ਚੰਡੀਗੜ੍ਹ, 12 ਅਕਤੂਬਰ (ਹਿੰ. ਸ.)। ਹਰਿਆਣਾ ਦੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਦੀ ਅਗਵਾਈ ਹੇਠ ਅੱਜ ਹੋਈ ਕੈਬਨਿਟ ਦੀ ਮੀਟਿੰਗ ਵਿੱਚ ਹਰਿਆਣਾ ਮਾਨਵ ਇਮਯੂਨੋਡਿਫਿਸ਼ਇਏਂਸੀ ਵਾਇਰਸ ਅਤੇ ਅਕਵਾਅਰਡ ਇਮਿਯੂਨੋਡਿਫਿਸ਼ਇਏਂਸੀ ਸਿੰਡਰੋਮ (ਰੋਕਥਾਮ ਅਤੇ ਕੰਟਰੋਲ) ਐਕਟ, 2017 ਦੀ ਧਾਰਾ 49 ਦੀ ਉੱਪ-ਧਾਰਾ (1) ਤਹਿਤ ਰਾਜ ਨਿਯਮਾਂ ਦੇ ਨਿਰਮਾਣ ਨੂੰ ਮਨਜ਼ੂਰੀ ਦਿੱਤੀ ਗਈ। ਨਵੇਂ ਨਿਯਮਾਂ ਨੂੰ ਹਰਿਆਣਾ ਮਾਨਵ ਇੰਯੂਨੋਡਿਫਿਸ਼ਇਏਂਸੀ ਵਾਇਰਸ ਅਤੇ ਅਕਵਾਅਰਡ ਇਮਿਯੂਨੋਡਿਫਿਸ਼ਇਏਂਸੀ ਸਿੰਡਰੋਮ (ਰੋਕਥਾਮ ਅਤੇ ਕੰਟਰੋਲ) ਐਕਟ, 2025 ਕਿਹਾ ਜਾਵੇਗਾ। ਇੰਨ੍ਹਾਂ ਨਿਯਮਾਂ ਤਹਿਤ, ਰਾਜ ਸਰਕਾਰ ਆਪਣੇ ਛੇ ਪ੍ਰਸਾਸ਼ਨਿਕ ਪ੍ਰਭਾਵਾਂ ਦੇ ਕਮਿਸ਼ਨਰਾਂ ਨੂੰ ਲੋਕਪਾਲ ਵਜੋ ਕੰਮ ਕਰਨ ਲਈ ਨਾਮਜਦ ਕਰੇਗੀ। ਐਕਟ ਦੀ ਧਾਰਾ 23 ਵਿੱਚ ਵਰਨਣ ਉਨ੍ਹਾਂ ਦੀ ਭੁਮਿਕਾ ਐਚਆਈਵੀ/ਏਡਸ ਤੋਂ ਪੀੜਤ ਲੋਕਾਂ ਦੀ ਸ਼ਿਕਾਇਤਾਂ ਦਾ ਨਿਪਟਾਰਾ ਕਰਨਾ ਹੈ। ਹਰੇਕ ਲੋਕਪਾਲ ਆਪਣੇ-ਆਪਣੇ ਪ੍ਰਭਾਗਾਂ-ਰੋਹਤਕ, ਹਿਸਾਰ, ਕਰਨਾਲ, ਗੁਰੂਗ੍ਰਾਮ, ਫਰੀਦਾਬਾਦ ਅਤੇ ਅੰਬਾਲਾ-ਵਿੱਚ ਕੰਮ ਕਰੇਗਾ ਅਤੇ ਸਬੰਧਿਤ ਜ਼ਿਲ੍ਹਾ ਦੇ ਸਿਵਲ ਸਰਜਨ ਵੱਲੋਂ ਸਹਾਇਤਾ ਸਮਰਥਿਤ ਹੋਵੇਗਾ। ਸੂਬਾ ਸਰਕਾਰ ਨੈਦਾਨਿਕ ਸਹੂਲਤਾਂ ਨੂੰ ਮਜਬੂਤ ਕਰਨ ਅਤੇ ਸੰਕ੍ਰਮਣਾਂ, ਮਤਲਬ ਅਜਿਹੇ ਸੰਕ੍ਰਮਣ ਜੋ ਪ੍ਰਤੀਰੋਧਕ ਸ਼ਕਤੀ ਨੂੰ ਘੱਟ ਕਰ ਸਕਦੇ ਹਨ, ਦੇ ਪ੍ਰਬੰਧਨ ਨੂੰ ਯਕੀਨੀ ਕਰਨ ਲਈ ਜਰੂਰੀ ਉਪਾਅ ਕਰੇਗੀ। ਇਹ ਸਬ-ਹੈਲਥ ਸੈਂਟਰਾਂ, ਪ੍ਰਾਥਮਿਕ ਸਿਹਤ ਕੇਂਦਰਾਂ, ਕਮਿਊਨਿਟੀ ਸਿਹਤ ਕੇਂਦਰਾਂ, ਸਿਵਲ ਹਸਪਤਾਲਾਂ, ਜਿਲ੍ਹਾ ਹਸਪਤਾਲਾਂ ਅਤੇ ਮੈਡੀਕਲ ਕਾਲਜ ਹੱਸਪਤਾਲਾਂ ਸਮੇਤ ਸਾਰੇ ਸਰਕਾਰੀ ਸਿਹਤ ਸੰਸਥਾਨਾਂ ਵਿੱਚ ਮੁਫ਼ਤ ਨੈਦਾਨਿਕ ਸੇਵਾਵਾਂ ਪ੍ਰਦਾਨ ਕਰੇਗੀ। ਇਸ ਤੋਂ ਇਲਾਵਾ, ਰਾਸ਼ਟਰੀ ਏਡਸ ਕੰਟਰੋਲ ਸੰਗਠਨ ਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ, ਏਆਰਟੀ ਕੇਂਦਰਾਂ, ਸਹੂਲਤ-ਏਕੀਕ੍ਰਿਤ ਏਆਰਟੀ (ਐਫਆਈਏਆਰਟੀ) ਕੇਂਦਰਾਂ ਅਤੇ ਲਿੰਕ ਏਆਰਟੀ (ਐਲਏਆਰਟੀ) ਕੇਂਦਰਾਂ 'ਤੇ ਸਾਰੇ ਐਚਆਈਵੀ ਪਾਜੀਟਿਵ ਵਿਅਕਤੀਆਂ ਨੂੰ ਮੁਫ਼ਤ ਏਂਟੀ-ਰੇਟ੍ਰੋਵਾਇਰਲ ਥੈਰੇਪੀ (ਏਆਰਟੀ) ਦਵਾਈਆਂ ਉਪਲਬਧ ਕਰਵਾਈਆਂ ਜਾਣਗੀਆਂ। ਸਰਕਾਰ ਐਚਆਈਵੀ ਪਾਜੀਟਿਵ ਵਿਅਕਤੀਆਂ ਨੂੰ ਨੈਦਾਨਿਕ ਅਤੇ ਇਲਾਜ ਸੇਵਾਵਾਂ ਪ੍ਰਦਾਨ ਕਰਨ ਵਿੱਚ ਨਿਜੀ ਮੈਡੀਕਲ ਖੇਤਰ ਨੂੰ ਵੀ ਸਰਗਰਮ ਰੂਪ ਨਾਲ ਸ਼ਾਮਿਲ ਕਰੇਗੀ, ਤਾਂ ਜੋ ਇਹ ਯਕੀਨੀ ਕੀਤਾ ਜਾ ਸਕੇ ਕਿ ਸੇਵਾਵਾਂ ਬਿਨ੍ਹਾਂ ਕਿਸੇ ਭੇਦਭਾਵ ਤੋਂ ਪ੍ਰਦਾਨ ਕੀਤੀਆਂ ਜਾਣ। ਨਿਜੀ ਸਿਹਤ ਸੇਵਾ ਪ੍ਰਦਾਤਾਵਾਂ ਨੂੰ ਨਿਰਦੇਸ਼ ਦਿੱਤਾ ਜਾਵੇਗਾ ਕਿ ਉਹ ਸਾਰੇ ਐਚਆਈਵੀ ਪਾਜੀਟਿਵ ਮਾਮਲਿਆਂ ਦੀ ਸੂਚਨਾ ਨੇੜੇ ਏਕੀਕ੍ਰਿਤ ਸਲਾਹ-ਮਸ਼ਵਰਾ ਅਤੇ ਜਾਂਚ ਕੇਂਦਰ ਜਾਂ ਸਰਕਾਰੀ ਹੱਸਪਤਾਲ ਨੂੰ ਅੱਗੇ ਦੇ ਪ੍ਰਬੰਧਨ ਅਤੇ ਇਲਾਜ ਲਈ ਦੇਣ, ਨਾਲ ਹੀ ਨਿਜਤਾ ਦੇ ਅਧਿਕਾਰ ਸਮੇਤ ਵਿਅਕਤੀਆਂ ਦੇ ਮਾਨਵਅਧਿਕਾਰਾਂ ਦਾ ਵੀ ਸਖਤੀ ਨਾਲ ਪਾਲਣ ਕਰਨ। ਇਸ ਤੋਂ ਇਲਾਵਾ, ਰਾਜ ਏਡਸ ਕੰਟਰੋਲ ਸੋਸਾਇਟੀ ਨੂੰ ਭਾਰਤ ਸਰਕਾਰ ਦੇ ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲੇ ਵੱਲੋਂ ਜਾਰੀ ਦਿਸ਼ਾ-ਨਿਰਦੇਸ਼ਾਂ ਅਨੁਰੂਪ, ਸਾਰੇ ਸਰਕਾਰੀ ਸਿਹਤ ਸਹੂਲਤਾਂ ਵਿੱਚ ਅਵਸਰਵਾਦੀ ਸੰਕ੍ਰਮਣਾਂ ਦੇ ਨਿਦਾਨ ਅਤੇ ਉਪਚਾਰ ਲਈ ਜਰੂਰੀ ਵਿਵਸਥਾ ਕਰਨ ਦੇ ਨਿਰਦੇਸ਼ ਦਿੱਤਾ ਜਾਵੇਗਾ। ਇਹ ਨਿਯਮ ਲੋਕਪਾਲ ਦੇ ਕੰਮਾਂ ਅਤੇ ਜਿੰਮੇਵਾਰੀਆਂ ਨੂੰ ਵੀ ਪਰਿਭਾਸ਼ਤ ਕਰਦੇ ਹਨ, ਜਿਨ੍ਹਾਂ ਦਾ ਉਦੇਸ਼ ਐਚਆਈਵੀ ਤੋਂ ਪ੍ਰਭਾਵਿਤ ਬੱਚਿਆਂ, ਐਚਆਈਵੀ ਨਾਲ ਪ੍ਰਭਾਵਿਤ ਵਿਅਕਤੀਆਂ ਅਤੇ ਐਚਆਈਵੀ ਤੋਂ ਗ੍ਰਸਤ ਵਿਅਕਤੀ ਦੇ ਅਧਿਕਾਰਾਂ ਅਤੇ ਹੱਕਾਂ ਦੀ ਰੱਖਿਆ ਕਰਨਾ ਹੈ।

ਹਿੰਦੂਸਥਾਨ ਸਮਾਚਾਰ / ਦਵਿੰਦਰ ਸਿੰਘ