦੂਜੇ ਸੱਤਰ ਵਿਚ ਦੁਹਰਾ ਸੈਂਕੜਾ ਪੂਰਾ ਕੀਤਾ। ਇਸ ਤਰ੍ਹਾਂ ਇਕੋ ਹੀ ਪਾਰੀ ਵਿਚ ਹੁਣ ਦੋਵੇਂ ਓਪਨਰਾਂ ਦੇ ਨਾਂਅ ਸੈਂਕੜਾ ਹੋ ਗਿਆ ਹੈ। ਭਾਰਤੀ ਵੱਲੋਂ ਅਜਿਹਾ 10ਵੀਂ ਵਾਰ ਹੋਇਆ ਹੈ, ਜਦੋਂ ਇਕ ਪਾਰੀ ਵਿਚ ਓਪਨਿੰਗ ਜੋੜੀ ਨੇ ਸੈਂਕੜਾ ਲਗਾਇਆ ਹੋਵੇ। ਆਖਰੀ ਵਾਰ ਸ਼ਿਖਰ ਧਵਨ ਅਤੇ ਮੁਰਲੀ ਵਿਜੇ ਦੀ ਜੋੜੀ ਨੇ ਅਫਗਾਨਿਸਤਾਨ ਖਿਲਾਫ 2018 ਵਿਚ ਬੈਂਗਲੁਰੂ ਟੈਸਟ ਵਿਚ ਕੀਤਾ ਸੀ। 

ਦੂਜੇ ਦਿਨ ਦਾ ਖੇਡ ਜਦੋਂ ਸ਼ੁਰੂ ਹੋਇਆ ਤਾਂ ਮਯੰਕ ਅਗਰਵਾਲ ਸੈਂਕੜੇ ਤੋਂ 16 ਰਨ ਦੂਰ ਸਨ, ਜਿਨ੍ਹਾਂ ਨੂੰ ਬਣਾਉਣ ਵਿਚ ਕੋਈ ਦਿੱਕਤ ਨਹੀਂ ਹੋਈ। ਉਨ੍ਹਾਂ ਨੇ ਆਪਣਾ 100ਵਾਂ ਰਨ 69ਵੇਂ ਓਵਰ ਵਿਚ ਬਣਾਇਆ। ਭਾਰਤੀ ਓਪਨਰ ਨੇ ਕੇਸ਼ਵ ਮਹਾਰਾਜ ਨੂੰ ਸਿੰਗਲ ਲੈ ਕੇ ਭਾਰਤ ਵਿਚ ਪਹਿਲਾ ਸੈਂਕੜਾ ਪੂਰਾ ਕੀਤਾ। 3 ਅੰਕਾਂ ਦੇ ਅੰਕੜੇ ਤੱਕ ਪਹੁੰਚਣ ਲਈ ਉਨ੍ਹਾਂ ਨੇ 204 ਗੇਂਦਾਂ ਦਾ ਸਾਹਮਣਾ ਕੀਤਾ। ਇਸ ਤੋਂ ਬਾਅਦ ਉਨ੍ਹਾਂ ਨੇ 358ਵੀਂ ਗੇਂਦ ਤੇ 200ਵਾਂ ਰਨ ਬਣਾਇਆ। ਇਹ ਉਨ੍ਹਾਂ ਦੇ ਟੇਸਟ ਕੈਰੀਅਰ ਦਾ ਵੀ ਪਹਿਲਾ ਸੈਂਕੜਾ ਅਤੇ ਦੁਹਰਾ ਸੈਂਕੜਾ ਹੈ, ਜੋ 8ਵੀਂ ਪਾਰੀ ਵਿਚ ਆਇਆ ਹੈ। ਇਸ ਤੋਂ ਪਹਿਲਾਂ ਉਨ੍ਹਾਂ ਦਾ ਬੇਸਟ ਸਕੋਰ 77 ਰਨ ਸੀ, ਜੋ ਉਨ੍ਹਾਂ ਨੇ ਆਸਟ੍ਰੇਲੀਆ ਖਿਲਾਫ ਸਿਡਨੀ ਵਿਚ ਬਣਾਇਆ ਸੀ।  
  
ਹਿੰਦੁਸਥਾਨ ਸਮਾਚਾਰ/ਕੁਸੁਮ 


 
Top