ਮੁਹਾਲੀ, 22 ਸਤੰਬਰ (ਹਿੰ. ਸ.)। ਯੂਨੀਵਰਸਿਟੀ ਗ੍ਰਾਂਟਸ ਕਮਿਸ਼ਨ (ਯੂਜੀਸੀ) ਨੇ ਚੰਡੀਗੜ੍ਹ ਬਿਜ਼ਨਸ ਸਕੂਲ ਆਫ਼ ਐਡਮਿਿਨਸਟ੍ਰੇਸ਼ਨ (ਸੀਬੀਐਸਏ), ਸੀਜੀਸੀ ਲਾਂਡਰਾਂ, ਮੋਹਾਲੀ ਨੂੰ ਦਸ ਸਾਲਾਂ ਲਈ ਆਟੋਨੋਮਸ ਦਰਜਾ ਪ੍ਰਦਾਨ ਕੀਤਾ ਹੈ। ਜ਼ਿਕਰਯੋਗ ਗੱਲ ਇਹ ਹੈ ਕਿ ਸੀਬੀਐਸਏ,ਸੀਜੀਸੀ ਲਾਂਡਰਾਂ ਇੱਕ ਐਨਏਏਸੀ-ਏ ਪਲੱਸ ਅਕ੍ਰੇਡਿਟਡ (ਮਾਨਤਾ ਪ੍ਰਾਪਤ) ਕਾਲਜ ਹੈ ਜਿਸ ਨੂੰ 4 ਪੌਆਇੰਟ ਸਕੇਲ ’ਤੇ 3.36 ਸੀਜੀਪੀਏ ਪ੍ਰਾਪਤ ਹੈ ਅਤੇ ਹਾਲ ਹੀ ਵਿੱਚ ਜਾਰੀ ਕੀਤੀ ਗਈ ਐਨਆਈਆਰਐਫ ਰੈਂਕਿੰਗ ਵਿੱਚ 101–125 ਦੇ ਮੈਨੇਜਮੈਂਟ ਰੈਂਕ ਬੈਂਡ ਵਿੱਚ ਵੀ ਆਪਣੀ ਜਗ੍ਹਾ ਬਣਾਈ ਹੈ।ਸੀਬੀਐਸਏ, ਸੀਜੀਸੀ ਲਾਂਡਰਾਂ, ਮੋਹਾਲੀ ਕੋਲ ਉੱਚ ਸਿੱਖਿਆ ਵਿੱਚ ਆਟੋਨੋਮੀ ਹੈ ਜੋ ਕਿ ਯੂਨੀਵਰਸਿਟੀ ਗ੍ਰਾਂਟਸ ਕਮਿਸ਼ਨ (ਯੂਜੀਸੀ) ਵੱਲੋਂ ਕਾਲਜਾਂ ਨੂੰ ਦਿੱਤਾ ਗਿਆ ਇੱਕ ਕਾਰਜਸ਼ੀਲ ਦਰਜਾ ਹੈ ਜੋ ਅਕਾਦਮਿਕ ਮਿਆਰਾਂ ਅਤੇ ਉੱਤਮਤਾ ਵਿੱਚ ਸੁਧਾਰ ਦੇ ਸੰਦਰਭ ਵਿੱਚ ਅਕਾਦਮਿਕ ਵਿਕਾਸ ਵੱਲ ਵਧੇਰੇ ਲਚਕਤਾ ਪ੍ਰਦਾਨ ਕਰਦਾ ਹੈ। ਭਾਰਤ ਵਿੱਚ ਉੱਚ ਸਿੱਖਿਆ ਦਾ ਦ੍ਰਿਸ਼ਟੀਕੋਣ ਤੇਜ਼ੀ ਨਾਲ ਵਿਕਸਤ ਹੋ ਰਿਹਾ ਹੈ ਜਿਸ ਦਾ ਮੁੱਖ ਕਾਰਨ ਰਾਸ਼ਟਰੀ ਸਿੱਖਿਆ ਨੀਤੀ (ਐਨਈਪੀ) 2020 ਦਾ ਲਾਗੂ ਕਰਨਾ ਹੈ।ਇਸ ਨੀਤੀ ਦਾ ਉਦੇਸ਼ ਇੱਕ ਲਚਕਦਾਰ, ਬਹੁ-ਅਨੁਸ਼ਾਸਨੀ ਅਤੇ ਹੁਨਰ ਅਧਾਰਤ ਸਿੱਖਿਆ ਪ੍ਰਣਾਲੀ ਨੂੰ ਬੜਾਵਾ ਦੇਣਾ ਹੈ ਜੋ ਕਿ ਪ੍ਰਧਾਨ ਮੰਤਰੀ ਸ਼੍ਰੀ ਨਰਿੰਦਰ ਮੋਦੀ ਜੀ ਦੀ ਦੂਰਦਰਸ਼ੀ ਸੋਚ ਦਾ ਹਿੱਸਾ ਹੈ।ਇਸ ਨੀਤੀ ਦੇ ਮੁੱਖ ਹਿੱਸਿਆਂ ਵਿੱਚ ਉੱਚ ਸਿੱਖਿਆ ਸੰਸਥਾਵਾਂ (ਐਚਈਆਈਜ਼) ਲਈ ਵਧੇਰੇ ਆਟੋਨੋਮੀ (ਖੁਦਮੁਖਤਿਆਰੀ) ਪ੍ਰਦਾਨ ਕਰਨਾ ਹੈ ਜੋ ਕਿ ਗੁਣਵੱਤਾ ਵਾਲੀ ਸਿੱਖਿਆ, ਨਵੀਨਤਾ ਅਤੇ ਅਕਾਦਮਿਕ ਆਜ਼ਾਦੀ ਨੂੰ ਉਤਸ਼ਾਹਿਤ ਕਰਨ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੇ ਹਨ। ਸੀਬੀਐਸਏ ਕੋਲ ਆਪਣੇ ਅਕਾਦਮਿਕ ਪ੍ਰੋਗਰਾਮ ਤਿਆਰ ਕਰਨ ਅਤੇ ਉਦਯੋਗ ਦੀਆਂ ਜ਼ਰੂਰਤਾਂ ਅਤੇ ਵਿਿਦਆਰਥੀ ਹਿੱਤਾਂ ਦੇ ਅਨੁਸਾਰ ਬਹੁ-ਅਨੁਸ਼ਾਸਨੀ ਪ੍ਰੋਗਰਾਮ ਪੇਸ਼ ਕਰਨ ਦੀ ਲਚਕਤਾ ਹੋਵੇਗੀ। ਸੰਸਥਾ ਹੁਣ ਖੇਤਰੀ ਅਤੇ ਉਦਯੋਗ ਦੀਆਂ ਜ਼ਰੂਰਤਾਂ ਨੂੰ ਬਿਹਤਰ ਢੰਗ ਨਾਲ ਪੂਰਾ ਕਰ ਸਕੇਗੀ। ਇਸਦੇ ਨਤੀਜੇ ਵਜੋਂ ਸੀਬੀਐਸਏ ਇੱਕ ਵਧੇਰੇ ਅਨੁਕੂਲ ਅਤੇ ਸੰਬੰਧਿਤ ਵਿਿਦਅਕ ਢਾਂਚੇ ਦੇ ਨਾਲ ਨਾਲ ਪੀਐਚਡੀ ਲਈ ਖੋਜ ਕੇਂਦਰ ਅਤੇ ਵੱਖ ਵੱਖ ਫੰਡ ਪ੍ਰਾਪਤ ਪ੍ਰੋਜੈਕਟਾਂ ਦੇ ਰੂਪ ਵਿੱਚ ਆਪਣੀ ਪਹਿਚਾਣ ਬਣਾਏਗੀ।ਇੱਕ (ਆਟੋਨੋਮਸ ਇੰਸਟੀਚਿਊਟ) ਖੁਦਮੁਖਤਿਆਰ ਸੰਸਥਾ ਹੋਣ ਨਾਲ ਸੀਬੀਐਸਏ, ਸੀਜੀਸੀ ਲਾਂਡਰਾਂ ਦੇ ਵਿਿਦਆਰਥੀਆਂ ਅਤੇ ਫੈਕਲਟੀ ਮੈਂਬਰਾਂ ਨੂੰ ਕਈ ਲਾਭ ਮਿਲਣੇਗੇ ਜਿਨ੍ਹਾਂ ਵਿੱਚ ਵਧੀ ਹੋਈ ਅਕਾਦਮਿਕ ਗੁਣਵੱਤਾ, ਖੋਜ ਅਤੇ ਨਵੀਨਤਾ ਲਈ ਵਧੀਆ ਮੌਕੇ, ਬਿਹਤਰ ਉਦਯੋਗ ਅਕਾਦਮਿਕ ਸੰਪਰਕ ਅਤੇ ਸਹਿਯੋਗ ਅਤੇ ਭਾਈਵਾਲੀ ਰਾਹੀਂ ਐਕਸਪੋਜ਼ਰ ਆਦਿ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਵਿਿਦਆਰਥੀਆਂ ਨੂੰ ਗਲੋਬਲ ਯੂਨੀਵਰਸਿਟੀ ਸਹਿਯੋਗ ਰਾਹੀਂ ਐਕਸਚੇਂਜ ਪ੍ਰੋਗਰਾਮਾਂ ਦਾ ਵੀ ਲਾਭ ਹਾਸਲ ਹੋਵੇਗਾ, ਜਿਸ ਨਾਲ ਉਨ੍ਹਾਂ ਨੂੰ ਅੰਤਰਰਾਸ਼ਟਰੀ ਪੱਧਰ ’ਤੇ ਸਿੱਖਣ ਅਤੇ ਵਿਕਸਿਤ ਹੋਣ ਦਾ ਮੌਕਾ ਮਿਲੇਗਾ।ਇਸ ਮਾਨਤਾ ਲਈ ਪੂਰੇ ਸੀਜੀਸੀ ਪਰਿਵਾਰ ਨੂੰ ਖੁਸ਼ੀ ਅਤੇ ਵਧਾਈ ਦਿੰਦੇ ਹੋਏ, ਸੀਜੀਸੀ ਲਾਂਡਰਾਂ ਦੇ ਚੇਅਰਮੈਨ ਸ.ਸਤਨਾਮ ਸਿੰਘ ਸੰਧੂ ਅਤੇ ਸੀਜੀਸੀ ਲਾਂਡਰਾਂ ਦੇ ਪ੍ਰਧਾਨ ਸ.ਰਸ਼ਪਾਲ ਸਿੰਘ ਧਾਲੀਵਾਲ ਨੇ ਕਿਹਾ ਕਿ ਉਨ੍ਹਾਂ ਨੂੰ ਯੂਜੀਸੀ ਤੋਂ ਖੁਦਮੁਖਤਿਆਰ ਦਰਜਾ ਪ੍ਰਾਪਤ ਕਰਕੇ ਮਾਣ ਮਹਿਸੂਸ ਹੋਇਆ ਹੈ। ਇਹ ਸਾਡੀ ਸੰਸਥਾ ਦੀ 25 ਸਾਲਾਂ ਦੀ ਵਿਰਾਸਤ ਅਤੇ ਸਾਡੇ ਵਿਿਦਆਰਥੀਆਂ ਨੂੰ ਸਭ ਤੋਂ ਵਧੀਆ ਅਕਾਦਮਿਕ ਅਤੇ ਕਰੀਅਰ ਦੇ ਮੌਕੇ ਪ੍ਰਦਾਨ ਕਰਨ ਦੀ ਵਚਨਬੱਧਤਾ ਦਾ ਪ੍ਰਮਾਣ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਇਹ ਦਰਜਾ ਸਾਨੂੰ ਨਵੀਨਤਮ ਅਕਾਦਮਿਕ ਜ਼ਰੂਰਤਾਂ ਦੇ ਅਨੁਸਾਰ ਸਾਡੇ ਪਾਠਕ੍ਰਮ ਨੂੰ ਢਾਲਣ ਦੀ ਸਮਰੱਥਾ ਦਿੰਦਾ ਹੈ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਸਾਡੇ ਵਿਿਦਆਰਥੀ ਇੱਕ ਪ੍ਰਗਤੀਸ਼ੀਲ ਅਤੇ ਉਦਯੋਗ ਸੰਬੰਧਿਤ ਸਿੱਖਿਆ ਪ੍ਰਣਾਲੀ ਵਿੱਚ ਵਧੇਰੇ ਲਾਭ ਪ੍ਰਾਪਤ ਕਰ ਸਕਣ। ਇਸ ਨਾਲ ਵਿਿਦਆਰਥੀਆਂ ਨੂੰ ਇੱਕ ਲਚਕਦਾਰ ਪਾਠਕ੍ਰਮ, ਵਿਸ਼ੇਸ਼ ਕੋਰਸਾਂ ਅਤੇ ਖੋਜ ਐਕਸਪੋਜ਼ਰ ਤੱਕ ਪਹੁੰਚ ਮਿਲੇਗੀ ਜੋ ਉਨ੍ਹਾਂ ਦੇ ਹੁਨਰ ਅਤੇ ਰੁਜ਼ਗਾਰਯੋਗਤਾ ਨੂੰ ਹੋਰ ਮਜ਼ਬੂਤ ਕਰੇਗੀ।ਇਸ ਦਰਜੇ ਦੀਆਂ ਮੁੱਖ ਖਾਸੀਅਤਾਂ ਵਿੱਚੋਂ ਇੱਕ ਹੈ ਕਿ ਸੀਬੀਐਸਏ, ਸੀਜੀਸੀ ਲਾਂਡਰਾਂ ਫੈਕਲਟੀ ਵਿਕਾਸ ਦੇ ਨਾਲ-ਨਾਲ ਅਕਾਦਮਿਕ ਗੁਣਵੱਤਾ, ਖੋਜ ਅਤੇ ਬੁਨਿਆਦੀ ਢਾਂਚੇ ਨੂੰ ਮਜ਼ਬੂਤ ਕਰਨ ਲਈ ਵਧੇਰੇ ਫੰਡਾਂ ਨੂੰ ਚੈਨਲ ਕਰਕੇ ਆਪਣੇ ਆਪ ਨੂੰ ਸੈਂਟਰ ਆਫ ਐਕਸਲੈਂਸ ਵਜੋਂ ਸਥਾਪਤ ਕਰਨ ਦੀ ਸਮਰੱਥਾ ਰੱਖਦਾ ਹੈ।ਜਿਸ ਨਾਲ ਉਦਯੋਗ, ਸਰਕਾਰੀ ਏਜੰਸੀਆਂ ਅਤੇ ਅੰਤਰਰਾਸ਼ਟਰੀ ਸੰਗਠਨਾਂ ਨਾਲ ਸਾਂਝੇਦਾਰੀ ਲਈ ਹੋਰ ਰਾਹ ਖੁੱਲ੍ਹਣਗੇ, ਜਿਸ ਦੇ ਨਤੀਜੇ ਵਜੋਂ ਇਸ ਦੇ ਵਿਿਦਆਰਥੀਆਂ ਲਈ ਇੰਟਰਨਸ਼ਿਪ ਅਤੇ ਨੌਕਰੀ ਦੇ ਮੌਕੇ ਹੋਰ ਵੀ ਜ਼ਿਆਦਾ ਪੈਦਾ ਹੋਣਗੇ।

ਹਿੰਦੂਸਥਾਨ ਸਮਾਚਾਰ / ਦਵਿੰਦਰ ਸਿੰਘ