ਮੁੰਬਈ, 24 ਮਾਰਚ (ਹਿੰ.ਸ.)। ਬਾਲੀਵੁੱਡ ਅਦਾਕਾਰ ਰਣਵੀਰ ਸਿੰਘ ਦੀ ਫਿਲਮ ਧੁਰੰਧਰ 2: ਦ ਰਿਵੈਂਜ ਬਾਕਸ ਆਫਿਸ 'ਤੇ ਸ਼ਾਨਦਾਰ ਪ੍ਰਦਰਸ਼ਨ ਕਰ ਰਹੀ ਹੈ। ਰਿਲੀਜ਼ ਹੋਣ ਤੋਂ ਬਾਅਦ, ਫਿਲਮ ਨੇ ਕਮਾਈ ਦੇ ਨਵੇਂ ਰਿਕਾਰਡ ਕਾਇਮ ਕੀਤੇ ਹਨ ਅਤੇ ਹੁਣ, ਸਿਰਫ ਪੰਜ ਦਿਨਾਂ ਵਿੱਚ, 500 ਕਰੋੜ ਰੁਪਏ ਕਲੱਬ ਵਿੱਚ ਸ਼ਾਮਲ ਹੋ ਕੇ ਇਤਿਹਾਸ ਰਚ ਦਿੱਤਾ ਹੈ। ਦਰਸ਼ਕਾਂ ਵੱਲੋਂ ਮਿਲਿਆ ਜ਼ਬਰਦਸਤ ਹੁੰਗਾਰਾ ਫਿਲਮ ਨਿਰਮਾਤਾਵਾਂ ਲਈ ਪੈਸੇ ਦੀ ਛਪਾਈ ਕਰਨ ਵਾਲੀ ਮਸ਼ੀਨ ਤੋਂ ਘੱਟ ਸਾਬਤ ਨਹੀਂ ਹੋ ਰਿਹਾ ਹੈ।

ਵਪਾਰਕ ਰਿਪੋਰਟਾਂ ਦੇ ਅਨੁਸਾਰ, ਫਿਲਮ ਨੇ ਸੋਮਵਾਰ, ਪੰਜਵੇਂ ਦਿਨ 65 ਕਰੋੜ ਰੁਪਏ ਦੀ ਕਮਾਈ ਕੀਤੀ। ਹਾਲਾਂਕਿ ਹਫਤੇ ਦੇ ਅੰਤ ਦੇ ਮੁਕਾਬਲੇ ਕਮਾਈ ਵਿੱਚ ਗਿਰਾਵਟ ਆਈ ਹੈ, ਫਿਲਮ ਦੀ ਗਤੀ ਮਜ਼ਬੂਤ ਬਣੀ ਹੋਈ ਹੈ। ਇਸ ਤੋਂ ਪਹਿਲਾਂ, ਫਿਲਮ ਨੇ ਤੀਜੇ ਦਿਨ 113 ਕਰੋੜ ਰੁਪਏ ਅਤੇ ਚੌਥੇ ਦਿਨ 114.85 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ। ਪੰਜ ਦਿਨਾਂ ਵਿੱਚ, ਫਿਲਮ ਦਾ ਕੁੱਲ ਘਰੇਲੂ ਸੰਗ੍ਰਹਿ 519.12 ਕਰੋੜ ਰੁਪਏ ਤੱਕ ਪਹੁੰਚ ਗਿਆ ਹੈ, ਜਦੋਂ ਕਿ ਇਸਦੀ ਦੁਨੀਆ ਭਰ ਦੀ ਕਮਾਈ 829.76 ਕਰੋੜ ਰੁਪਏ ਤੱਕ ਪਹੁੰਚ ਗਈ ਹੈ।

ਇਸ ਦੌਰਾਨ, ਪਵਨ ਕਲਿਆਣ ਦੀ ਫਿਲਮ ਉਸਤਾਦ ਭਗਤ ਸਿੰਘ ਨੂੰ ਬਾਕਸ ਆਫਿਸ 'ਤੇ ਝਟਕਾ ਲੱਗਾ ਹੈ। ਪਹਿਲੇ ਦਿਨ 34.75 ਕਰੋੜ ਰੂਪਏ ਦੀ ਸ਼ੁਰੂਆਤ ਕਰਨ ਤੋਂ ਬਾਅਦ, ਫਿਲਮ ਦੀ ਕਮਾਈ ਵਿੱਚ ਲਗਾਤਾਰ ਗਿਰਾਵਟ ਆਈ ਹੈ। ਪੰਜਵੇਂ ਦਿਨ, ਫਿਲਮ ਨੇ ਸਿਰਫ 1.96 ਕਰੋੜ ਰੂਪਏ ਦੀ ਕਮਾਈ ਕੀਤੀ, ਜਿਸ ਨਾਲ ਇਸਦਾ ਕੁੱਲ ਸੰਗ੍ਰਹਿ 62.26 ਕਰੋੜ ਰੂਪਏ ਹੋ ਗਿਆ। ਫਿਲਮ ਵਿੱਚ ਰਾਸ਼ੀ ਖੰਨਾ ਅਤੇ ਸ਼੍ਰੀਲੀਲਾ ਵੀ ਮੁੱਖ ਭੂਮਿਕਾਵਾਂ ਵਿੱਚ ਹਨ।

ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ