राष्ट्रीय

Blog single photo

ਕਿਵੇਂ ਮੁਸਕਰਾਉਣ ਕੋਰੋਨਾ ਤੋਂ ਡਰੇ ਬੱਚੇ ?

28/03/2020



 
ਆਰ.ਕੇ. ਸਿਨਹਾ
 
ਸਾਰੀ
ਦੁਨੀਆ ਕੋਰੋਨਾ ਵਾਇਰਸ ਤੋਂ ਡਰੀ- ਸਹਿਮੀ ਪਈ ਹੈ ਅਤੇ ਸਾਰੇ ਦੇਸ਼ ਇਸ ਜ਼ਹਿਰੀਲੇ
ਇਨਫੈਕਸ਼ਨ ਨੂੰ ਖਤਮ ਕਰਨ ਲਈ ਵੀ ਸਰਗਰਮ ਵੀ ਹਨ। ਦੇਰ-ਸਵੇਰ ਇਸ 'ਤੇ ਕਾਬੂ ਪਾ ਹੀ ਲਿਆ
ਜਾਵੇਗਾ। ਪਰ ਇਸ ਵਕਤ ਇਸਨੇ ਸਕੂਲ ਅਤੇ ਕਾਲਜ ਜਾਣ ਵਾਲੇ ਬੱਚਿਆਂ ਨੂੰ ਬੁਰੀ ਤਰ੍ਹਾਂ
ਹਿਲਾ ਕੇ ਰੱਖ ਦਿੱਤਾ ਹੈ। ਉਹ ਡਰ ਗਏ ਹਨ। ਉਹ ਘਰ ਦੇ ਅੰਦਰ ਕੈਦ ਹਨ। ਉਨ੍ਹਾਂ ਦੀ ਆਮ
ਰੁਟੀਨ ਵੀ ਪੂਰੀ ਤਰ੍ਹਾਂ ਪ੍ਰਭਾਵਿਤ ਹੋ ਗਈ ਹੈ। ਉਨ੍ਹਾਂ ਦੇ ਸਕੂਲ ਅਤੇ ਕਾਲਜ ਬੰਦ ਹਨ।
ਫਿਲਹਾਲ,  ਨੇੜਲੇ ਭਵਿੱਖ ਵਿੱਚ ਉਨ੍ਹਾਂ ਦੇ ਖੁਲ੍ਹਣ ਦੀ ਕੋਈ ਸੰਭਾਵਨਾ ਨਜਰ ਨਹੀਂ ਆ ਰਹੀ
ਹੈ।

ਦਰਅਸਲ, ਕੋਰੋਨਾ ਵਾਇਰਸ ਤੋਂ ਬਚਾਅ ਲਈ ਵਿਦਿਅਕ ਸੰਸਥਾਵਾਂ ਦੇ ਬੰਦ ਹੋਣ
ਤੋਂ ਪਹਿਲਾਂ ਹੀ ਬੱਚੇ ਇਸ ਬਿਮਾਰੀ ਬਾਰੇ ਘਰ ਅਤੇ ਬਾਹਰ ਦੀਆਂ ਸਾਰੀਆਂ ਚਰਚਾਵਾਂ ਸੁਣ
ਰਹੇ ਸਨ। ਉਹ ਹਰ ਰੋਜ਼ ਅਜਿਹੀਆਂ ਖ਼ਬਰਾਂ ਸੁਣ ਰਹੇ ਸਨ ਕਿ ਹਜ਼ਾਰਾਂ ਲੋਕ ਕੋਰੋਨਾ
ਵਿਸ਼ਾਣੂ ਦੀ ਲਪੇਟ ਵਿਚ ਆ ਗਏ ਹਨ, ਕਿ ਇਸ ਨੇ ਮਹਾਂਮਾਰੀ ਦਾ ਰੂਪ ਲੈ ਲਿਆ ਹੈ। ਇਸ ਨਾਲ
ਬੱਚਿਆਂ ਦਾ ਮਾਸੂਮ ਦਿਮਾਗ ਪਰੇਸ਼ਾਨ ਹੋ ਗਿਆ ਹੈ।  ਇਹ ਸਥਿਤੀ ਪੂਰੀ ਦੁਨੀਆ ਦੇ ਬੱਚਿਆਂ
ਦੀ ਹੈ। ਇੱਥੇ ਮਾਮਲਾ ਸਿਰਫ ਭਾਰਤ ਤੱਕ ਸੀਮਿਤ ਨਹੀਂ ਹੈ। ਆਖਰਕਾਰ, ਪੂਰੀ ਦੁਨੀਆ ਕੋਰੋਨਾ
ਦੇ ਜਾਲ ਵਿੱਚ ਆ ਗਈ ਹੈ। ਬੱਚਿਆਂ ਦੀ ਮਾਨਸਿਕ ਸਥਿਤੀ ਨੂੰ ਸਮਝਣਾ ਮੁਸ਼ਕਲ ਨਹੀਂ ਹੋਣਾ
ਚਾਹੀਦਾ ਜਦੋਂ ਇਸ ਦੇ ਲਾਗ ਕਾਰਨ ਹੋਈਆਂ ਮੌਤਾਂ ਨੇ ਉਮਰਦਰਾਜ ਲੋਕਾਂ ਨੂੰ ਹਿਲਾ ਕੇ ਰੱਖ
ਦਿੱਤਾ ਹੈ। ਉਹ ਇਸ ਲਈ ਵੀ ਘਬਰਾਏ ਹੋਏ ਹਨ ਕਿਉਂਕਿ ਉਹ ਵਾਰ ਵਾਰ ਸੁਣ ਰਹੇ ਹਨ ਕਿ
ਕੋਰੋਨਾ ਵਾਇਰਸ ਦਾ ਇਲਾਜ ਲਈ ਅਜੇ ਤੱਕ ਬਾਜ਼ਾਰ ਵਿੱਚ ਦਵਾਈ ਜਾਂ ਟੀਕਾ ਉਪਲਬਧ ਨਹੀਂ ਹੈ।
ਇਸਦੇ ਨਾਲ ਹੀ, ਘਰ ਦਾ ਹਰ ਮੈਂਬਰ ਇਨ੍ਹਾਂ ਬੱਚਿਆਂ ਨੂੰ ਵਿਸ਼ਵ ਸਿਹਤ ਸੰਗਠਨ ਅਤੇ ਹੋਰ
ਸਾਰੇ ਡਾਕਟਰਾਂ ਤੋਂ ਮਿਲ ਰਹੀਆਂ ਸਲਾਹਾਂ ਵੀ ਦੇ ਰਹੇ ਹਨ। ਜਿਵੇਂ ਕਿ ਹੱਥ ਧੋਂਦੇ ਰਹੋ,
ਛਿੱਕ ਅਤੇ ਖਾਂਸੀ ਦੇ ਮਰੀਜ਼ਾਂ ਦੇ ਸੰਪਰਕ ਵਿੱਚ ਆਉਣ ਤੋਂ ਬਚੋ, ਆਪਣੀਆਂ ਅੱਖਾਂ, ਨੱਕ,
ਮੂੰਹ ਆਦਿ ਵਿੱਚ ਉਂਗਲੀ ਨਾ ਲਗਾਓ ਆਦਿ।

ਨਿਸ਼ਚਿਤ ਰੂਪ ਨਾਲ ਇਨ੍ਹਾਂ ਸਾਰੇ
ਕਾਰਨਾਂ ਕਰਕੇ ਬੱਚਿਆਂ ਦੇ ਚਿਹਰਿਆਂ ਤੋਂ ਮੁਸਕਾਨ ਗਾਇਬ ਹੈ। ਉਨ੍ਹਾਂ ਦਾ ਹਾਸਾ ਅਤੇ
ਮੁਸਕਰਾਹਟ ਵਾਪਸ ਲਿਆਉਣੀ ਪਵੇਗੀ। ਉਹ ਆਪਣੇ ਮਾਪਿਆਂ, ਦਾਦਾ-ਦਾਦੀ ਜਾਂ ਪਰਿਵਾਰ ਦੇ ਹੋਰ
ਬਜ਼ੁਰਗ ਮੈਂਬਰਾਂ ਦੇ ਚਿਹਰਿਆਂ 'ਤੇ ਤਣਾਅ ਦੀਆਂ ਲਕੀਰਾਂ ਨੂੰ ਵੇਖ ਰਹੇ ਹਨ। ਉਹ ਇਸ ਤੋਂ
ਘਬਰਾ ਗਏ ਹਨ। ਆਖਰਕਾਰ, ਕੋਰੋਨਾ ਕਾਰਨ ਹਰ ਜਗ੍ਹਾ ਮੌਤ ਹੋਣ ਦੀ ਚਰਚਾ ਹੀ ਚੱਲ ਰਹੀ ਹੈ।
ਇਹ ਸਿਲਸਿਲਾ ਨਿਰਵਿਘਨ ਜਾਰੀ ਹੈ।

ਕਿਉਂਕਿ ਬੱਚੇ ਸੋਸ਼ਲ ਮੀਡੀਆ ਨਾਲ ਵੀ ਜੁੜੇ
ਹੋਏ ਹਨ, ਇਸ ਲਈ ਉਹ ਫੇਸਬੁੱਕ, ਇੰਸਟਾਗ੍ਰਾਮ, ਵਟਸਐਪ ਆਦਿ 'ਤੇ ਕੋਰੋਨਾ ਨਾਲ ਸਬੰਧਤ
ਖ਼ਬਰਾਂ, ਫੋਟੋਆਂ ਅਤੇ ਸੰਦੇਸ਼ਾਂ ਅਤੇ ਅਫਵਾਹਾਂ ਨੂੰ ਵੀ ਪੜ੍ਹ ਰਹੇ ਹਨ। ਯਾਨੀ ਕਿ
ਉਨ੍ਹਾਂ ਨੂੰ ਕਿਤੇ ਵੀ ਕੋਈ ਰਾਹਤ ਨਹੀਂ ਮਿਲ ਰਹੀ ਹੈ। ਉੱਥੇ ਵੀ ਸਿਰਫ ਨਕਾਰਾਤਮਕ ਮਾਹੌਲ
ਕਾਇਮ ਹੈ। ਕੁਲ ਮਿਲਾ ਕੇ, ਕੋਰੋਨਾ ਨੇ ਬੱਚਿਆਂ ਨੂੰ ਡਰਾਇਆ ਹੋਇਆ ਹੈ। ਉਹ ਡਰ ਦੇ
ਪਰਛਾਵੇਂ ਵਿਚ ਜੀ ਰਹੇ ਹਨ। ਉਹ ਸਮਝ ਨਹੀਂ ਪਾ ਰਹੇ ਕਿ ਕੋਰੋਨਾ ਤੋਂ ਕਦੋਂ ਅਤੇ ਕਿਵੇਂ
ਛੁਟਕਾਰਾ ਮਿਲੇਗਾ? ਉਨ੍ਹਾਂ ਨੂੰ ਕਿਤੇ ਵੀ ਇਸ ਪ੍ਰਸ਼ਨ ਦਾ ਉੱਤਰ ਨਹੀਂ ਲੱਭ ਰਿਹਾ। ਉਹ
ਕੀ, ਉਨ੍ਹਾਂ ਦੇ ਪਿਉ ਅਤੇ ਦਾਦਾ ਵੀ ਕਦੇ ਇਸ ਸਥਿਤੀ ਵਿੱਚੋਂ ਨਹੀਂ ਲੰਘੇ ਹਨ। ਇਸ
ਨਿਰਾਸ਼ਾਜਨਕ ਸਥਿਤੀ ਵਿੱਚ, ਉਹ ਸੱਚੀਆਂ-ਝੂਠੀਆਂ ਖ਼ਬਰਾਂ ਅਤੇ ਤਸਵੀਰਾਂ ਅੱਗ ਵਿਚ ਘਿਓ
ਦਾ ਕੰਮ ਕਰ ਰਹੀਆਂ ਹਨ, ਜੋ ਮੁੱਖ ਤੌਰ ਤੇ ਚੀਨ ਜਾਂ ਇਟਲੀ ਤੋਂ ਆ ਰਹੀਆਂ ਹਨ। ਕੋਰੋਨਾ
ਇਨ੍ਹਾਂ ਦੇਸ਼ਾਂ ਵਿਚ ਕਹਿਰ ਬਣ ਕੇ ਟੁੱਟਿਆ ਹੈ। ਕੋਰੋਨਾ ਕਾਰਨ ਹਜ਼ਾਰਾਂ ਲੋਕ ਮਾਰੇ ਗਏ
ਹਨ। ਇਹ ਬੱਚੇ ਸੋਸ਼ਲ ਮੀਡੀਆ 'ਤੇ ਸਭ ਨੂੰ ਵੇਖ ਰਹੇ ਹਨ।

ਇਨ੍ਹਾਂ ਡਰੇ- ਸਹਿਮੇ
ਬੱਚਿਆਂ ਨੂੰ ਇਸ ਗੰਭੀਰ ਮਾਨਸਿਕ ਸੰਕਟ ਤੋਂ ਕਿਵੇਂ ਬਾਹਰ ਕੱਢੀਏ? ਅਜਿਹਾ ਕਰਨਾ ਬਿਲਕੁਲ
ਜ਼ਰੂਰੀ ਹੈ। ਇਸ ਦਿਸ਼ਾ ਦਾ ਪਹਿਲਾ ਕਦਮ ਇਹ ਹੋ ਸਕਦਾ ਹੈ ਕਿ ਤੁਹਾਡੇ ਬੱਚੇ ਕੋਰੋਨਾ
ਬਾਰੇ ਜ਼ਿਆਦਾ ਗੱਲ ਨਾ ਕਰਨ। ਮਾਪਿਆਂ ਨੂੰ ਇਹ ਸੁਨਿਸ਼ਚਿਤ ਕਰਨਾ ਚਾਹੀਦਾ ਹੈ ਕਿ ਬੱਚਿਆਂ
ਦੀ ਮੌਜੂਦਗੀ ਵਿੱਚ ਵੀ ਕੋਰੋਨਾ ਦੇ ਵਿਸ਼ੇ ਨੂੰ ਛੂਹਿਆ ਨਾ ਜਾਵੇ। ਜੇਕਰ ਗੱਲ ਚਾਲੂ
ਹੋਵੇਂ ਤਾਂ  ਬੱਸ ਉਨ੍ਹਾਂ ਨੂੰ ਇਹ ਕਿਹਾ ਜਾ ਸਕਦਾ ਹੈ ਕਿ ਕੋਰੋਨਾ ਤੋਂ ਅਸੀਂ ਜਿੱਤਣ ਜਾ
ਰਹੇ ਹਾਂ। ਇਸ ਲਾਗ ਦੀ ਦਵਾਈ ਜਲਦੀ ਲੱਭ ਲਈ ਜਾਏਗੀ। ਇਹ ਬੱਚਿਆਂ ਵਿੱਚ ਸਕਾਰਾਤਮਕ
ਭਾਵਨਾ ਪੈਦਾ ਕਰੇਗੀ। ਉਹ ਮਹਿਸੂਸ ਕਰਨਗੇ ਕਿ ਕੋਰੋਨਾ ਹਾਰ ਹੀ ਜਾਣ ਵਾਲੀ ਹੈ। ਉਹ ਬੇਬਸੀ
ਦੀ ਸਥਿਤੀ ਨੂੰ ਪਾਰ ਕਰਨ ਦੇ ਯੋਗ ਹੋਣਗੇ। ਬੱਚਿਆਂ ਨੂੰ ਟੀਵੀ ਚੈਨਲਾਂ 'ਤੇ "ਰਮਾਇਣ"
ਅਤੇ "ਮਹਾਭਾਰਤ" ਦਿਖਾਓ। ਫਿਰ ਉਹ ਉਸੇ ਬਾਰੇ ਗੱਲ ਕਰਨਗੇ। ਉਹ ਮਹਿਸੂਸ ਕਰਨਗੇ ਕਿ ਹੁਣ
ਉਨ੍ਹਾਂ ਦੇ ਸਕੂਲ ਅਤੇ ਕਾਲਜ ਖੁੱਲ੍ਹਣ ਹੀ ਵਾਲੇ ਹਨ। ਕੋਰੋਨਾ ਦੀ ਲਾਗ ਦਾ ਇਲਾਜ ਕਰਨ ਲਈ
ਵਿਸ਼ਵਵਿਆਪੀ ਕੋਸ਼ਿਸ਼ਾਂ ਤਾਂ ਹੋ ਹੀ ਰਹੀਆਂ ਹਨ ਉਨ੍ਹਾਂ ਨੂੰ ਦੱਸੋ ਕਿ ਚਿੰਤਾ ਕਰਨ ਦਾ
ਕੋਈ ਕਾਰਨ ਨਹੀਂ ਹੈ।

ਜੇਕਰ ਉਹ ਕੁਝ ਪੁੱਛਦੇ ਹਨ, ਉਨ੍ਹਾਂ ਨੂੰ ਦੱਸੋ ਕਿ
ਆਬਾਦੀ ਦੀ ਘਣਤਾ ਦੇ ਅਨੁਸਾਰ, ਭਾਰਤ ਵਿੱਚ ਹਰ ਸਾਲ ਇਸਦਾ ਪ੍ਰਭਾਵ ਦੂਜੇ ਦੇਸ਼ਾਂ ਦੀ
ਬਜਾਏ ਘੱਟ ਹੁੰਦਾ ਹੈ। ਇਸੇ ਬਹਾਨੇ ਉਨ੍ਹਾਂ ਦੀ ਭੂਗੋਲ ਕਲਾਸ ਲਓ। ਜਿੰਨਾ ਚਿਰ ਸਕੂਲਾਂ
ਅਤੇ ਕਾਲਜਾਂ ਵਿੱਚ ਛੁੱਟੀਆਂ ਹਨ, ਉਦੋਂ ਤੱਕ ਬੱਸ ਘਰ ਵਿੱਚ ਰਹੋ, ਅਧਿਐਨ ਕਰੋ, ਲਿਖੋ
ਅਤੇ ਮਸਤ ਰਹੋ। ਬੱਚਿਆਂ ਨਾਲ ਲੂਡੋ, ਸ਼ਤਰੰਜ, ਲੁੱਕਾ-ਛਿੱਪੀ ਖੇਡੋ। ਤੁਸੀਂ ਇਸ ਨੂੰ ਇਸ
ਤਰੀਕੇ ਨਾਲ ਵੀ ਸਮਝ ਸਕਦੇ ਹੋ ਕਿ ਜਿਵੇਂ ਤੁਸੀਂ ਬੱਸ ਦੇ ਪਿਛਲੇ ਹਿੱਸੇ ਵਿੱਚ
ਬੈਠੇ-ਬੈਠੇ ਜੇਕਰ ਤੁਸੀਂ ਰਸਤੇ ਵਿੱਚ ਹਰ ਮੋੜ, ਰੁਕਾਵਟ, ਪੱਥਰ, ਟੱਕਰ ਨੂੰ ਦੇਖਦੇ
ਜਾਵੋਗੇ ਅਤੇ  ਪ੍ਰਤੀਕ੍ਰਿਆ ਦਿੰਦੇ ਜਾਵੋਗੇ, ਤਾਂ ਤੁਸੀਂ ਤਾਂ ਪਰੇਸ਼ਾਨ ਹੋਵੇਗੇ ਹੀ, ਨਾਲ
ਹੀ   ਡਰਾਇਵਰ ਨੂੰ ਵੀ ਪੂਰੀ ਇਕਾਗਰਤਾ ਨਾਲ ਉਸਦਾ ਕੰਮ ਨਹੀਂ ਕਰਨ ਦੇਵੋਗੇ। ਜੇ
ਤੁਹਾਨੂੰ ਆਪਣੇ ਬੱਚੇ ਨਾਲ ਕੋਰੋਨਾ ਮੁੱਦੇ 'ਤੇ ਗੱਲ ਕਰਨੀ ਹੀ ਪਵੇ, ਤਾਂ ਇਸ ਨੂੰ ਸੰਖੇਪ
ਅਤੇ ਹਮੇਸ਼ਾਂ ਸਕਾਰਾਤਮਕ ਰੱਖੋ। ਯਕੀਨਨ ਇਹ ਸਭ ਕਰਨ ਨਾਲ ਨਤੀਜੇ ਬਿਹਤਰ ਹੀ ਆਉਣਗੇ।
ਕਿਉਂਕਿ ਅੱਜਕੱਲ੍ਹ ਮਾਪੇ ਅਤੇ ਬੱਚੇ ਘਰਾਂ ਵਿੱਚ ਨਾਲ-ਨਾਲ ਹਨ, ਇਸ ਲਈ, ਸਾਰਿਆਂ ਲਈ
ਇਕੱਠੇ ਬੈਠ ਕੇ ਕੈਰਮ ਜਾਂ ਅੰਤਾਕਸ਼ਰੀ ਖੇਡਣਾ ਚਾਹੀਦਾ ਹੈ। ਨਵੀਆਂ-ਪੁਰਾਣੀਆਂ ਫਿਲਮਾਂ
ਵੇਖੋ। ਵੱਧ ਤੋਂ ਵੱਧ ਕਾਮੇਡੀ ਫਿਲਮਾਂ ਵੇਖੋ। ਇਸ ਸਮੇਂ ਵੀ ਸਮਾਜਕ ਦੂਰੀ ਬਣਾਈ ਰੱਖੋ।
ਇਸ ਦੀ ਮਹੱਤਤਾ ਬਾਰੇ ਦੱਸੋ। ਵੇਖੋ, ਇਸ ਨਾਲ ਇਕ ਤਾਂ ਤੁਹਾਡਾ ਸਮਾਂ ਨੂੰ ਮਜ਼ੇ-ਮਜੇ ਵਿਚ
ਕੱਟ ਜਾਵੇਗਾ, ਦੂਜਾ ਇਹ ਕਿ ਬੱਚੇ ਕੋਰੋਨਾ ਦੇ ਜਾਲ ਤੋਂ ਬਾਹਰ ਨਿਕਲ ਕੇ ਵਧੇਰੇ
ਸਕਾਰਾਤਮਕ ਸੋਚ ਸਕਣਗੇ। ਅਜਿਹੇ ਮੌਕੇ ਬਹੁਤ ਘੱਟ ਮਿਲਦੇ ਹਨ ਜਦੋਂ ਪੂਰਾ ਪਰਿਵਾਰ ਦਿਨ
ਰਾਤ ਇਕਠੇ ਹੁੰਦਾ ਹੋਵੇ। ਮੇਰੀ ਵੱਡੀ ਪੋਤੀ ਪੜ੍ਹਨ ਦਾ ਸ਼ੌਕੀਨ ਹੈ। ਸੰਗੀਤ ਦਾ ਸ਼ੌਕੀਨ
ਹੈ। ਮੈਂ ਉਸ ਲਈ ਉਸ ਨੂੰ ਉਤਸ਼ਾਹਤ ਕਰਦਾ ਹਾਂ। ਉਹ ਚੰਗਾ ਗਾਉਂਦੀ ਹੈ। ਮੈਂ ਇਸ ਲਈ
ਉਸਨੂੰ ਪ੍ਰੇਰਿਤ ਕਰਦਾਂ ਹਾਂ। ਮਾਤੀ ਛੋਟੀ ਪੋਤੀ ਅਤੇ ਪੋਤਾ ਪੇਂਟਿੰਗ ਦੇ ਸ਼ੌਕੀਨ ਹਨ।
ਮੈਂ ਇਸ ਲਈ ਉਨ੍ਹਾਂ ਨੂੰ ਉਤਸ਼ਾਹਤ ਕਰਦਾ ਹਾਂ ਅਤੇ ਉਹ ਦਿਨ ਭਰ ਇਸ ਵਿਚ ਲੱਗੇ ਰਹਿੰਦੇ
ਹਨ। ਇਸ ਲਈ ਇਸ ਮੌਕੇ ਦਾ ਲਾਭ ਉਠਾਓ। ਵੈਸੇ ਵੀ, ਅੱਜ ਦੀ ਦੌੜ ਭਰੀ ਜ਼ਿੰਦਗੀ ਵਿਚ,
ਅਜ਼ੀਜ਼ਾਂ ਨਾਲ ਸਮਾਂ ਬਿਤਾਉਣ ਦੇ ਬਹੁਤ ਘੱਟ ਮੌਕੇ ਹਨ। ਬੱਚਿਆਂ ਦੀਆਂ ਗਰਮੀਆਂ ਦੀਆਂ
ਛੁੱਟੀਆਂ ਦੌਰਾਨ ਵੀ ਮਾਪੇ ਦਫਤਰ ਜਾ ਰਹੇ ਹੁੰਦੇ ਹਨ। ਇਸ ਲਈ ਕੋਰੋਨਾ ਦੇ ਬਹਾਨੇ, ਸਾਨੂੰ
ਸਾਰਿਆਂ ਨੂੰ ਆਪਣੇ ਪਰਿਵਾਰਾਂ ਨਾਲ ਸਮਾਂ ਬਿਤਾਉਣ ਦਾ ਇਕ ਵਧੀਆ ਮੌਕਾ ਮਿਲਿਆ ਹੈ। ਇਸ
ਲਈ ਇਸਦਾ ਫਾਇਦਾ ਉਠਾਓ। ਮੈਂ ਅਤੇ ਮੇਰੀ ਪਤਨੀ ਨਵਰਾਤਰੀ ਵਿਚ ਰੁੱਝੇ ਹੋਏ ਹਾਂ. ਬੱਚੇ
ਸਵੇਰੇ-ਸ਼ਾਮ ਦੀ ਆਰਤੀ ਵਿਚ ਬੱਚੇ ਸ਼ਾਮਲ ਹੋ ਹੀ ਜਾਂਦੇ ਹਨ।  ਬਹੁਤ ਹੀ ਅਨੰਦਮਈ
ਵਾਤਾਵਰਣ ਰਹਿੰਦਾ ਹੈ।

ਫਿਲਹਾਲ, ਬੱਚੇ ਆਪਣੇ ਘਰਾਂ ਤੋਂ ਬਾਹਰ ਨਹੀਂ ਜਾ ਪਾ
ਰਹੇ ਹਨ। ਉਹ ਆਪਣੇ ਦੋਸਤਾਂ ਨੂੰ ਵੀ ਨਹੀਂ ਮਿਲ ਪਾ ਰਹੇ ਹਨ। ਇਸ ਸਮੇਂ ਮਾਪਿਆਂ ਨੂੰ
ਉਨ੍ਹਾਂ ਦੇ ਦੋਸਤ ਬਣਨਾ ਚਾਹੀਦਾ ਹੈ। ਉਨ੍ਹਾਂ ਨਾਲ ਬਹੁਤ ਸਾਰੀਆਂ ਗੱਲਾਂ-ਬਾਤਾਂ ਕਰਨੀਆਂ
ਚਾਹੀਦੀਆਂ ਹਨ। ਇਹ ਸਭ ਕਰਨ ਨਾਲ, ਅਸੀਂ ਆਪਣੇ ਬੱਚਿਆਂ ਨੂੰ ਫਿਰ ਤੋਂ ਹੱਸਦੇ ਹੋਏ ਵੇਖਣ
ਲਗਾਂਗੇ।
 
(ਲੇਖਕ ਸੀਨੀਅਰ ਸੰਪਾਦਕ ਅਤੇ ਕਾਲਮ ਲੇਖਕ ਹਨ)




 
Top