विदेश

Blog single photo

ਬਿਲ ਗੇਟਸ ਅਤੇ ਮੇਲਿੰਡਾ ਗੇਟਸ 27 ਸਾਲਾਂ ਬਾਅਦ ਹੋਣਗੇ ਵੱਖ, ਤਲਾਕ ਦਾ ਐਲਾਨ

04/05/2021



ਵਾਸ਼ਿੰਗਟਨ, 04 ਮਈ (ਹਿ.ਸ.)। ਮਾਈਕ੍ਰੋਸਾੱਫਟ ਦੇ ਸੰਸਥਾਪਕ ਬਿਲ ਗੇਟਸ ਅਤੇ ਪਤਨੀ ਮੇਲਿੰਡਾ ਗੇਟਸ ਨੇ ਵਿਆਹ ਦੇ 27 ਸਾਲਾਂ ਬਾਅਦ ਤਲਾਕ ਦਾ ਐਲਾਨ ਕੀਤਾ ਹੈ। ਟਵਿੱਟਰ 'ਤੇ ਜਾਰੀ ਇਕ ਸੰਯੁਕਤ ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਕਾਫ਼ੀ ਗੱਲਬਾਤ ਤੋਂ ਬਾਅਦ ਅਸੀਂ ਆਪਣੇ ਰਿਸ਼ਤੇ ਨੂੰ ਖਤਮ ਕਰਨ ਦਾ ਫੈਸਲਾ ਕੀਤਾ ਹੈ। ਅਸੀਂ ਤਿੰਨ ਬੱਚਿਆਂ ਨੂੰ ਪਾਲਿਆ-ਪੋਸਿਆ ਹੈ। ਨਾਲ ਹੀ, ਇੱਕ ਫਾਉਂਡੇਸ਼ਨ ਦਾ ਗਠਨ ਕੀਤਾ ਹੈ ਜੋ ਲੋਕਾਂ ਦੀ ਚੰਗੀ ਸਿਹਤ ਅਤੇ ਚੰਗੇ ਜੀਵਨ ਲਈ ਕੰਮ ਕਰਦੀ ਹੈ। ਹਾਲਾਂਕਿਸ ਤਲਾਕ ਤੋਂ ਬਾਅਦ, ਦੋਵੇਂ ਗੇਟਸ ਫਾਉਂਡੇਸ਼ਨ ਲਈ ਇਕੱਠੇ ਕੰਮ ਕਰਨਾ ਜਾਰੀ ਰੱਖਣਗੇ।

ਦੋਵਾਂ ਨੇ ਸਾਂਝੇ ਬਿਆਨ ਵਿਚ ਕਿਹਾ ਕਿ ਅਸੀਂ ਅਪਣੇ ਵਿਆਹ ਨੂੰ ਹੁਣ ਖਤਮ ਕਰਨ ਦਾ ਫੈਸਲਾ ਕੀਤਾ ਹੈ। ਸਾਨੂੰ ਭਰੋਸਾ ਨਹੀਂ ਹੈ ਕਿ ਅਸੀਂ ਅਪਣੇ ਜੀਵਨ ਦੇ ਅਗਲੇ ਪੜਾਅ ਵਿਚ ਇੱਕ ਜੋੜੇ ਦੇ ਰੂਪ ਵਿਚ ਅੱਗੇ ਵਧ ਸਕਦੇ ਹਨ। ਸਾਨੂੰ ਨਹੀਂ ਲੱਗਦਾ ਕਿ ਅਸੀਂ ਇਕੱਠੇ ਰਹਿ ਸਕਦੇ ਹਨ। ਬਿਲ ਗੇਟਸ ਨੇ ਅਪਣੇ ਟਵਿਟਰ ’ਤੇ ਇਸ ਗੱਲ ਦੀ ਜਾਣਕਾਰੀ ਦਿੱਤੀ ਹੈ।

ਬਿਲ ਗੇਟਸ ਨੇ ਟਵੀਟ ਕਰਕੇ ਕਿਹਾ, ਬਹੁਤ ਜ਼ਿਆਦਾ ਸੋਚ ਵਿਚਾਰ ਕਰਨ ਅਤੇ ਸਾਡੇ ਰਿਸ਼ਤੇ ’ਤੇ ਕੰਮ ਕਰਨ ਤੋਂ ਬਾਅਦ ਹੀ ਅਸੀਂ ਅਪਣੇ ਵਿਆਹ ਨੂੰ ਹੁਣ ਖਤਮ ਕਰਨ ਦਾ ਫੈਸਲਾ ਲਿਆ ਹੈ। ਅਸੀਂ ਬਤੌਰ ਕਪਲ ਹੁਣ ਇਕੱਠੇ ਨਹੀਂ ਰਹਿਣਾ ਚਾਹੁੰਦੇ ਹਨ। ਬਿਲ ਗੇਟਸ ਅਤੇ ਮੇਲਿੰਡਾ ਗੇਟਸ ਦੇ ਤਿੰਨ ਬੱਚੇ ਹਨ। ਬਿਲ ਗੇਟਸ ਅਤੇ ਮੇਲਿੰਡਾ ਗੇਟਸ ਦੀ ਮੁਲਾਕਾਤ 1980 ਦੇ ਦਹਾਕੇ ਵਿਚ ਹੋਈ ਸੀ ਜਦ ਮੇਲਿੰਡਾ ਨੇ ਮਾਈਕਰੋਸਾਫਟ ਕੰਪਨੀ ਜਵਾਇਨ ਕੀਤੀ ਸੀ।

ਮੇਲਿੰਡਾ ਨੇ 1987 ’ਚ ਮਾਈਕਰੋਸਾਫਟ ਕੰਪਨੀ ਵਿਚ ਇੱਕ ਪ੍ਰੋਡਕਟ ਮੈਨੇਜਰ ਦੇ ਅਹੁਦੇ ’ਤੇ ਕੰਮ ਕਰਨ ਆਈ ਸੀ। ਉਸੇ ਦੌਰਾਨ ਮੇਲਿੰਡਾ, ਬਿਲ ਗੇਟਸ ਦੇ ਨਾਲ ਨਿਊਯਾਰਕ ਵਿਚ ਇੱਕ ਬਿਜ਼ਨਸ ਡਿਨਰ ’ਤੇ ਮਿਲੀ ਸੀ। ਇਸ ਤੋਂ ਬਾਅਦ ਦੋਵਾਂ ਨੇ ਇੱਕ ਦੂਜੇ ਨੂੰ ਡੇਟ ਕਰਨਾ ਸ਼ੁਰੂ ਕੀਤਾ।

ਬਿਲ ਗੇਟਸ ਨੇ ਇੱਕ ਨੈਟਫਲਿਕਸ ਡਾਕੂਮੈਂਟਰੀ ਨੂੰ ਦੱਸਿਆ, ਜਦ ਮੈਂ ਅਤੇ ਮੇਲਿੰਡਾ ਇੱਕ ਦੂਜੇ ਨੂੰ ਡੇਟ ਕਰ ਰਹੇ ਸੀ ਤਾਂ ਸਾਡੇ ਵਿਚ ਅਜਿਹੇ ਹਾਲਾਤ ਬਣ ਗਏ ਸਨ ਕਿ ਜਾਂ ਤਾਂ ਅਸੀਂ ਬਰੇਕਅਪ ਕਰਕੇ ਅਲੱਗ ਹੋ ਜਾਂਦੇ ਜਾਂ ਫੇਰ ਅਸੀਂ ਵਿਆਹ ਕਰਦੇ। ਲੇਕਿਨ ਅਸੀਂ ਦੋਵੇਂ ਇੱਕ ਦੂਜੇ ਦਾ ਬਹੁਤ ਖਿਆਲ ਰੱਖਦੇ ਸੀ।

ਹਾਲ ਹੀ ਦੇ ਸਾਲਾਂ ਵਿੱਚ ਦੁਨੀਆ ਦੇ ਅਮੀਰ ਲੋਕਾਂ ਵਿੱਚ ਇਹ ਤਲਾਕ ਦਾ ਦੂਜਾ ਕੇਸ ਹੈ। ਇਸ ਤੋਂ ਪਹਿਲਾਂ 2019 ਵਿਚ, ਐਮਾਜ਼ਾਨ ਦੇ ਸੰਸਥਾਪਕ ਜੈਫ ਬੇਜੋਸ ਅਤੇ ਉਨ੍ਹਾਂ ਦੀ ਪਤਨੀ ਮੈਕੇਨਜ਼ੀ ਸਕਾਟ ਵਿਚਕਾਰ ਤਲਾਕ ਹੋਇਆ ਸੀ।

ਹਿੰਦੁਸਥਾਨ ਸਮਾਚਾਰ/ਕੁਸੁਮ


 
Top