ਨਵੀਂ ਦਿੱਲੀ, 30 ਸਤੰਬਰ (ਹਿੰ.ਸ.)। ਗਲੋਬਲ ਮਾਰਕੀਟ ਤੋਂ ਅੱਜ ਮਜ਼ਬੂਤੀ ਦੇ ਸੰਕੇਤ ਮਿਲ ਰਹੇ ਹਨ। ਅਮਰੀਕੀ ਬਾਜ਼ਾਰ ਪਿਛਲੇ ਸੈਸ਼ਨ ਦੌਰਾਨ ਮਜ਼ਬੂਤੀ ਨਾਲ ਬੰਦ ਹੋਏ। ਡਾਓ ਜੋਨਸ ਫਿਊਚਰਜ਼ ਵੀ ਅੱਜ ਮਾਮੂਲੀ ਮਜ਼ਬੂਤੀ ਨਾਲ ਕਾਰੋਬਾਰ ਕਰਦਾ ਹੋਇਆ ਨਜ਼ਰ ਆ ਰਿਹਾ ਹੈ । ਯੂਰਪੀ ਬਾਜ਼ਾਰ ਪਿਛਲੇ ਸੈਸ਼ਨ ਦੌਰਾਨ ਦਬਾਅ ਹੇਠ ਕਾਰੋਬਾਰ ਕਰਨ ਤੋਂ ਬਾਅਦ ਮਾਮੂਲੀ ਮਜ਼ਬੂਤੀ ਨਾਲ ਬੰਦ ਹੋਣ ਵਿੱਚ ਕਾਮਯਾਬ ਰਹੇ। ਉੱਥੇ ਹੀ, ਏਸ਼ੀਆਈ ਬਾਜ਼ਾਰਾਂ ਵਿੱਚ ਅੱਜ ਮਿਲਿਆ-ਜੁਲਿਆ ਕਾਰੋਬਾਰ ਦੇਖਣ ਨੂੰ ਮਿਲ ਰਿਹਾ ਹੈ।

ਅਮਰੀਕੀ ਬਾਜ਼ਾਰਾਂ ਵਿੱਚ ਪਿਛਲੇ ਸੈਸ਼ਨ ਦੌਰਾਨ ਖਰੀਦਦਾਰੀ ਦਾ ਮਾਹੌਲ ਬਣਿਆ ਰਿਹਾ, ਜਿਸ ਕਾਰਨ ਵਾਲ ਸਟ੍ਰੀਟ ਸੂਚਕਾਂਕ ਮਜ਼ਬੂਤ ਨਾਲ ਬੰਦ ਹੋਏ। ਐਸ ਐਂਡ ਪੀ 500 ਇੰਡੈਕਸ 0.26 ਪ੍ਰਤੀਸ਼ਤ ਮਜ਼ਬੂਤੀ ਨਾਲ 6,661.21 ਅੰਕਾਂ 'ਤੇ ਬੰਦ ਹੋਇਆ। ਇਸੇ ਤਰ੍ਹਾਂ, ਨੈਸਡੈਕ 107.09 ਅੰਕਾਂ ਜਾਂ 0.48 ਪ੍ਰਤੀਸ਼ਤ ਮਜ਼ਬੂਤੀ ਨਾਲ ਪਿਛਲੇ ਸੈਸ਼ਨ ’ਚ 22,591.15 ਅੰਕਾਂ 'ਤੇ ਬੰਦ ਹੋਇਆ। ਡਾਓ ਜੋਨਸ ਫਿਊਚਰਜ਼ ਅੱਜ ਫਿਲਹਾਲ 0.05 ਪ੍ਰਤੀਸ਼ਤ ਮਜ਼ਬੂਤੀ ਨਾਲ 46,337.08 ਅੰਕਾਂ 'ਤੇ ਕਾਰੋਬਾਰ ਕਰਦਾ ਨਜ਼ਰ ਆ ਰਿਹਾ ਹੈ।ਯੂਰਪੀ ਬਾਜ਼ਾਰ ਵਿੱਚ ਪਿਛਲੇ ਸੈਸ਼ਨ ਦੌਰਾਨ ਸੀਮਤ ਦਾਇਰੇ ਵਿੱਚ ਕਾਰੋਬਾਰ ਹੁੰਦਾ ਰਿਹਾ। ਐਫਟੀਐਸਈ ਇੰਡੈਕਸ 0.16 ਪ੍ਰਤੀਸ਼ਤ ਮਜ਼ਬੂਤ ਹੋ ਕੇ 9,299.84 'ਤੇ ਬੰਦ ਹੋਇਆ। ਇਸੇ ਤਰ੍ਹਾਂ, ਸੀਏਸੀ ਇੰਡੈਕਸ 0.13 ਪ੍ਰਤੀਸ਼ਤ ਮਜ਼ਬੂਤ ਹੋ ਕੇ 7,880.87 'ਤੇ ਬੰਦ ਹੋਇਆ। ਡੀਏਐਕਸ ਇੰਡੈਕਸ ਵੀ 0.02 ਪ੍ਰਤੀਸ਼ਤ ਮਜ਼ਬੂਤ ਹੋ ਕੇ 23,745.06 'ਤੇ ਬੰਦ ਹੋਇਆ।ਅੱਜ ਏਸ਼ੀਆਈ ਬਾਜ਼ਾਰ ਵਿੱਚ ਮਿਸ਼ਰਤ ਕਾਰੋਬਾਰ ਦੇਖਣ ਨੂੰ ਮਿਲ ਰਿਹਾ ਹੈ। 9 ਏਸ਼ੀਆਈ ਬਾਜ਼ਾਰਾਂ ਵਿੱਚੋਂ 5 ਦੇ ਸੂਚਕਾਂਕ ਮਜ਼ਬੂਤੀ ਨਾਲ ਹਰੇ ਨਿਸ਼ਾਨ 'ਤੇ ਕਾਰੋਬਾਰ ਕਰ ਰਹੇ ਹਨ, ਜਦੋਂ ਕਿ 4 ਸੂਚਕਾਂਕ ਗਿਰਾਵਟ ਨਾਲ ਲਾਲ ਨਿਸ਼ਾਨ 'ਤੇ ਕਾਰੋਬਾਰ ਕਰ ਰਹੇ ਹਨ। ਸੈੱਟ ਕੰਪੋਜ਼ਿਟ ਇੰਡੈਕਸ 0.46 ਪ੍ਰਤੀਸ਼ਤ ਡਿੱਗਣ ਤੋਂ ਬਾਅਦ 1,282.19 ਅੰਕਾਂ 'ਤੇ ਕਾਰੋਬਾਰ ਕਰ ਰਿਹਾ ਹੈ। ਇਸੇ ਤਰ੍ਹਾਂ ਜਕਾਰਤਾ ਕੰਪੋਜ਼ਿਟ ਇੰਡੈਕਸ 0.21 ਪ੍ਰਤੀਸ਼ਤ ਡਿੱਗ ਕੇ 8,106.62 ਅੰਕਾਂ ਦੇ ਪੱਧਰ 'ਤੇ ਪਹੁੰਚ ਗਿਆ ਹੈ। ਇਸ ਤੋਂ ਇਲਾਵਾ, ਹੈਂਗ ਸੇਂਗ ਇੰਡੈਕਸ 0.11 ਪ੍ਰਤੀਸ਼ਤ ਦੀ ਕਮਜ਼ੋਰੀ ਨਾਲ 26,593 ਅੰਕਾਂ 'ਤੇ ਅਤੇ ਕੋਸਪੀ ਇੰਡੈਕਸ 0.07 ਪ੍ਰਤੀਸ਼ਤ ਦੀ ਗਿਰਾਵਟ ਨਾਲ 3,428.64 ਅੰਕਾਂ 'ਤੇ ਕਾਰੋਬਾਰ ਕਰ ਰਹੇ ਹਨ।ਦੂਜੇ ਪਾਸੇ, ਗਿਫ਼ਟ ਨਿਫਟੀ 0.04 ਪ੍ਰਤੀਸ਼ਤ ਦੀ ਮਾਮੂਲੀ ਮਜ਼ਬੂਤੀ ਨਾਲ 24,697.50 ਅੰਕਾਂ ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ। ਇਸੇ ਤਰ੍ਹਾਂ ਨਿੱਕੇਈ ਇੰਡੈਕਸ 0.07 ਪ੍ਰਤੀਸ਼ਤ ਦੀ ਮਜ਼ਬੂਤੀ ਨਾਲ 45,077 ਅੰਕਾਂ ਦੇ ਪੱਧਰ 'ਤੇ ਪਹੁੰਚ ਗਿਆ ਹੈ। ਤਾਈਵਾਨ ਵੇਟਿਡ ਇੰਡੈਕਸ ਨੇ ਅੱਜ ਜ਼ੋਰਦਾਰ ਛਾਲ ਮਾਰੀ ਹੈ। ਫਿਲਹਾਲ ਇਹ ਇੰਡੈਕਸ 334.62 ਅੰਕ ਯਾਨੀ 1.29 ਪ੍ਰਤੀਸ਼ਤ ਮਜ਼ਬੂਤੀ ਦੇ ਨਾਲ 25,914.94 ਅੰਕਾਂ ਦੇ ਪੱਧਰ 'ਤੇ ਪਹੁੰਚ ਗਿਆ ਹੈ। ਇਸ ਤੋਂ ਇਲਾਵਾ ਸ਼ੰਘਾਈ ਕੰਪੋਜ਼ਿਟ ਇੰਡੈਕਸ 0.40 ਪ੍ਰਤੀਸ਼ਤ ਮਜ਼ਬੂਤੀ ਦੇ ਨਾਲ 3,878.13 ਅੰਕਾਂ ਦੇ ਪੱਧਰ 'ਤੇ ਅਤੇ ਸਟ੍ਰੇਟਸ ਟਾਈਮਜ਼ ਇੰਡੈਕਸ 0.33 ਪ੍ਰਤੀਸ਼ਤ ਮਜ਼ਬੂਤੀ ਦੇ ਨਾਲ 4,284.23 ਅੰਕਾਂ ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਹੇ ਹਨ।

ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ