ਵੈਲਿੰਗਟਨ, 17 ਨਵੰਬਰ (ਹਿੰ.ਸ.)। ਨਿਊਜ਼ੀਲੈਂਡ ਦੇ ਆਲਰਾਊਂਡਰ ਡੈਰਿਲ ਮਿਸ਼ੇਲ ਵੈਸਟਇੰਡੀਜ਼ ਵਿਰੁੱਧ ਦੂਜੇ ਵਨਡੇ ਲਈ ਨੇਪੀਅਰ ਨਹੀਂ ਜਾਣਗੇ। ਐਤਵਾਰ ਨੂੰ ਪਹਿਲੇ ਵਨਡੇ ਦੌਰਾਨ ਉਨ੍ਹਾਂ ਦੇ ਪੱਟ ਵਿੱਚ ਤਕਲੀਫ਼ ਹੋਈ ਸੀ। ਨਿਊਜ਼ੀਲੈਂਡ ਕ੍ਰਿਕਟ ਨੇ ਪੁਸ਼ਟੀ ਕੀਤੀ ਹੈ ਕਿ ਮਿਸ਼ੇਲ ਹੁਣ ਕ੍ਰਾਈਸਟਚਰਚ ਵਿੱਚ ਆਪਣੇ ਖੱਬੇ ਗ੍ਰੋਇਨ ਦੀ ਸਕੈਨ ਜਾਂਚ ਕਰਵਾਉਣਗੇ। ਸਕੈਨ ਤੋਂ ਬਾਅਦ ਉਨ੍ਹਾਂ ਦੀ ਅੱਗੇ ਦੀ ਉਪਲਬਧਤਾ ਬਾਰੇ ਫੈਸਲਾ ਲਿਆ ਜਾਵੇਗਾ।
ਮਿਸ਼ੇਲ ਨੇ ਹੈਗਲੀ ਓਵਲ ਵਿਖੇ ਵੈਸਟਇੰਡੀਜ਼ ਵਿਰੁੱਧ ਸੱਤ ਦੌੜਾਂ ਦੀ ਜਿੱਤ ਵਿੱਚ ਆਪਣਾ ਸੱਤਵਾਂ ਵਨਡੇ ਸੈਂਕੜਾ ਲਗਾਇਆ, ਪਰ ਬੱਲੇਬਾਜ਼ੀ ਦੌਰਾਨ ਪੱਟ ਵਿੱਚ ਦਰਦ ਕਾਰਨ ਦੂਜੀ ਪਾਰੀ ਵਿੱਚ ਫੀਲਡਿੰਗ ਨਹੀਂ ਕੀਤੀ।
ਹੈਨਰੀ ਨਿਕੋਲਸ ਨੂੰ ਕਵਰ ਵਜੋਂ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਨਿਕੋਲਸ ਸੋਮਵਾਰ ਨੂੰ ਨੇਪੀਅਰ ਵਿੱਚ ਟੀਮ ਵਿੱਚ ਸ਼ਾਮਲ ਹੋਣਗੇ। ਨਿਕੋਲਸ ਨੇ ਆਖਰੀ ਵਾਰ ਇਸ ਸਾਲ ਅਪ੍ਰੈਲ ਵਿੱਚ ਵਨਡੇ ਖੇਡਿਆ ਸੀ। ਉਹ ਇਸ ਸਮੇਂ ਘਰੇਲੂ ਫੋਰਡ ਟਰਾਫੀ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਖਿਡਾਰੀ ਹਨ—76.50 ਦੀ ਔਸਤ ਨਾਲ 306 ਦੌੜਾਂ, ਜਿਸ ਵਿੱਚ ਓਟਾਗੋ ਅਤੇ ਆਕਲੈਂਡ ਵਿਰੁੱਧ ਲਗਾਤਾਰ ਦੋ ਸੈਂਕੜੇ (117* ਅਤੇ 138*) ਸ਼ਾਮਲ ਹਨ।
ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ
17 Nov 2025
