ਲੁਧਿਆਣਾ,17 ਮਾਰਚ (ਹਿੰ.ਸ.)। ਗ੍ਰੇਟਰ ਲੁਧਿਆਣਾ ਏਰੀਆ ਡਿਵੈਲਪਮੈਂਟ ਅਥਾਰਟੀ (ਗਲਾਡਾ) ਅੱਜ ਤੋਂ 25 ਮਾਰਚ, 2026 ਤੱਕ ਪੰਜਾਬ ਸਰਕਾਰ ਅਤੇ ਪੁੱਡਾ ਦੀਆਂ ਲਾਗੂ ਨੀਤੀਆਂ ਅਤੇ ਨਿਯਮਾਂ ਅਨੁਸਾਰ ਮਨੋਨੀਤ ਆਨਲਾਈਨ ਈ-ਨਿਲਾਮੀ ਪੋਰਟਲ www.puda.enivida.com ਰਾਹੀਂ ਵੱਖ-ਵੱਖ ਗਲਾਡਾ ਸਕੀਮਾਂ ਵਿੱਚ ਸਥਿਤ ਰਿਹਾਇਸ਼ੀ, ਵਪਾਰਕ ਅਤੇ ਚੰਕ ਸਾਈਟਾਂ ਦੀ ਈ-ਨਿਲਾਮੀ ਕਰ ਰਹੀ ਹੈ।

ਸਾਈਟਾਂ ਦੀ ਅਲਾਟਮੈਂਟ ਨਿਰਧਾਰਤ ਨਿਯਮਾਂ ਅਤੇ ਸ਼ਰਤਾਂ ਦੀ ਪੂਰਤੀ ਦੇ ਅਧੀਨ ਸਭ ਤੋਂ ਵੱਧ ਸਫਲ ਬੋਲੀਕਾਰ ਨੂੰ ਕੀਤੀ ਜਾਵੇਗੀ ਅਤੇ ਸਫਲ ਬੋਲੀ ਦੀ ਰਕਮ ਦਾ ਉਕਤ 12 ਪ੍ਰਤੀਸ਼ਤ ਜਮ੍ਹਾ ਕਰਨ 'ਤੇ ਅਲਾਟ ਕੀਤੀ ਗਈ ਜਾਇਦਾਦ ਨੂੰ ਸੂਚੀਬੱਧ ਬੈਂਕਾਂ ਤੋਂ ਕਰਜ਼ਾ/ਵਿੱਤੀ ਸਹਾਇਤਾ ਪ੍ਰਾਪਤ ਕਰਨ ਦੇ ਉਦੇਸ਼ ਲਈ ਗਿਰਵੀ ਰੱਖਿਆ ਜਾ ਸਕਦਾ ਹੈ ਜਿਨ੍ਹਾਂ ਵਿੱਚ ਕੇਨਰਾ ਬੈਂਕ, ਪੰਜਾਬ ਨੈਸ਼ਨਲ ਬੈਂਕ, ਆਈ.ਸੀ.ਆਈ.ਸੀ.ਆਈ ਬੈਂਕ ਅਤੇ ਐਚ.ਡੀ.ਐਫ.ਸੀ ਬੈਂਕ ਸ਼ਾਮਲ ਹਨ।

ਇਸ ਤੋਂ ਇਲਾਵਾ ਜੇਕਰ ਸਫਲ ਬੋਲੀਕਾਰ ਅਲਾਟਮੈਂਟ ਦੇ 90 ਦਿਨਾਂ ਦੇ ਅੰਦਰ ਪੂਰੀ ਬਕਾਇਆ ਰਕਮ ਇਕਮੁਸ਼ਤ ਜਮ੍ਹਾ ਕਰਵਾਉਣ ਦਾ ਵਿਕਲਪ ਚੁਣਦਾ ਹੈ ਤਾਂ ਮੌਜੂਦਾ ਨੀਤੀ ਅਨੁਸਾਰ ਪੂਰੀ ਅਲਾਟਮੈਂਟ ਰਕਮ 'ਤੇ 15 ਪ੍ਰਤੀਸ਼ਤ ਦੀ ਛੋਟ ਸਵੀਕਾਰਯੋਗ ਹੋਵੇਗੀ। ਇਸ ਲਈ ਬੋਲੀ ਦੀ ਰਕਮ ਦਾ 12 ਪ੍ਰਤੀਸ਼ਤ ਜਮ੍ਹਾ ਕਰਨ ਤੋਂ ਬਾਅਦ ਗਲਾਡਾ/ਪੁੱਡਾ ਜਾਇਦਾਦਾਂ ਨੂੰ ਈ-ਨਿਲਾਮੀ ਪੋਰਟਲ www.puda.enivida.com ਰਾਹੀਂ ਖਰੀਦਿਆ ਜਾ ਸਕਦਾ ਹੈ। ਇਸ ਤੋਂ ਬਾਅਦ ko op ਅਲਾਟ ਕੀਤੀ ਜਾਇਦਾਦ ਨੂੰ ਕਰਜ਼ਾ ਪ੍ਰਾਪਤ ਕਰਨ ਲਈ ਬੈਂਕਾਂ ਕੋਲ ਗਿਰਵੀ ਰੱਖਿਆ ਜਾ ਸਕਦਾ ਹੈ ਜਿਸ ਨਾਲ ਬਾਕੀ ਅਲਾਟਮੈਂਟ ਰਕਮ ਦਾ ਜਲਦੀ ਭੁਗਤਾਨ ਕਰਨਾ ਆਸਾਨ ਹੋ ਸਕਦਾ ਹੈ। ਜਲਦੀ ਭੁਗਤਾਨ ਕਰਕੇ ਅਲਾਟਮੈਂਟ ਰਕਮ 'ਤੇ 15 ਪ੍ਰਤੀਸ਼ਤ ਤੱਕ ਦੀ ਵਾਧੂ ਛੋਟ ਪ੍ਰਾਪਤ ਕੀਤੀ ਜਾ ਸਕਦੀ ਹੈ।

ਮੁੱਖ ਪ੍ਰਸ਼ਾਸਕ, ਗਲਾਡਾ ਸੰਦੀਪ ਕੁਮਾਰ ਨੇ ਆਮ ਲੋਕਾਂ ਨੂੰ ਈ-ਨਿਲਾਮੀ ਵਿੱਚ ਹਿੱਸਾ ਲੈਣ ਅਤੇ ਇਸ ਮੌਕੇ ਦਾ ਫਾਇਦਾ ਉਠਾਉਣ ਦੀ ਅਪੀਲ ਕੀਤੀ।

ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ