ਮੁਹਾਲੀ, 11 ਅਕਤੂਬਰ (ਹਿੰ. ਸ.)। ਰਿਆਤ ਬਾਹਰਾ ਯੂਨੀਵਰਸਿਟੀ ਦੇ ਸਕੂਲ ਆਫ ਲਾਅ ਵੱਲੋਂ ਇੰਟਰਾ ਮੂਟ ਕੋਰਟ ਮੁਕਾਬਲਾ 2025 ਦਾ ਸਫਲ ਆਯੋਜਨ ਕੀਤਾ ਗਿਆ। ਮੁਕਾਬਲੇ ਦਾ ਸਮਾਪਨ ਸ਼ਾਨਦਾਰ ਸਮਾਰੋਹ ਨਾਲ ਕੀਤਾ ਗਿਆ ਜਿਸ ਵਿੱਚ ਵਿਦਿਆਰਥੀਆਂ ਨੇ ਵੱਡੇ ਉਤਸ਼ਾਹ ਨਾਲ ਭਾਗ ਲਿਆ। ਇਸ ਮੌਕੇ ਪ੍ਰੋ ਵਾਈਸ-ਚਾਂਸਲਰ ਪ੍ਰੋ. (ਡਾ.) ਸਤੀਸ਼ ਕੁਮਾਰ ਬੰਸਲ, ਡੀਨ ਪ੍ਰੋ. (ਡਾ.) ਧਰਮਿੰਦਰ ਪਟਿਆਲ ਅਤੇ ਵਿਭਾਗ ਮੁਖੀ ਡਾ. ਸਵਪਨ ਪ੍ਰੀਤ ਕੌਰ ਵਿਸ਼ੇਸ਼ ਤੌਰ ‘ਤੇ ਸ਼ਾਮਲ ਹੋਏ। ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਪ੍ਰੇਰਕ ਸ਼ਬਦਾਂ ਨਾਲ ਉਤਸ਼ਾਹਿਤ ਕੀਤਾ ਅਤੇ ਉਨ੍ਹਾਂ ਦੀ ਮਿਹਨਤ, ਆਤਮ-ਵਿਸ਼ਵਾਸ ਅਤੇ ਸਮਰਪਣ ਦੀ ਪ੍ਰਸ਼ੰਸਾ ਕੀਤੀ।ਰਿਆਤ ਬਾਹਰਾ ਯੂਨੀਵਰਸਿਟੀ ਦੇ ਚਾਂਸਲਰ ਸ. ਗੁਰਵਿੰਦਰ ਸਿੰਘ ਬਾਹਰਾ ਨੇ ਸਕੂਲ ਆਫ ਲਾਅ ਦੇ ਅਧਿਆਪਕਾਂ ਦੀ ਇਸ ਮੁਕਾਬਲੇ ਦੇ ਸੁਚਾਰੂ ਆਯੋਜਨ ਲਈ ਸ਼ਲਾਘਾ ਕੀਤੀ। ਉਨ੍ਹਾਂ ਕਿਹਾ ਕਿ ਇਸ ਤਰ੍ਹਾਂ ਦੇ ਮੁਕਾਬਲੇ ਵਿਦਿਆਰਥੀਆਂ ਨੂੰ ਕਾਨੂੰਨੀ ਗਿਆਨ ਦੇ ਨਾਲ-ਨਾਲ ਵਿਵਹਾਰਕ ਅਨੁਭਵ ਪ੍ਰਾਪਤ ਕਰਨ ਦਾ ਸ਼ਾਨਦਾਰ ਮੌਕਾ ਦਿੰਦੇ ਹਨ। ਇਸ ਮੁਕਾਬਲੇ ਵਿੱਚ ਵੱਖ-ਵੱਖ ਸਮੈਸਟਰਾਂ ਦੇ ਵਿਦਿਆਰਥੀਆਂ ਨੇ ਉਤਸ਼ਾਹ ਨਾਲ ਭਾਗ ਲਿਆ ਅਤੇ ਵਕਾਲਤ, ਖੋਜ, ਡਰਾਫਟਿੰਗ ਅਤੇ ਕਾਨੂੰਨੀ ਤਰਕ-ਵਿਚਾਰ ਵਿੱਚ ਆਪਣੇ ਹੁਨਰ ਦਾ ਪ੍ਰਦਰਸ਼ਨ ਕੀਤਾ। ਇਸ ਮੌਕੇ ਵਿਦਿਆਰਥੀਆਂ ਨੂੰ ਅਦਾਲਤੀ ਕਾਰਵਾਈਆਂ ਦਾ ਅਸਲੀ ਤਜਰਬਾ ਪ੍ਰਾਪਤ ਹੋਇਆ, ਜਿਸ ਨਾਲ ਉਨ੍ਹਾਂ ਨੂੰ ਪੇਸ਼ਾਵਰ ਕਾਨੂੰਨੀ ਅਭਿਆਸ ਦੀਆਂ ਚੁਣੌਤੀਆਂ ਨਾਲ ਜਾਣੂ ਹੋਣ ਦਾ ਮੌਕਾ ਮਿਲਿਆ।ਮੁਕਾਬਲੇ ਦੇ ਨਤੀਜੇ ਹੇਠ ਲਿਖੇ ਹਨ:ਜੇਤੂ ਟੀਮ: ਪ੍ਰੀਤੀ ਸਿੰਘ, ਉੱਜਵਲ, ਯਸ਼ਸਵੀਰੰਨਰ-ਅੱਪ ਟੀਮ: ਸਾਹਿਬਪ੍ਰੀਤ ਸਿੰਘ, ਮੁਸੂਮੀ, ਆਰਜ਼ੂਬੈਸਟ ਸਪੀਕਰ: ਪ੍ਰੀਤੀ ਸਿੰਘਦੂਜੀ ਬੈਸਟ ਸਪੀਕਰ: ਹਰਪ੍ਰੀਤ ਕੌਰਤੀਜੀ ਬੈਸਟ ਸਪੀਕਰ: ਕਰਣਵੀਰ ਰਾਜਲਬੈਸਟ ਮੈਮੋਰੀਅਲ: ਗੌਰੀ ਠਾਕੁਰ ਅਤੇ ਸਵੀਟੀਦੂਜਾ ਬੈਸਟ ਮੈਮੋਰੀਅਲ: ਉੱਜਵਲ, ਯਸ਼ਸਵੀ ਅਤੇ ਪ੍ਰੀਤੀਬੈਸਟ ਰਿਸਰਚਰ: ਮਨਿੰਦਰ ਸਿੰਘਦੂਜਾ ਬੈਸਟ ਰਿਸਰਚਰ: ਉੱਜਵਲਸਮਾਰੋਹ ਦਾ ਸਮਾਪਨ ਧੰਨਵਾਦ ਪ੍ਰਸਤਾਵ ਨਾਲ ਕੀਤਾ ਗਿਆ ਜਿਸ ਵਿੱਚ ਸਾਰੇ ਭਾਗੀਦਾਰ ਵਿਦਿਆਰਥੀਆਂ, ਫੈਕਲਟੀ ਮੈਂਬਰਾਂ ਅਤੇ ਜੱਜਾਂ ਦੀ ਯੋਗਦਾਨ ਲਈ ਪ੍ਰਸ਼ੰਸਾ ਕੀਤੀ ਗਈ। ਸਮਾਗਮ ਨੇ ਵਿਦਿਆਰਥੀਆਂ ਵਿੱਚ ਕਾਨੂੰਨੀ ਸਿੱਖਿਆ ਪ੍ਰਤੀ ਹੋਰ ਜ਼ਿਆਦਾ ਰੁਝਾਨ ਅਤੇ ਉਤਸ਼ਾਹ ਪੈਦਾ ਕੀਤਾ।

ਹਿੰਦੂਸਥਾਨ ਸਮਾਚਾਰ / ਦਵਿੰਦਰ ਸਿੰਘ