ਇੰਫਾਲ, 6 ਅਕਤੂਬਰ (ਹਿੰ.ਸ.)। ਮਣੀਪੁਰ ਪੁਲਿਸ ਨੇ ਦੋ ਨਸ਼ੀਲੇ ਪਦਾਰਥਾਂ ਦੇ ਤਸਕਰਾਂ ਨੂੰ 'ਵਰਲਡ ਇਜ਼ ਯੂਅਰਜ਼' (ਡਬਲਯੂਵਾਈ) ਗੋਲੀਆਂ ਸਮੇਤ ਗ੍ਰਿਫ਼ਤਾਰ ਕੀਤਾ ਹੈ। ਪੁਲਿਸ ਉਨ੍ਹਾਂ ਤੋਂ ਪੁੱਛਗਿੱਛ ਕਰ ਰਹੀ ਹੈ।
ਮਣੀਪੁਰ ਪੁਲਿਸ ਹੈੱਡਕੁਆਰਟਰ ਵੱਲੋਂ ਸੋਮਵਾਰ ਨੂੰ ਦਿੱਤੀ ਗਈ ਜਾਣਕਾਰੀ ਦੇ ਅਨੁਸਾਰ, ਇੰਫਾਲ ਪੂਰਬੀ ਜ਼ਿਲ੍ਹੇ ਵਿੱਚ ਦੋ ਸ਼ੱਕੀ ਨਸ਼ੀਲੇ ਪਦਾਰਥਾਂ ਦੇ ਤਸਕਰਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਉਨ੍ਹਾਂ ਤੋਂ 2 ਕਿਲੋਗ੍ਰਾਮ ਡਬਲਯੂਵਾਈ ਗੋਲੀਆਂ ਅਤੇ 38 ਲੱਖ ਰੁਪਏ ਨਕਦੀ ਬਰਾਮਦ ਕੀਤੀ ਗਈ। ਇਹ ਗ੍ਰਿਫ਼ਤਾਰੀਆਂ ਐਤਵਾਰ ਨੂੰ ਖੋਮੀਡੋਕ ਸੋਰੋਕ ਮੈਪਾਲ ਅਤੇ ਕੈਰੰਗ ਸਥਿਤ ਮੁਲਜ਼ਮਾਂ ਦੇ ਘਰਾਂ ਤੋਂ ਕੀਤੀਆਂ ਗਈਆਂ। ਸ਼ੱਕੀਆਂ ਦੀ ਪਛਾਣ ਮੁਹੰਮਦ ਏਥੇਮ ਖਾਨ ਅਤੇ ਰਾਜੂ ਖਾਨ ਵਜੋਂ ਹੋਈ ਹੈ।
ਡਬਲਯੂਵਾਈ ਗੋਲੀਆਂ, ਜਿਨ੍ਹਾਂ ਨੂੰ 'ਯਾਬਾ' ਵੀ ਕਿਹਾ ਜਾਂਦਾ ਹੈ, ਜਿਸਦਾ ਥਾਈ ਵਿੱਚ ਅਰਥ ਹੈ ਪਾਗਲ ਕਰਨ ਵਾਲੀ ਦੀ ਦਵਾਈ। ਇਹ ਮੇਥਾਮਫੇਟਾਮਾਈਨ ਅਤੇ ਕੈਫੀਨ ਦਾ ਮਿਸ਼ਰਣ ਹੈ। ਦੱਖਣ-ਪੂਰਬੀ ਏਸ਼ੀਆ ਵਿੱਚ ਵਿਆਪਕ ਤੌਰ 'ਤੇ ਵਰਤੀ ਜਾਂਦੀ ਇਹ ਦਵਾਈ, ਕਥਿਤ ਤੌਰ 'ਤੇ ਪਹਿਲੀ ਵਾਰ ਦੂਜੇ ਵਿਸ਼ਵ ਯੁੱਧ ਦੌਰਾਨ ਸੈਨਿਕਾਂ ਨੂੰ ਹਾਈਪਰਐਕਟਿਵ ਰੱਖਣ ਲਈ ਵਰਤੀ ਗਈ ਸੀ। ਪੁਲਿਸ ਨੇ ਜ਼ਬਤ ਕੀਤੇ ਗਏ ਨਸ਼ੀਲੇ ਪਦਾਰਥ ਦੇ ਸਰੋਤ ਅਤੇ ਵੰਡ ਨੈੱਟਵਰਕ ਦੀ ਹੋਰ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ
