ਮੁੰਬਈ, 01 ਅਪ੍ਰੈਲ (ਹਿ. ਸ.)। ਗੜ੍ਹਚਿਰੌਲੀ ਜ਼ਿਲੇ ਦੀ ਭਾਮਰਾਗੜ੍ਹ ਤਹਿਸੀਲ ਦੇ ਕਿਯਾਰਕੋਟੀ ਅਬੂਝਮਾੜ ਜੰਗਲੀ ਖੇਤਰ 'ਚ ਪੁਲਿਸ ਨੇ ਹੋਏ ਮੁਕਾਬਲੇ 'ਚ ਇਕ ਨਕਸਲੀ ਨੂੰ ਢੇਰੀ ਕਰ ਦਿੱਤਾ। ਇਸ ਤੋਂ ਬਾਅਦ ਨਕਸਲੀ ਦੇ ਹੋਰ ਸਾਰੇ ਸਾਥੀ ਮੌਕੇ ਤੋਂ ਜੰਗਲ ਵੱਲ ਭੱਜ ਗਏ। ਪੁਲਿਸ ਫੋਰਸ ਵੱਲੋਂ ਜੰਗਲ ਵਿੱਚ ਤਲਾਸ਼ੀ ਲਈ ਗਈ, ਜਿੱਥੋਂ ਦੋ ਬੰਦੂਕਾਂ ਅਤੇ ਕੁਝ ਹੋਰ ਨਕਸਲੀ ਵਸਤੂਆਂ ਬਰਾਮਦ ਹੋਈਆਂ। ਗੜ੍ਹਚਿਰੌਲੀ ਦੇ ਐਸ ਪੀ. ਨੀਲੋਤਪਾਲ ਨੇ ਘਟਨਾ ਦੀ ਪੁਸ਼ਟੀ ਕੀਤੀ ਹੈ।
ਪੁਲਿਸ ਮੁਤਾਬਕ ਸ਼ਨੀਵਾਰ ਨੂੰ ਪੁਲਿਸ ਬਲ ਦੀ ਸੀ-60 ਜਵਾਨਾਂ ਦੀ ਟੀਮ ਨਕਸਲ ਵਿਰੋਧੀ ਮੁਹਿੰਮ ਤਹਿਤ ਭਾਮਰਾਗੜ੍ਹ ਤਹਿਸੀਲ ਦੇ ਜੰਗਲੀ ਖੇਤਰ 'ਚ ਕੰਮ ਕਰ ਰਹੀ ਸੀ। ਉਸੇ ਸਮੇਂ ਉਥੇ ਲੁਕੇ ਨਕਸਲੀਆਂ ਨੇ ਪੁਲਿਸ ਫੋਰਸ 'ਤੇ ਗੋਲੀਬਾਰੀ ਸ਼ੁਰੂ ਕਰ ਦਿੱਤੀ। ਪੁਲਿਸ ਵੱਲੋਂ ਵੀ ਜਵਾਬੀ ਗੋਲੀਬਾਰੀ ਕੀਤੀ ਗਈ। ਇਸ ਘਟਨਾ ਵਿੱਚ ਇੱਕ ਨਕਸਲੀ ਮਾਰਿਆ ਗਿਆ ਅਤੇ ਬਾਕੀ ਨਕਸਲੀ ਸੰਘਣੇ ਜੰਗਲ ਵੱਲ ਭੱਜ ਗਏ। ਦੂਜੇ ਪਾਸੇ ਤੋਂ ਗੋਲੀਬਾਰੀ ਰੁਕਣ ਤੋਂ ਬਾਅਦ ਪੁਲਿਸ ਫੋਰਸ ਨੇ ਧਿਆਨ ਨਾਲ ਜੰਗਲ ਦਾ ਮੁਆਇਨਾ ਕਰਨਾ ਸ਼ੁਰੂ ਕਰ ਦਿੱਤਾ ਅਤੇ ਮਾਰੇ ਗਏ ਨਕਸਲੀ ਦੀ ਲਾਸ਼ ਬਰਾਮਦ ਕੀਤੀ।
ਜ਼ਿਲ੍ਹਾ ਪੁਲਿਸ ਸੁਪਰਡੈਂਟ ਨੀਲੋਤਪਾਲ ਅਨੁਸਾਰ ਮੌਕੇ 'ਤੇ ਤਲਾਸ਼ੀ ਮੁਹਿੰਮ ਜਾਰੀ ਹੈ। ਪੁਲਿਸ ਨੇ ਮੌਕੇ ਤੋਂ ਦੋ ਬੰਦੂਕਾਂ ਅਤੇ ਹੋਰ ਸਮੱਗਰੀ ਬਰਾਮਦ ਕੀਤੀ ਹੈ। ਮਦਦ ਲਈ ਗੜ੍ਹਚਿਰੌਲੀ ਪੁਲਿਸ ਹੈੱਡਕੁਆਰਟਰ ਤੋਂ ਇੱਕ ਹੈਲੀਕਾਪਟਰ ਭੇਜਿਆ ਗਿਆ।
ਹਿੰਦੂਸਥਾਨ ਸਮਾਚਾਰ/ਸੁਰਿੰਦਰ/ਸੰਜੀਵ
