ਚੰਡੀਗੜ੍ਹ, 11 ਅਪ੍ਰੈਲ (ਹਿੰ.ਸ.)। ਐਮਰਜੈਂਸੀ ਦੌਰਾਨ ਮਝਦਾਰੀ ਨਾਲ ਕੀਤੀ ਗਈ ਥੋੜ੍ਹੀ ਜਿਹੀ ਕੋਸ਼ਿਸ਼ ਕਿਸੇ ਨੂੰ ਨਵੀਂ ਜ਼ਿੰਦਗੀ ਦੇ ਸਕਦੀ ਹੈ। ਇਸ ਉਦੇਸ਼ ਨਾਲ, ਸਰਵਪ੍ਰੇਮ ਫਾਊਂਡੇਸ਼ਨ ਦੀ ਅਗਵਾਈ ਹੇਠ ਸ਼ਨੀਵਾਰ ਸਵੇਰੇ ਸੈਕਟਰ 10 ਦੇ ਲੀਜ਼ਰ ਵੈਲੀ ਵਿਖੇ ਸੀਪੀਆਰ ਸਿਖਲਾਈ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ। ਇਸ ਪ੍ਰੋਗਰਾਮ ’ਚ ਸੀਆਰਸੀ ਸਾਈਕਲਿੰਗ ਗਰੁੱਪ, ਏਸਿਕਸ ਰਨਿੰਗ ਕਲੱਬ, ਸਕੇਟਰਜ਼ ਕਲੱਬ, ਚੰਡੀਗੜ੍ਹ ਡਿਸਟੈਂਸ ਰਨਰਸ ਕਲੱਬ ਸਮੇਤ ਲਗਭਗ 150 ਭਾਗੀਦਾਰਾਂ ਨੇ ਹਿੱਸਾ ਲਿਆ।
ਇਸ ਮੌਕੇ 'ਤੇ ਮਦਰਹੁੱਡ ਚੈਤੰਨਿਆ ਹਸਪਤਾਲ ਦੇ ਡਾ. ਗੁਰੂਦੱਤ ਨੇ ਸੀਪੀਆਰ ਕਰਨ ਦੇ ਤਰੀਕਿਆਂ ਬਾਰੇ ਜਾਣਕਾਰੀ ਦਿੱਤੀ। ਉਨ੍ਹਾਂ ਨੇ ਉੱਥੇ ਮੌਜੂਦ ਸਾਰੇ ਵਰਗਾਂ ਦੇ ਲੋਕਾਂ ਨੂੰ ਇਸ ਵਿੱਚ ਭਾਗੀਦਾਰ ਬਣਾਉਂਦੇ ਹੋਏ ਸੀਪੀਆਰ ਡੈਮੋ ਕਰਵਾਇਆ ਅਤੇ ਉਮਰ ਸਮੂਹ ਦੇ ਅਨੁਸਾਰ ਸੀਪੀਆਰ ਦੇਣ ਬਾਰੇ ਦੱਸਿਆ। ਸੀਪੀਆਰ ਦਿੰਦੇ ਸਮੇਂ ਛਾਤੀ 'ਤੇ ਜ਼ਿਆਦਾ ਦਬਾਅ ਘਾਤਕ ਸਾਬਤ ਹੋ ਸਕਦਾ ਹੈ। ਉਨ੍ਹਾਂ ਦੱਸਿਆ ਕਿ ਬੱਚਿਆਂ, ਨੌਜਵਾਨਾਂ ਅਤੇ ਦਰਮਿਆਨੀ ਉਮਰ ਦੇ ਲੋਕਾਂ ਨੂੰ ਸੀਪੀਆਰ ਕਿੰਨੀ ਦੇਰ ਤੱਕ ਦੇਣਾ ਚਾਹੀਦਾ ਹੈ।
ਸਰਵਪ੍ਰੇਮ ਦੀ ਡਾਇਰੈਕਟਰ ਡਾ. ਅਰਾਧਨਾ ਓਝਾ ਨੇ ਕਿਹਾ ਕਿ ਸਰਵਪ੍ਰੇਮ ਆਉਣ ਵਾਲੇ ਦਿਨਾਂ ਵਿੱਚ ਵੀ ਅਜਿਹੇ ਜਾਗਰੂਕਤਾ ਪ੍ਰੋਗਰਾਮ ਆਯੋਜਿਤ ਕਰੇਗਾ। ਇਸ ਮੌਕੇ ਸਰਵਪ੍ਰੇਮ ਵੱਲੋਂ ਡਾ. ਰੋਮਿਕਾ ਵਡੇਰਾ, ਡਾ. ਅਸ਼ੋਕ ਵਡੇਰਾ, ਕੈਪਟਨ ਗੌਤਮ ਲਾਲ ਸਮੇਤ ਹੋਰ ਕਈ ਪਤਵੰਤੇ ਮੌਜੂਦ ਸਨ।
ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ
14 Apr 2026
