ਇੰਫਾਲ, 14 ਜਨਵਰੀ (ਹਿੰ.ਸ.)। ਮਨੀਪੁਰ ਪੁਲਿਸ ਨੇ ਮੰਗਲਵਾਰ ਨੂੰ ਇੰਫਾਲ ਪੱਛਮੀ ਜ਼ਿਲ੍ਹੇ ਦੇ ਵੱਖ-ਵੱਖ ਇਲਾਕਿਆਂ ਤੋਂ ਪਾਬੰਦੀਸ਼ੁਦਾ ਸੰਗਠਨ ਕੇਵਾਈਕੇਐਲ (ਸੋਰੇਪਾ) ਦੇ ਤਿੰਨ ਕੈਡਰਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਗ੍ਰਿਫ਼ਤਾਰ ਕੀਤੇ ਗਏ ਮੁਲਜ਼ਮਾਂ ਦੀ ਪਛਾਣ ਕੇਥੇਲਕਪਮ ਤੇਲਹੀਬਾ ਮੰਗੰਗ ਉਰਫ਼ ਥੋਇਬਾ ਉਰਫ਼ ਲਮਯਾਂਬਾ (23), ਕੋਂਥੂਜਮ ਗੁੱਡੀ ਮੇਤੇਈ ਉਰਫ਼ ਫਿਰੇਪਾ (23) ਅਤੇ ਲੈਸ਼ਰਾਮ ਇਚਨ ਦੇਵੀ ਉਰਫ਼ ਸੰਗੀਤਾ (30) ਵਜੋਂ ਹੋਈ ਹੈ।ਪੁਲਿਸ ਨੇ ਅੱਜ ਦੱਸਿਆ ਕਿ ਕੇਥੇਲਕਾਪਮ ਤੇਲਹੀਬਾ ਮੰਗੰਗ ਨੂੰ ਕੰਗਾਬਾਮ ਲੀਕਾਈ ਤੋਂ, ਕੋਂਥੂਜਮ ਗੁੱਡੀ ਮੇਤੇਈ ਨੂੰ ਕਵਾਕੇਥਲ ਥੋਕਚੋਮ ਲੀਕਾਈ ਤੋਂ ਅਤੇ ਲੈਸ਼ਰਾਮ ਇਚਨ ਦੇਵੀ ਨੂੰ ਕਵਾਕੇਥਲ ਬਾਜ਼ਾਰ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਸਾਰੇ ਦੋਸ਼ੀ ਸੰਗਠਨ ਦੀਆਂ ਗਤੀਵਿਧੀਆਂ ਵਿੱਚ ਸਰਗਰਮੀ ਨਾਲ ਸ਼ਾਮਲ ਸਨ।

ਗ੍ਰਿਫ਼ਤਾਰ ਕੀਤੇ ਗਏ ਕੈਡਰਾਂ ਤੋਂ ਤਿੰਨ ਮੋਬਾਈਲ ਫੋਨ, ਚਾਰ ਸਿਮ ਕਾਰਡ, 6,000 ਰੁਪਏ ਨਕਦ ਅਤੇ ਇੱਕ ਯਾਮਾਹਾ ਮੋਟਰਸਾਈਕਲ ਬਰਾਮਦ ਕੀਤਾ ਗਿਆ ਹੈ। ਮੁੱਢਲੀ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਦੋਸ਼ੀ ਘਾਟੀ ਦੇ ਜ਼ਿਲ੍ਹਿਆਂ ਵਿੱਚ ਨਵੇਂ ਕੈਡਰਾਂ ਦੀ ਭਰਤੀ ਕਰਨ, ਪੈਸੇ ਵਸੂਲਣ ਅਤੇ ਆਪਣੇ ਸੰਗਠਨ ਨੂੰ ਲੌਜਿਸਟਿਕਲ ਸਹਾਇਤਾ ਪ੍ਰਦਾਨ ਕਰਨ ਵਿੱਚ ਸ਼ਾਮਲ ਸਨ। ਪੁਲਿਸ ਮਾਮਲੇ ਦੀ ਹੋਰ ਜਾਂਚ ਕਰ ਰਹੀ ਹੈ।

ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ