ਨਿਊਯਾਰਕ, 4 ਨਵੰਬਰ (ਹਿੰ.ਸ.)। ਨਿਊਯਾਰਕ ਸਿਟੀ ਮੇਅਰ ਦੀ ਚੋਣ ਆਖਰੀ ਪੜਾਵਾਂ ਵਿੱਚ ਬੇਹੱਦ ਦਿਲਚਸਪ ਹੋ ਗਈ ਹੈ। ਸੰਯੁਕਤ ਰਾਜ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਸੋਮਵਾਰ ਨੂੰ ਖੁੱਲ੍ਹ ਕੇ ਸਾਹਮਣੇ ਆਏ। ਉਨ੍ਹਾਂ ਨੇ ਪ੍ਰਭਾਵਸ਼ਾਲੀ ਉਮੀਦਵਾਰ ਜ਼ੋਹਰਾਨ ਮਮਦਾਨੀ ਦੀ ਸਖ਼ਤ ਆਲੋਚਨਾ ਕੀਤੀ ਅਤੇ ਜਨਤਕ ਤੌਰ 'ਤੇ ਐਂਡਰਿਊ ਕੁਓਮੋ ਦਾ ਸਮਰਥਨ ਕੀਤਾ। ਟਰੰਪ ਨੇ ਕਿਹਾ ਕਿ ਮਮਦਾਨੀ ਕੱਟੜ ਕਮਿਊਨਿਸਟ ਹੈ। ਜੇਕਰ ਉਹ ਮੇਅਰ ਦੀ ਚੋਣ ਜਿੱਤ ਜਾਂਦੇ ਹਨ, ਤਾਂ ਨਿਊਯਾਰਕ ਸਿਟੀ ਨੂੰ ਸੰਘੀ ਫੰਡਿੰਗ ਰੋਕ ਦਿੱਤੀ ਜਾਵੇਗੀ।

ਫੌਕਸ ਨਿਊਜ਼ ਦੀ ਰਿਪੋਰਟ ਦੇ ਅਨੁਸਾਰ, ਟਰੰਪ ਨੇ ਆਪਣੀ ਟਰੂਥਆਉਟ ਸੋਸ਼ਲ ਮੀਡੀਆ 'ਤੇ ਲੰਬੀ ਪੋਸਟ ਵਿੱਚ ਚੇਤਾਵਨੀ ਵੀ ਦਿੱਤੀ ਕਿ ਮਮਦਾਨੀ ਦੀ ਅਗਵਾਈ ਹੇਠ ਨਿਊਯਾਰਕ ਸਿਟੀ ਨੂੰ ਆਰਥਿਕ ਅਤੇ ਸਮਾਜਿਕ ਤਬਾਹੀ ਦਾ ਸਾਹਮਣਾ ਕਰਨਾ ਪਵੇਗਾ। ਉਨ੍ਹਾਂ ਲਿਖਿਆ, ਜੇ ਕਮਿਊਨਿਸਟ ਉਮੀਦਵਾਰ ਜ਼ੋਹਰਾਨ ਮਮਦਾਨੀ ਨਿਊਯਾਰਕ ਸਿਟੀ ਦੀ ਮੇਅਰ ਦੀ ਚੋਣ ਜਿੱਤ ਜਾਂਦੇ ਹਨ, ਤਾਂ ਮੈਂ ਆਪਣੇ ਪਿਆਰੇ ਪਹਿਲੇ ਘਰ ਲਈ ਲੋੜੀਂਦੀ ਘੱਟੋ-ਘੱਟ ਰਕਮ ਨੂੰ ਛੱਡ ਕੇ ਸੰਘੀ ਫੰਡਿੰਗ ਰੋਕ ਦਿਆਂਗਾ। ਕਮਿਊਨਿਸਟ ਮਮਦਾਨੀ ਇਸ ਮਹਾਨ ਸ਼ਹਿਰ ਦਾ ਪ੍ਰਬੰਧਨ ਨਹੀਂ ਕਰ ਸਕਦੇ!ਟਰੰਪ ਨੇ ਇਹ ਵੀ ਕਿਹਾ ਕਿ ਕਰਟਿਸ ਸਲੀਵਾ ਨੂੰ ਵੋਟ ਦੇਣਾ ਮਮਦਾਨੀ ਨੂੰ ਵੋਟ ਪਾਉਣ ਵਾਂਗ ਹੋਵੇਗਾ। ਉੜ੍ਹੲ ਨੇ ਵੋਟਰਾਂ ਨੂੰ ਐਂਡਰਿਊ ਕੁਓਮੋ ਨੂੰ ਵੋਟ ਪਾਉਣ ਦੀ ਅਪੀਲ ਕੀਤੀ ਭਾਵੇਂ ਉਹ ਉਨ੍ਹਾਂ ਨੂੰ ਨਿੱਜੀ ਤੌਰ 'ਤੇ ਨਾਪਸੰਦ ਕਰਦੇ ਹੋਣ ਅਤੇ ਉਮੀਦ ਕੀਤੀ ਕਿ ਉਹ ਵਧੀਆ ਕੰਮ ਕਰਨਗੇ। ਮਮਦਾਨੀ ਨੇ ਇਸ 'ਤੇ ਤਿੱਖੀ ਪ੍ਰਤੀਕਿਰਿਆ ਦਿੱਤੀ। ਮਮਦਾਨੀ ਨੇ ਕਿਹਾ, ਨਿਊ ਯਾਰਕ ਵਾਸੀਆਂ ਨੂੰ ਸਭ ਤੋਂ ਵਧੀਆ ਮੇਅਰ ਦੀ ਨਹੀਂ, ਸਗੋਂ ਡੋਨਾਲਡ ਟਰੰਪ ਅਤੇ ਉਨ੍ਹਾਂ ਦੇ ਪ੍ਰਸ਼ਾਸਨ ਲਈ ਸਭ ਤੋਂ ਵਧੀਆ ਮੇਅਰ ਚਾਹੀਦੈ। ਮਮਦਾਨੀ ਨੇ ਐਲੋਨ ਮਸਕ ਦੇ ਕੁਓਮੋ ਦੇ ਸਮਰਥਨ 'ਤੇ ਵੀ ਜਵਾਬ ਦਿੱਤਾ। ਉਨ੍ਹਾਂ ਨੇ ਕਿਹਾ, ਸੰਯੁਕਤ ਰਾਜ ਦੇ ਰਾਸ਼ਟਰਪਤੀ ਅਤੇ ਦੁਨੀਆ ਦੇ ਸਭ ਤੋਂ ਅਮੀਰ ਆਦਮੀਆਂ ਵਿੱਚੋਂ ਇੱਕ ਦੁਆਰਾ ਚੋਣਾਂ ਵਿੱਚ ਆਖਰੀ ਸਮੇਂ ਦੀ ਦਖਲਅੰਦਾਜ਼ੀ ਦੇ ਬਾਵਜੂਦ, ਉਹ ਜਿੱਤਣਗੇ। ਮਮਦਾਨੀ ਨੇ ਕੁਓਮੋ ਨੂੰ ਟਰੰਪ ਦੀ ਕਠਪੁਤਲੀ ਵੀ ਕਿਹਾ।

ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ