ਨਵੀਂ ਦਿੱਲੀ, 26 ਨਵੰਬਰ (ਹਿੰ.ਸ.)। ਗਲੋਬਲ ਮਾਰਕੀਟ ਤੋਂ ਅੱਜ਼ ਪਾਜ਼ੀਟਿਵ ਸੰਕੇਤ ਮਿਲ ਰਹੇ ਹਨ। ਅਮਰੀਕੀ ਬਾਜ਼ਾਰ ਪਿਛਲੇ ਸੈਸ਼ਨ ਦੌਰਾਨ ਮਜ਼ਬੂਤੀ ਨਾਲ ਬੰਦ ਹੋਏ। ਡਾਓ ਜੋਨਸ ਫਿਊਚਰਜ਼ ਵੀ ਅੱਜ ਬੜ੍ਹਤ ਦੇ ਨਾਲ ਕਾਰੋਬਾਰ ਕਰਦਾ ਨਜ਼ਰ ਆ ਰਿਹਾ ਹੈ। ਯੂਰਪੀਅਨ ਬਾਜ਼ਾਰਾਂ ਨੇ ਵੀ ਪਿਛਲੇ ਸੈਸ਼ਨ ਦੌਰਾਨ ਤੇਜ਼ੀ ਦਾ ਰੁਝਾਨ ਜਾਰੀ ਰੱਖਿਆ। ਏਸ਼ੀਆਈ ਬਾਜ਼ਾਰਾਂ ਵਿੱਚ ਵੀ ਅੱਜ ਆਮ ਤੌਰ 'ਤੇ ਤੇਜ਼ੀ ਦਾ ਰੁਝਾਨ ਬਣਿਆ ਹੋਇਆ ਹੈ।ਰੂਸ ਅਤੇ ਯੂਕਰੇਨ ਵਿਚਕਾਰ ਚੱਲ ਰਹੇ ਟਕਰਾਅ ਦੇ ਖਤਮ ਹੋਣ ਦੀ ਸੰਭਾਵਨਾ ਅਤੇ ਅਮਰੀਕੀ ਫੈਡਰਲ ਰਿਜ਼ਰਵ ਵੱਲੋਂ ਵਿਆਜ ਦਰਾਂ ਵਿੱਚ ਕਟੌਤੀ ਦੀ ਉਮੀਦ ਕਾਰਨ ਪਿਛਲੇ ਸੈਸ਼ਨ ਦੌਰਾਨ ਅਮਰੀਕੀ ਬਾਜ਼ਾਰ ਉਤਸ਼ਾਹਿਤ ਰਿਹਾ। ਇਸ ਉਤਸ਼ਾਹ ਕਾਰਨ ਵਾਲ ਸਟ੍ਰੀਟ ਸੂਚਕਾਂਕ ਵੀ ਮਜ਼ਬੂਤੀ ਨਾਲ ਬੰਦ ਹੋਣ ਵਿੱਚ ਕਾਮਯਾਬ ਰਹੇ। ਐਸਐਂਡਪੀ 500 ਸੂਚਕਾਂਕ 0.93 ਪ੍ਰਤੀਸ਼ਤ ਮਜ਼ਬੂਤੀ ਨਾਲ 6,767.17 ਅੰਕਾਂ 'ਤੇ ਬੰਦ ਹੋਇਆ। ਇਸੇ ਤਰ੍ਹਾਂ, ਨੈਸਡੈਕ ਨੇ ਆਖਰੀ ਸੈਸ਼ਨ 162.34 ਅੰਕ ਜਾਂ 0.71 ਪ੍ਰਤੀਸ਼ਤ ਮਜ਼ਬੂਤੀ ਨਾਲ ਖਤਮ ਕੀਤਾ। ਡਾਓ ਜੋਨਸ ਫਿਊਚਰਜ਼ ਅੱਜ ਫਿਲਹਾਲ 0.21 ਪ੍ਰਤੀਸ਼ਤ ਮਜ਼ਬੂਤੀ ਨਾਲ 47,209.62 ਅੰਕਾਂ 'ਤੇ ਕਾਰੋਬਾਰ ਕਰਦਾ ਦਿਖਾਈ ਦੇ ਰਿਹਾ ਹੈ।ਅਮਰੀਕੀ ਬਾਜ਼ਾਰ ਵਾਂਗ, ਯੂਰਪੀ ਬਾਜ਼ਾਰ ਵਿੱਚ ਵੀ ਪਿਛਲੇ ਸੈਸ਼ਨ ਦੌਰਾਨ ਲਗਾਤਾਰ ਖਰੀਦਦਾਰੀ ਦੇਖਣ ਨੂੰ ਮਿਲੀ। ਐਫਟੀਐਸਈ ਇੰਡੈਕਸ 0.78 ਪ੍ਰਤੀਸ਼ਤ ਮਜ਼ਬੂਤੀ ਨਾਲ 9,609.53 ਅੰਕਾਂ 'ਤੇ ਬੰਦ ਹੋਇਆ। ਇਸੇ ਤਰ੍ਹਾਂ, ਸੀਏਸੀ ਇੰਡੈਕਸ ਨੇ ਆਖਰੀ ਸੈਸ਼ਨ 0.82 ਪ੍ਰਤੀਸ਼ਤ ਮਜ਼ਬੂਤੀ ਨਾਲ 8,025.80 ਅੰਕਾਂ 'ਤੇ ਸਮਾਪਤ ਕੀਤਾ। ਇਸ ਤੋਂ ਇਲਾਵਾ, ਡੀਏਐਕਸ ਇੰਡੈਕਸ 225.45 ਅੰਕਾਂ ਯਾਨੀ 0.96 ਪ੍ਰਤੀਸ਼ਤ ਮਜ਼ਬੂਤੀ ਨਾਲ 23,464.63 ਅੰਕਾਂ 'ਤੇ ਬੰਦ ਹੋਇਆ।ਏਸ਼ੀਆਈ ਬਾਜ਼ਾਰਾਂ ਵਿੱਚ ਵੀ ਅੱਜ ਆਮ ਖਰੀਦਦਾਰੀ ਦਾ ਰੁਝਾਨ ਦੇਖਣ ਨੂੰ ਮਿਲ ਰਿਹਾ ਹੈ। ਨੌਂ ਏਸ਼ੀਆਈ ਬਾਜ਼ਾਰ ਸੂਚਕਾਂਕਾਂ ਵਿੱਚੋਂ ਅੱਠ ਹਰੇ ਨਿਸ਼ਾਨ ਵਿੱਚ ਮਜ਼ਬੂਤੀ ਨਾਲ ਕਾਰੋਬਾਰ ਕਰ ਰਹੇ ਹਨ, ਜਦੋਂ ਕਿ ਇੱਕ ਸੂਚਕਾਂਕ ਲਾਲ ਨਿਸ਼ਾਨ ਵਿੱਚ ਬਣਿਆ ਹੋਇਆ ਹੈ। ਏਸ਼ੀਆਈ ਬਾਜ਼ਾਰਾਂ ਵਿੱਚ ਇੱਕੋ ਇੱਕ ਸੂਚਕਾਂਕ, ਸੈੱਟ ਕੰਪੋਜ਼ਿਟ ਸੂਚਕਾਂਕ, 0.07 ਪ੍ਰਤੀਸ਼ਤ ਦੀ ਗਿਰਾਵਟ ਨਾਲ 1,267.87 ਅੰਕਾਂ 'ਤੇ ਕਾਰੋਬਾਰ ਕਰ ਰਿਹਾ ਹੈ। ਦੂਜੇ ਪਾਸੇ, ਗਿਫਟ ਨਿਫਟੀ 260 ਅੰਕ ਯਾਨੀ 1 ਪ੍ਰਤੀਸ਼ਤ ਮਜ਼ਬੂਤ ਹੋ ਕੇ 26,304 'ਤੇ ਪਹੁੰਚ ਗਿਆ। ਇਸੇ ਤਰ੍ਹਾਂ, ਸਟ੍ਰੇਟਸ ਟਾਈਮਜ਼ ਇੰਡੈਕਸ 0.58 ਪ੍ਰਤੀਸ਼ਤ ਮਜ਼ਬਤੂ ਹੋ ਕੇ 4,511.43 'ਤੇ ਕਾਰੋਬਾਰ ਕਰ ਰਿਹਾ ਹੈ। ਕੋਸਪੀ ਇੰਡੈਕਸ ਨੇ ਵੀ ਅੱਜ ਮਹੱਤਵਪੂਰਨ ਛਾਲ ਮਾਰੀ, ਜੋ ਕਿ ਫਿਲਹਾਲ ਵਿੱਚ 2.03 ਪ੍ਰਤੀਸ਼ਤ ਮਜ਼ਬੂਤ ਹੋ ਕੇ 3,936.15 'ਤੇ ਪਹੁੰਚਿਆ ਹੋਇਆ ਹੈ।ਇਸੇ ਤਰ੍ਹਾਂ ਨਿੱਕੇਈ ਇੰਡੈਕਸ 818.48 ਅੰਕ ਯਾਨੀ 1.68 ਪ੍ਰਤੀਸ਼ਤ ਮਜ਼ਬੂਤੀ ਨਾਲ 49,478 ਅੰਕਾਂ ਦੇ ਪੱਧਰ 'ਤੇ ਪਹੁੰਚ ਗਿਆ ਹੈ। ਉੱਥੇ ਹੀ ਤਾਈਵਾਨ ਵੇਟਿਡ ਇੰਡੈਕਸ 392.13 ਅੰਕ ਯਾਨੀ 1.46 ਪ੍ਰਤੀਸ਼ਤ ਮਜ਼ਬੂਤੀ ਨਾਲ 27,304.30 ਅੰਕਾਂ ਦੇ ਪੱਧਰ 'ਤੇ ਪਹੁੰਚ ਗਿਆ ਹੈ। ਇਸ ਤੋਂ ਇਲਾਵਾ, ਹੈਂਗ ਸੇਂਗ ਇੰਡੈਕਸ 170.45 ਅੰਕ ਯਾਨੀ 0.65 ਪ੍ਰਤੀਸ਼ਤ ਮਜ਼ਬੂਤੀ ਨਾਲ 26,065 ਅੰਕਾਂ ਦੇ ਪੱਧਰ 'ਤੇ, ਜਕਾਰਤਾ ਕੰਪੋਜ਼ਿਟ ਇੰਡੈਕਸ 0.40 ਪ੍ਰਤੀਸ਼ਤ ਮਜ਼ਬੂਤੀ ਨਾਲ 8,555.67 ਅੰਕਾਂ ਦੇ ਪੱਧਰ 'ਤੇ ਅਤੇ ਸ਼ੰਘਾਈ ਕੰਪੋਜ਼ਿਟ ਇੰਡੈਕਸ 0.14 ਪ੍ਰਤੀਸ਼ਤ ਮਜ਼ਬੂਤੀਨਾਲ 3,875.48 ਅੰਕਾਂ ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਹੇ ਹਨ।

ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ