ਉੱਤਰਕਾਸ਼ੀ, 26 ਸਤੰਬਰ (ਹਿੰ.ਸ.)। ਇੰਡੋ-ਤਿੱਬਤੀਅਨ ਬਾਰਡਰ ਪੁਲਿਸ ਫੋਰਸ (ਆਈ.ਟੀ.ਬੀ.ਪੀ.) ਦੇ 15 ਜਵਾਨਾਂ ਨੇ ਫਰੰਟੀਅਰ ਪੱਧਰੀ ਟ੍ਰੈਕਿੰਗ ਮੁਹਿੰਮ 'ਹਿਮਾਦੀ' ਦੇ ਤਹਿਤ 19,495 ਫੁੱਟ ਉੱਚੇ ਅਤੇ 111 ਕਿਲੋਮੀਟਰ ਲੰਬੀ ਕਾਲਿੰਦੀਖਾਲ-ਬਦਰੀਨਾਥ ਟ੍ਰੈਕ ਨੂੰ ਪਾਰ ਕਰਕੇ ਇਤਿਹਾਸਕ ਪ੍ਰਾਪਤੀ ਹਾਸਲ ਕੀਤੀ। ਟੀਮ ਨੇ 16 ਸਤੰਬਰ ਨੂੰ ਨੇਲਾਂਗ ਘਾਟੀ ਤੋਂ ਇਹ ਮੁਹਿੰਮ ਸ਼ੁਰੂ ਕੀਤੀ ਸੀ।

ਟੀਮ ਦੀ ਅਗਵਾਈ ਕਰ ਰਹੇ ਆਈ.ਟੀ.ਬੀ.ਪੀ. 35ਵੀਂ ਬਟਾਲੀਅਨ ਦੇ ਪਰਬਤਾਰੋਹੀ ਮਾਹਰ ਭਾਨੂਪ੍ਰਤਾਪ ਸਿੰਘ ਨੇ ਦੱਸਿਆ ਕਿ ਸਭ ਤੋਂ ਔਖੇ ਰਸਤੇ ਨੂੰ ਪੂਰਾ ਕਰ ਲਿਆ ਗਿਆ ਹੈ ਅਤੇ ਟੀਮ ਹੁਣ 6 ਅਕਤੂਬਰ ਨੂੰ ਬਦਰੀਨਾਥ ਪਹੁੰਚੇਗੀ।

ਉਨ੍ਹਾਂ ਦੱਸਿਆ ਕਿ ਆਈ.ਟੀ.ਬੀ.ਪੀ. 35ਵੀਂ ਬਟਾਲੀਅਨ ਦੇ ਸੂਬੇਦਾਰ ਦੀਪਕ ਕੁਮਾਰ ਦੀ ਅਗਵਾਈ ਵਾਲੀ ਮੁਹਿੰਮ ਟੀਮ ਨੇ ਗੰਗੋਤਰੀ ਧਾਮ ਅਤੇ ਬਦਰੀਨਾਥ ਧਾਮ ਨੂੰ ਜੋੜਨ ਵਾਲੇ ਇਸ ਚੁਣੌਤੀਪੂਰਨ ਟ੍ਰੈਕ ਨੂੰ ਪੂਰਾ ਕੀਤਾ। ਉੱਚੇ ਹਿਮਾਲਿਆ ਖੇਰਤ ’ਚ ਸਥਿਤ ਕਾਲਿੰਦੀਖਲ-ਬਦਰੀਨਾਥ ਟ੍ਰੈਕ 'ਤੇ ਬਰਫੀਲੇ ਤੂਫਾਨ, ਬਰਫ਼ੀਲੇ ਤੋਦਿਆਂ ਦੇ ਖ਼ਤਰੇ, ਗਲੇਸ਼ੀਅਰ ਦੀਆਂ ਦਰਾਰਾਂ, ਆਕਸੀਜਨ ਦੀ ਘਾਟ ਅਤੇ ਤੇਜ਼ ਠੰਡ ਵਰਗੀਆਂ ਪ੍ਰਤੀਕੂਲ ਸਥਿਤੀਆਂ ਦਾ ਸਾਹਮਣਾ ਕਰਦੇ ਹੋਏ, ਜਵਾਨਾਂ ਨੇ ਹਿੰਮਤ, ਧੀਰਜ, ਪਰਬਤਾਰੋਹੀ ਹੁਨਰ ਅਤੇ ਟੀਮ ਵਰਕ ਦਾ ਪ੍ਰਦਰਸ਼ਨ ਕਰਦੇ ਹੋਏ ਇਸ ਮੁਸ਼ਕਲ ਰਾਹੂ ਨੂੰ ਪਾਰ ਕੀਤਾ।

ਆਈਟੀਬੀਪੀ ਦੀ ਇਸ ਮੁਹਿੰਮ ਨੇ ਸਾਬਤ ਕਰ ਦਿੱਤਾ ਕਿ ਜਵਾਨ ਨਾ ਸਿਰਫ਼ ਰਾਸ਼ਟਰੀ ਸੁਰੱਖਿਆ ਵਿੱਚ ਮੋਹਰੀ ਹਨ, ਸਗੋਂ ਉੱਚ ਹਿਮਾਲਿਆਈ ਖੇਤਰਾਂ ਵਿੱਚ ਮਾਨਸਿਕ ਦ੍ਰਿੜਤਾ, ਅਨੁਸ਼ਾਸਨ ਅਤੇ ਲਚਕੀਲੇਪਣ ਦੀ ਵੀ ਉਦਾਹਰਣ ਹਨ। ਇਹ ਪ੍ਰਾਪਤੀ ਪਰਬਤਾਰੋਹ ਦੇ ਖੇਤਰ ਵਿੱਚ ਉਨ੍ਹਾਂ ਦੀ ਸਰੀਰਕ ਅਤੇ ਮਾਨਸਿਕ ਤਾਕਤ ਨੂੰ ਦਰਸਾਉਂਦੀ ਹੈ।

ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ