ਨਵੀਂ ਦਿੱਲੀ, 14 ਨਵੰਬਰ (ਹਿੰ.ਸ.)। ਕੇਂਦਰੀ ਸੰਚਾਰ ਅਤੇ ਪੇਂਡੂ ਵਿਕਾਸ ਰਾਜ ਮੰਤਰੀ, ਡਾ. ਪੇਮਸਾਨੀ ਚੰਦਰਸ਼ੇਖਰ ਨੇ ਵਿਸ਼ਵਵਿਆਪੀ ਨਿਵੇਸ਼ਕਾਂ ਨੂੰ ਭਾਰਤ ਦੇ ਅਗਲੇ ਦਹਾਕੇ ਦੇ ਆਰਥਿਕ ਵਿਕਾਸ ਵਿੱਚ ਹਿੱਸਾ ਲੈਣ ਅਤੇ ਟੈਲੀਕਾਮ ਕੰਪੋਨੈਂਟ ਨਿਰਮਾਣ ਵਿੱਚ 25 ਬਿਲੀਅਨ ਡਾਲਰ ਦੇ ਮੌਕੇ ਦਾ ਲਾਭ ਉਠਾਉਣ ਦੀ ਅਪੀਲ ਕੀਤੀ। ਉਨ੍ਹਾਂ ਕਿਹਾ ਕਿ ਭਾਰਤ ਦੀ ਤੇਜ਼ ਤਰੱਕੀ ਮਾਈਂਡਸੈੱਂਟ ਮੇਟਾਮਾਰਫੋਸਿਸ, ਵੱਡੇ ਸੁਧਾਰਾਂ ਅਤੇ ਉੱਦਮਤਾ ਨੂੰ ਮਿਲੀ ਨਵੀਂ ਗਤੀ ਦਾ ਨਤੀਜਾ ਹੈ।
ਵਿਸ਼ਾਖਾਪਟਨਮ ਵਿੱਚ ਆਯੋਜਿਤ ਸੀ.ਆਈ.ਆਈ. ਭਾਈਵਾਲੀ ਸੰਮੇਲਨ ਵਿੱਚ, ਉਪ-ਰਾਸ਼ਟਰਪਤੀ ਸੀ.ਪੀ. ਰਾਧਾਕ੍ਰਿਸ਼ਨਨ ਦੀ ਮੌਜੂਦਗੀ ਵਿੱਚ ਬੋਲਦਿਆਂ, ਡਾ. ਚੰਦਰਸ਼ੇਖਰ ਨੇ ਕਿਹਾ ਕਿ ਦੇਸ਼ ਦੀ ਤਰੱਕੀ ਸੋਚ-ਸਮਝ ਕੇ ਬਣਾਈਆਂ ਗਈਆਂ ਨੀਤੀਆਂ, ਮਜ਼ਬੂਤ ਲਾਗੂਕਰਨ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ ਹੇਠ ਉੱਦਮੀ ਦੇ ਮੁਕਤ ਹੋਣ ਦਾ ਨਤੀਜਾ ਹੈ। ਉਨ੍ਹਾਂ ਨਿਵੇਸ਼ਕਾਂ ਨੂੰ ਭਰੋਸਾ ਦਿੱਤਾ ਕਿ ਸੰਚਾਰ ਮੰਤਰਾਲਾ ਪ੍ਰਵਾਨਗੀ ਪ੍ਰਕਿਰਿਆ ਨੂੰ ਤੇਜ਼ ਕਰਨ ਅਤੇ ਨਵੇਂ ਨਿਵੇਸ਼ਾਂ ਲਈ ਹਰ ਸੰਭਵ ਸਹਾਇਤਾ ਪ੍ਰਦਾਨ ਕਰਨ ਲਈ ਤਿਆਰ ਹੈ।
ਉਨ੍ਹਾਂ ਕਿਹਾ ਕਿ ਭਾਰਤ ਨੇ ਲਾਇਸੈਂਸ-ਰਾਜ ਮਾਨਸਿਕਤਾ ਤੋਂ ਅੱਗੇ ਵਧ ਕੇ ਟਰੱਸਟ-ਫਸਟ ਅਪ੍ਰੋਚ ਅਪਣਾਈ ਹੈ, ਜਿੱਥੇ ਉੱਦਮੀਆਂ ਨੂੰ ਰਾਸ਼ਟਰ-ਨਿਰਮਾਤਾ ਵਜੋਂ ਸਤਿਕਾਰਿਆ ਜਾਂਦਾ ਹੈ।
ਉਨ੍ਹਾਂ ਨੇ ਬੁਨਿਆਦੀ ਢਾਂਚੇ ’ਚ 1.4 ਟ੍ਰਿਲੀਅਨ ਡਾਲਰ ਦੇ ਨਿਵੇਸ਼, 26 ਬਿਲੀਅਨ ਡਾਲਰ ਦੀਆਂ ਪੀ.ਐਲ.ਆਈ. ਸਕੀਮਾਂ, ਸਰਲ ਕਿਰਤ ਕਾਨੂੰਨਾਂ, ਰੈਟ੍ਰੋਸਪੈਕਟਿਵ ਟੈਕਸਾਂ ਦਾ ਖਾਤਮਾ, ਜੀ.ਐਸ.ਟੀ.-ਅਧਾਰਤ ਰਾਸ਼ਟਰੀ ਬਾਜ਼ਾਰ ਏਕੀਕਰਨ, ਅਤੇ ਇਨਸੌਲਵੈਂਸੀ ਅਤੇ ਦੀਵਾਲੀਆਪਨ ਕੋਡ ਵਰਗੇ ਸੁਧਾਰਾਂ ਨੂੰ ਭਾਰਤ ਨੂੰ ਭਰੋਸੇਮੰਦ ਗਲੋਬਲ ਨਿਰਮਾਤਾ ਬਣਾਉਣ ਵਜੋਂ ਦਰਸਾਇਆ।ਡਾ. ਚੰਦਰਸ਼ੇਖਰ ਨੇ ਆਂਧਰਾ ਪ੍ਰਦੇਸ਼ ਨੂੰ ਨਿਵੇਸ਼ ਲਈ ਅਨੁਕੂਲ ਸਥਾਨ ਦੱਸਦਿਆਂ ਕਿਹਾ ਕਿ ਮੁੱਖ ਮੰਤਰੀ ਐਨ. ਚੰਦਰਬਾਬੂ ਨਾਇਡੂ ਦੀ ਅਗਵਾਈ ਹੇਠ ਵਿਕਸਤ ਉਦਯੋਗਿਕ ਈਕੋਸਿਸਟਮ ਸਾਈਬਰਾਬਾਦ ਆਈਟੀ ਦੇ ਲਈ, ਵਿਸ਼ਾਖਾਪਟਨਮ ਉਦਯੋਗ ਅਤੇ ਫਿਨਟੈਕ ਦੇ ਲਈ, ਅਨੰਤਪੁਰ ਆਟੋਮੋਬਾਈਲਜ਼ ਦੇ ਲਈ ਅਤੇ ਤਿਰੂਪਤੀ ਇਲੈਕਟ੍ਰਾਨਿਕਸ ਦੇ ਸੈਕਟਰ-ਹੱਬ ਵਜੋਂ ਉੱਭਰ ਰਹੇ ਹਨ। ਜੀਨੋਮ ਵੈਲੀ, ਜਿਹੀਆਂ ਪਹਿਲਕਦਮੀਆਂ ਛੇ ਪ੍ਰਮੁੱਖ ਬੰਦਰਗਾਹਾਂ, ਤਿਆਰ ਉਦਯੋਗਿਕ ਭੂਮੀ ਬੈਂਕ, ਵਿਸ਼ਾਲ ਨਵਿਆਉਣਯੋਗ ਊਰਜਾ ਸੰਭਾਵਨਾ, ਅਤੇ ਤੇਜ਼ ਫੈਸਲਾ ਲੈਣ ਵਾਲੀ ਪ੍ਰਸ਼ਾਸਨਿਕ ਪ੍ਰਣਾਲੀ ਰਾਜ ਨੂੰ ਨਿਵੇਸ਼ ਲਈ ਤਿਆਰ ਅਤੇ ਉਤਸੁਕ ਬਣਾਉਂਦੀਆਂ ਹਨ।
ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ
