खेल

Blog single photo

ਆਈਪੀਐਲ 'ਤੇ ਵੀ ਟੁੱਟਿਆ ਕੋਰੋਨਾ ਦਾ ਕਹਿਰ, ਕੇਕੇਆਰ-ਆਰਸੀਬੀ ਦਾ ਮੈਚ ਮੁਲਤਵੀ

03/05/2021


- ਕੇਕੇਆਰ ਦੇ 2 ਖਿਡਾਰੀ ਕੋਰੋਨਾ ਪੀੜਤ


ਨਵੀਂ ਦਿੱਲੀ, 03 ਮਈ (ਹਿ.ਸ.)। ਕੋਰੋਨਾ ਦਾ ਕਹਿਰ ਹੁਣ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) ਤੇ ਵੀ ਪੈ ਗਿਆ ਹੈ। ਕੇਕੇਆਰ ਅਤੇ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ (ਆਰਸੀਬੀ) ਵਿਚਾਲੇ ਮੈਚ ਅੱਜ ਸ਼ਾਮ ਨੂੰ ਹੋਣ ਵਾਲਾ ਮੈਚ ਮੁਲਤਵੀ ਕਰ ਦਿੱਤਾ ਗਿਆ ਹੈ, ਕਿਉਂਕਿ ਕੋਲਕਾਤਾ ਨਾਈਟਰਾਈਡਰਜ਼ (ਕੇਕੇਆਰ) ਦੇ ਦੋ ਖਿਡਾਰੀ ਕੋਰੋਨਾ ਨਾਲ ਸੰਕਰਮਿਤ ਹੋਏ ਹਨ। ਕੋਰੋਨਾ ਲਾਗ ਲੱਗਣ ਵਾਲੇ ਖਿਡਾਰੀਆਂ ਵਿੱਚ ਸਪਿਨਰ ਵਰੁਣ ਚੱਕਰਵਰਤੀ ਅਤੇ ਤੇਜ਼ ਗੇਂਦਬਾਜ਼ ਸੰਦੀਪ ਵਾਰੀਅਰ ਸ਼ਾਮਲ ਹਨ। ਇਨ੍ਹਾਂ ਦੋਵਾਂ ਤੋਂ ਇਲਾਵਾ, ਸਾਰੇ ਖਿਡਾਰਿਆਂ ਦੇ ਕੋਵਿਡ -19 ਟੈਸਟ ਨੈਗੇਟਿਵ ਆਏ ਹਨ।

ਆਈਪੀਐਲ ਦੁਆਰਾ ਜਾਰੀ ਅਧਿਕਾਰਤ ਬਿਆਨ ਦੇ ਅਨੁਸਾਰ, ਚੱਕਰਵਰਤੀ ਨੇ ਹਾਲ ਹੀ ਵਿੱਚ ਆਪਣੇ ਮੋਢੇ ਦੀ ਜਾਂਚ ਕਰਾਉਣ ਲਈ ਅਧਿਕਾਰਤ ਗ੍ਰੀਨ ਚੈਨਲ ਰਾਹੀਂ ਆਈਪੀਐਲ ਬਾਇਓ-ਬੱਬਲ ਨੂੰ ਛੱਡਿਆ ਸੀ, ਜਿਸ ਤੋਂ ਬਾਅਦ ਉਹ ਸੰਕਰਮਿਤ ਹੋ ਗਏ।

ਦੋਵੇਂ ਖਿਡਾਰੀ ਆਈਸੋਲੇਸ਼ਨ ਵਿਚ ਹਨ। ਅਤੇ ਇਹ ਫੈਸਲਾ ਨਹੀਂ ਕੀਤਾ ਗਿਆ ਹੈ ਕਿ ਦੋਵੇਂ ਦੁਬਾਰਾ ਖੇਡਣ ਦੀ ਸਥਿਤੀ ਵਿੱਚ ਹੋਣਗੇ ਜਾਂ ਨਹੀਂ। ਸਭ ਤੋਂ ਵੱਡੀ ਚਿੰਤਾ ਇਹ ਹੈ ਕਿ ਟੈਸਟਾਂ ਅਤੇ ਨਤੀਜਿਆਂ ਵਿਚਾਲੇ ਅੰਤਰ ਹੋ ਗਿਆ ਹੈ ਅਤੇ ਇਹ ਮੰਨਿਆ ਜਾਂਦਾ ਹੈ ਕਿ ਤਿੰਨੋਂ ਖਿਡਾਰੀ ਇਸ ਦੌਰਾਨ ਟੀਮ ਦੇ ਹੋਰ ਮੈਂਬਰਾਂ ਦੇ ਨਾਲ ਸਨ।

2021 ਦਾ ਸੀਜ਼ਨ ਸ਼ੁਰੂ ਹੋਣ ਤੋਂ ਬਾਅਦ ਖਿਡਾਰੀਆਂ ਨੂੰ ਆਈਪੀਐਲ ਬਾਇਓ-ਬੱਲਲ ਦੇ ਅੰਦਰ ਕੋਰੋਨਾ ਨਾਲ ਸੰਕਰਮਿਤ ਹੋਣ ਦਾ ਇਹ ਪਹਿਲਾ ਮੌਕਾ ਹੈ। ਦੋਵਾਂ ਦੀ ਫਰੈਂਚਾਇਜ਼ੀ ਅਤੇ ਆਈਪੀਐਲ ਦੇ ਬਿਆਨ ਆਉਣੇ ਬਾਕੀ ਹਨ।

ਹਿੰਦੁਸਥਾਨ ਸਮਾਚਾਰ/ਸੁਨੀਲ/ਕੁਸੁਮ


 
Top