ਮੁੰਬਈ, 17 ਸਤੰਬਰ (ਹਿ. ਸ.)। ਬਾਲੀਵੁੱਡ ਅਭਿਨੇਤਾ ਸਲਮਾਨ ਖਾਨ ਆਪਣੀ ਨਿੱਜੀ ਜ਼ਿੰਦਗੀ ਵਿੱਚ ਆਪਣੇ ਪਰਿਵਾਰ ਨੂੰ ਬਹੁਤ ਮਹੱਤਵ ਦਿੰਦੇ ਹਨ। ਫਿਲਹਾਲ ਸਟਾਰ ਕਿਡਜ਼ ਦੇ ਬਾਲੀਵੁੱਡ ਡੈਬਿਊ ਨੂੰ ਲੈ ਕੇ ਲਗਾਤਾਰ ਆਲੋਚਨਾ ਹੁੰਦੀ ਨਜ਼ਰ ਆ ਰਹੀ ਹੈ। ਅਜਿਹੇ ’ਚ ਸਲਮਾਨ ਦੀ ਭਤੀਜੀ ਅਲੀਜ਼ੇਹ ਜਲਦ ਹੀ ਫਿਲਮ ਇੰਡਸਟਰੀ ’ਚ ਡੈਬਿਊ ਕਰੇਗੀ। ਸਲਮਾਨ ਦਾ ਆਪਣੀਆਂ ਦੋ ਭੈਣਾਂ ਅਲਵੀਰਾ ਅਗਨੀਹੋਤਰੀ ਅਤੇ ਅਰਪਿਤਾ ਖਾਨ ਸ਼ਰਮਾ ਦੇ ਬੱਚਿਆਂ ਨਾਲ ਬਹੁਤ ਖੂਬਸੂਰਤ ਰਿਸ਼ਤਾ ਹੈ। ਸਲਮਾਨ ਨੇ ਇਕ ਭਾਵੁਕ ਪੋਸਟ ਸ਼ੇਅਰ ਕੀਤੀ ਹੈ, ਕਿਉਂਕਿ ਅਲਵੀਰਾ ਦੀ ਬੇਟੀ ਅਲੀਜ਼ੇਹ ਫਿਲਮ ’ਚ ਡੈਬਿਊ ਕਰੇਗੀ।
ਇਸ ਪੋਸਟ ਨੂੰ ਸ਼ੇਅਰ ਕਰਦੇ ਹੋਏ ਸਲਮਾਨ ਨੇ ਅਲੀਜ਼ੇਹ ਨਾਲ ਇੱਕ ਪੁਰਾਣੀ ਫੋਟੋ ਸ਼ੇਅਰ ਕੀਤੀ ਹੈ। ਇਸ ਵਿੱਚ ਉਹ ਲਿਖਦੇ ਹਨ, “ਆਪਣੇ ਚਾਚਾ ’ਤੇ ਇੱਕ ਅਹਿਸਾਨ ਕਰੋ, ਜੋ ਵੀ ਕਰੋ, ਪੂਰੇ ਦਿਲ ਨਾਲ ਕਰੋ… ਜ਼ਿੰਦਗੀ ਵਿੱਚ ਹਮੇਸ਼ਾ ਸਿੱਧੇ ਰਸਤੇ ’ਤੇ ਚੱਲਣਾ ਯਾਦ ਰੱਖੋ। ਤੁਹਾਡਾ ਮੁਕਾਬਲਾ ਸਿਰਫ਼ ਆਪਣੇ ਨਾਲ ਹੈ।’’
ਸਲਮਾਨ ਖਾਨ ਨੇ ਅੱਗੇ ਲਿਖਿਆ, ‘‘ਇੰਡਸਟਰੀ ’ਚ ਫਿੱਟ ਹੋਣ ਲਈ, ਦੂਜਿਆਂ ਦੀ ਤਰ੍ਹਾਂ ਵਿਵਹਾਰ ਨਾ ਕਰੋ ਅਤੇ ਕੁਝ ਵੱਖਰਾ ਕਰਕੇ ਵੱਖਰੇ ਨਾ ਦਿਖੋ। ਜੇ ਤੁਸੀਂ ਕਿਸੇ ਨਾਲ ਵਾਅਦਾ ਕਰਦੇ ਹੋ ਤਾਂ ਆਪਣੇ ਚਾਚੇ ਦੀ ਵੀ ਨਾ ਸੁਣੋ, ਉਹ ਵਾਅਦਾ ਨਿਭਾਓ.... ਇਸ ਨੂੰ ਹਮੇਸ਼ਾ ਯਾਦ ਰੱਖੋ।”
ਅਲੀਜ਼ੇਹ ਅਗਨੀਹੋਤਰੀ 22 ਸਾਲ ਦੀ ਹੈ ਅਤੇ ਕਈ ਵਾਰ ਸਲਮਾਨ ਖਾਨ ਨਾਲ ਨਜ਼ਰ ਆ ਚੁੱਕੀ ਹੈ। ਉਹ ਸਲਮਾਨ ਖਾਨ ਦੀ ‘ਦਬੰਗ 3’ ’ਚ ਨਜ਼ਰ ਆਉਣ ਵਾਲੀ ਸੀ ਪਰ ਉਨ੍ਹਾਂ ਦੇ ਪਿਤਾ ਨੇ ਮਨ੍ਹਾ ਕਰ ਦਿੱਤਾ। ਅਲੀਜ਼ੇਹ ਅਗਨੀਹੋਤਰੀ ਦਾ ਇੱਕ ਵੱਡਾ ਭਰਾ ਅਯਾਨ ਅਗਨੀਹੋਤਰੀ ਹੈ। ਇਹ ਵੀ ਖਬਰ ਹੈ ਕਿ ਫਿਲਮ ਨਿਰਮਾਤਾ ਸੌਮੇਂਦਰ ਪਾਧੀ ਨੇ ਆਪਣੀ ਅਗਲੀ ਫਿਲਮ ਲਈ ਅਲੀਜ਼ੇਹ ਨੂੰ ਚੁਣਿਆ ਹੈ।
ਹਿੰਦੂਸਥਾਨ ਸਮਾਚਾਰ/ਸੁਰਿੰਦਰ/ਸੰਜੀਵ
