ਨਵੀਂ ਦਿੱਲੀ, 13 ਨਵੰਬਰ (ਹਿੰ.ਸ.)। ਹਫ਼ਤੇ ਦੇ ਚੌਥੇ ਕਾਰੋਬਾਰੀ ਦਿਨ ਵੀਰਵਾਰ ਨੂੰ ਭਾਰਤੀ ਸ਼ੇਅਰ ਬਾਜ਼ਾਰ ਗਿਰਾਵਟ ਨਾਲ ਖੁੱਲ੍ਹਿਆ। ਸੈਂਸੈਕਸ ਅਤੇ ਨਿਫਟੀ ਨੇ ਆਪਣੇ ਤਿੰਨ ਦਿਨਾਂ ਦੇ ਉੱਛਾਲ ਦਾ ਸਿਲਸਿਲਾ ਤੋੜ ਦਿੱਤਾ। ਦੋਵੇਂ ਪ੍ਰਮੁੱਖ ਸਟਾਕ ਮਾਰਕੀਟ ਸੂਚਕਾਂਕ ਇਸ ਸਮੇਂ ਉਤਰਾਅ-ਚੜ੍ਹਾਅ ਵਿੱਚ ਹਨ।ਕਾਰੋਬਾਰ ਦੀ ਸ਼ੁਰੂਆਤ ਵਿੱਚ, ਨਿਵੇਸ਼ਕ ਸੰਭਾਵੀ ਭਾਰਤ-ਅਮਰੀਕਾ ਵਪਾਰ ਸਮਝੌਤੇ ਦੀ ਪ੍ਰਗਤੀ 'ਤੇ ਨਜ਼ਰ ਰੱਖ ਰਹੇ ਸਨ, ਜਿਸ ਕਾਰਨ ਦੰਡਕਾਰੀ ਟੈਰਿਫਾਂ ਨੂੰ ਵਾਪਸ ਲਿਆ ਜਾ ਸਕਦਾ ਹੈ। ਬੰਬੇ ਸਟਾਕ ਐਕਸਚੇਂਜ (ਬੀਐਸਈ) ਸੈਂਸੈਕਸ ਸ਼ੁਰੂਆਤੀ ਕਾਰੋਬਾਰ ਵਿੱਚ 138.36 ਅੰਕ ਜਾਂ 0.16 ਪ੍ਰਤੀਸ਼ਤ ਡਿੱਗ ਕੇ 84,328.15 'ਤੇ ਆ ਗਿਆ।

ਨੈਸ਼ਨਲ ਸਟਾਕ ਐਕਸਚੇਂਜ (ਐਨਐਸਈ) 'ਤੇ 50-ਸ਼ੇਅਰਾਂ ਵਾਲਾ ਨਿਫਟੀ 35.25 ਅੰਕ ਜਾਂ 0.14 ਪ੍ਰਤੀਸ਼ਤ ਡਿੱਗ ਕੇ 25,840.55 'ਤੇ ਆ ਗਿਆ। ਵਿੱਤੀ ਅਤੇ ਆਈਟੀ ਸਟਾਕ ਇਸ ਸਮੇਂ ਸਭ ਤੋਂ ਵੱਡੀ ਗਿਰਾਵਟ ਦਾ ਸਾਹਮਣਾ ਕਰ ਰਹੇ ਹਨ।

ਜ਼ਿਕਰਯਗੋ ਹੈ ਕਿ ਬੁੱਧਵਾਰ ਨੂੰ ਲਗਾਤਾਰ ਤੀਜੇ ਕਾਰੋਬਾਰੀ ਦਿਨ ਸਟਾਕ ਮਾਰਕੀਟ ਨੇ ਆਪਣੇ ਉੱਪਰ ਵੱਲ ਰੁਝਾਨ ਨੂੰ ਜਾਰੀ ਰੱਖਿਆ। ਬੀਐਸਈ ਸੈਂਸੈਕਸ 595.19 ਅੰਕ ਯਾਨੀ 0.71 ਪ੍ਰਤੀਸ਼ਤ ਮਜ਼ਬੂਤ ਹੋ ਕੇ 84,466.51 'ਤੇ ਅਤੇ ਐਨਐਸਈ ਨਿਫਟੀ 180.85 ਅੰਕ ਯਾਨੀ 0.70 ਪ੍ਰਤੀਸ਼ਤ ਮਜ਼ਬੂਤ ਹੋ ਕੇ 25,875.80 'ਤੇ ਬੰਦ ਹੋਇਆ ਸੀ।

ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ