ਸ਼ਾਹਜ਼ਹਾਂਪੁਰ, 01 ਅਪ੍ਰੈਲ (ਹਿ. ਸ.)। ਥਾਣਾ ਮਦਨਾਪੁਰ ਇਲਾਕੇ 'ਚ ਪੁਲਿਸ ਅਤੇ ਪਸ਼ੂ ਤਸਕਰਾਂ/ਕਾਤਿਲਾਂ ਵਿਚਕਾਰ ਮੁਕਾਬਲਾ ਹੋਇਆ। ਪੁਲਿਸ ਨੇ ਮੁਕਾਬਲੇ ਵਿੱਚ ਤਿੰਨ ਤਸਕਰਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ, ਜਿਨ੍ਹਾਂ ਦੇ ਕਬਜ਼ੇ 'ਚੋਂ ਪੁਲਿਸ ਨੇ ਨਜਾਇਜ਼ ਹਥਿਆਰ, ਕਾਰਤੂਸ ਅਤੇ ਪਸ਼ੂਆਂ ਨੂੰ ਕੱਟਣ ਵਾਲਾ ਸਾਮਾਨ ਬਰਾਮਦ ਕੀਤਾ ਹੈ।
ਸੀਨੀਅਰ ਪੁਲਿਸ ਸੁਪਰਡੈਂਟ ਐੱਸ. ਆਨੰਦ ਨੇ ਦੱਸਿਆ ਕਿ ਸ਼ਨੀਵਾਰ ਨੂੰ ਮੁਖਬਰ ਨੇ ਪੁਲਸ ਨੂੰ ਗਊ ਤਸਕਰਾਂ ਬਾਰੇ ਸੂਚਨਾ ਦਿੱਤੀ, ਜਿਸ 'ਤੇ ਪੁਲਸ ਟੀਮ ਤਸਕਰਾਂ ਨੂੰ ਫੜਨ ਲਈ ਪਹੁੰਚੀ। ਇਸ ਦੌਰਾਨ ਮਦਨਾਪੁਰ ਥਾਣਾ ਖੇਤਰ ਦੇ ਰਜਪੁਰਾ ਵਿੱਚ ਇੱਕ ਬੰਦ ਦੁਕਾਨ ਦੇ ਕੋਲ ਪੁਲਿਸ ਟੀਮ ਦਾ ਤਸਕਰਾਂ ਨਾਲ ਮੁਕਾਬਲਾ ਹੋਇਆ। ਤਸਕਰਾਂ ਨੇ ਪੁਲਿਸ ਟੀਮ 'ਤੇ ਗੋਲੀਆਂ ਚਲਾ ਦਿੱਤੀਆਂ। ਪੁਲਸ ਟੀਮ ਨੇ ਬਚਾਅ 'ਚ ਆ ਕੇ ਕਿਸੇ ਤਰ੍ਹਾਂ ਘੇਰਾਬੰਦੀ ਕਰਕੇ ਤਿੰਨ ਤਸਕਰਾਂ ਨੂੰ ਕਾਬੂ ਕਰ ਲਿਆ। ਗ੍ਰਿਫ਼ਤਾਰ ਕੀਤੇ ਗਏ ਤਸਕਰ ਬਰੇਲੀ ਦੇ ਵਸਨੀਕ ਵਸੀਮ ਉਰਫ਼ ਚੁਟਿਆ, ਬੁਲੇਰੋ ਉਰਫ਼ ਕੱਲੂ ਅਤੇ ਸ਼ਾਰਿਕ ਹਨ। ਜਿਨ੍ਹਾਂ ਦੇ ਕਬਜ਼ੇ 'ਚੋਂ ਟੀਮ ਨੇ ਨਜਾਇਜ਼ ਹਥਿਆਰ, ਕਾਰਤੂਸ, ਤੀਹ ਹਜ਼ਾਰ ਰੁਪਏ ਅਤੇ ਪਸ਼ੂ ਕੱਟਣ ਦਾ ਸਾਮਾਨ ਆਦਿ ਬਰਾਮਦ ਕੀਤਾ ਹੈ।
ਐਸ. ਐਸ. ਪੀ. ਨੇ ਦੱਸਿਆ ਕਿ ਪੁੱਛਗਿੱਛ ਦੌਰਾਨ ਤਸਕਰਾਂ ਨੇ ਕਟਰਾ ਇਲਾਕੇ ਅਤੇ ਤਿਲਹਰ ਇਲਾਕੇ ਦੇ ਪਿੰਡ ਹਾਜੀ ਨਗਲਾ ਵਿੱਚ ਗਊ ਹੱਤਿਆ ਦੀਆਂ ਘਟਨਾਵਾਂ ਨੂੰ ਮੰਨਿਆ ਹੈ। ਤਸਕਰਾਂ ਨੇ ਪੁੱਛਗਿੱਛ ਦੌਰਾਨ ਦੱਸਿਆ ਕਿ ਉਨ੍ਹਾਂ ਦਾ ਮਾਸਟਰ ਮਾਈਂਡ ਜ਼ਿਲੇ ਦੇ ਥਾਣਾ ਭੋਜੀਪੁਰਾ ਖੇਤਰ ਦੇ ਧੌਲਾ ਟਾਂਡਾ ਦਾ ਰਹਿਣ ਵਾਲਾ ਰਾਜੂ ਹੈ।ਇਹ ਲੋਕ ਸੜਕਾਂ ਅਤੇ ਖੇਤਾਂ 'ਤੇ ਘੁੰਮਦੇ ਬੇਸਹਾਰਾ ਪਸ਼ੂਆਂ ਨੂੰ ਨਿਸ਼ਾਨਾ ਬਣਾਉਂਦੇ ਹਨ, ਉਨ੍ਹਾਂ ਨੂੰ ਦੂਰ-ਦੁਰਾਡੇ ਥਾਵਾਂ 'ਤੇ ਲੈ ਜਾਂਦੇ ਹਨ ਅਤੇ ਉਨ੍ਹਾਂ ਦਾ ਕਤਲ ਕਰਦੇ ਹਨ ਅਤੇ ਉਨ੍ਹਾਂ ਦਾ ਮਾਸ ਬਰੇਲੀ ਵਿਚ ਚੰਗੀ ਕੀਮਤ 'ਤੇ ਵੇਚਦੇ ਹਨ।
ਹਿੰਦੂਸਥਾਨ ਸਮਾਚਾਰ/ਸੁਰਿੰਦਰ/ਸੰਜੀਵ