ਦੇਸ਼ ਵਿੱਚ ਪਹਿਲੀ ਵਾਰ ਰਾਤ ਸਮੇਂ ਚਲਾਈ ਜਾ ਰਹੀ ਐਚਆਈਵੀ ਜਾਗਰੂਕਤਾ ਮੁਹਿੰਮ, 5,162 ਲੋਕਾਂ ਦੀ ਜਾਂਚਚੰਡੀਗੜ੍ਹ, 23 ਜੂਨ (ਹਿੰ.ਸ.)| ਐਚਆਈਵੀ ਸੰਕਰਮਣ ਦੀ ਵੱਧ ਰਹੀ ਚੁਣੌਤੀ ਨਾਲ ਨਜਿੱਠਣ ਲਈ ਚੰਡੀਗੜ੍ਹ ਸਿਹਤ ਵਿਭਾਗ ਨੇ ਦੇਸ਼ ਵਿੱਚ ਪਹਿਲੀ ਵਾਰ ਰਾਤ ਸਮੇਂ ਵਿਸ਼ੇਸ਼ ਮੁਹਿੰਮ ਸ਼ੁਰੂ ਕੀਤੀ ਹੈ। ‘ਰਾਸ’ (ਰਾਤਰੀ ਏਡਜ਼ ਸੁਰੱਖਿਆ) ਨਾਮਕ ਇਸ ਪਹਿਲ ਤਹਿਤ ਸ਼ਹਿਰ ਦੇ 20 ਸੰਵੇਦਨਸ਼ੀਲ ਇਲਾਕਿਆਂ ਵਿੱਚ ਸ਼ਾਮ 7 ਵਜੇ ਤੋਂ ਰਾਤ 12 ਵਜੇ ਤੱਕ ਸਿਹਤ ਵਿਭਾਗ ਦੀਆਂ ਟੀਮਾਂ ਅਤੇ ਸਵੈ-ਸੇਵੀ ਸੰਸਥਾਵਾਂ ਵੱਲੋਂ ਲੋਕਾਂ ਤੱਕ ਪਹੁੰਚ ਕਰਕੇ ਕਾਊਂਸਲਿੰਗ, ਐਚਆਈਵੀ ਜਾਂਚ ਅਤੇ ਜਾਗਰੂਕਤਾ ਗਤੀਵਿਧੀਆਂ ਚਲਾਈਆਂ ਜਾ ਰਹੀਆਂ ਹਨ।ਸਿਹਤ ਵਿਭਾਗ ਦੇ ਅਨੁਸਾਰ ਸਮਾਜਿਕ ਝਿਝਕ ਅਤੇ ਬਦਨਾਮੀ ਦੇ ਡਰ ਕਾਰਨ ਕਈ ਲੋਕ ਦਿਨ ਦੇ ਸਮੇਂ ਐਚਆਈਵੀ ਜਾਂਚ ਕਰਵਾਉਣ ਤੋਂ ਕਤਰਾਉਂਦੇ ਹਨ। ਇਸ ਨੂੰ ਧਿਆਨ ਵਿੱਚ ਰੱਖਦਿਆਂ ਰਾਤ ਸਮੇਂ ਲੋਕਾਂ ਤੱਕ ਪਹੁੰਚ ਕੇ ਉਨ੍ਹਾਂ ਨੂੰ ਜਾਂਚ ਅਤੇ ਸਲਾਹ-ਮਸ਼ਵਰੇ ਦੀਆਂ ਸਹੂਲਤਾਂ ਮੁਹੱਈਆ ਕਰਵਾਈਆਂ ਜਾ ਰਹੀਆਂ ਹਨ। ਇਸ ਪਹਿਲ ਨਾਲ ਚੰਡੀਗੜ੍ਹ ਦੇਸ਼ ਦਾ ਪਹਿਲਾ ਸ਼ਹਿਰ ਬਣ ਗਿਆ ਹੈ, ਜਿੱਥੇ ਐਚਆਈਵੀ ਜਾਗਰੂਕਤਾ ਅਤੇ ਜਾਂਚ ਲਈ ਇਸ ਤਰ੍ਹਾਂ ਦੀ ਰਾਤਰੀ ਮੁਹਿੰਮ ਸ਼ੁਰੂ ਕੀਤੀ ਗਈ ਹੈ।5,162 ਲੋਕਾਂ ਦੀ ਜਾਂਚ, 55 ਵਿੱਚ ਐਚਆਈਵੀ ਦੀ ਪੁਸ਼ਟੀਸਿਹਤ ਵਿਭਾਗ ਮੁਤਾਬਕ ਅਪ੍ਰੈਲ ਮਹੀਨੇ ਦੇ ਅੰਤ ਤੱਕ 16 ਹਾਟਸਪਾਟ ਇਲਾਕਿਆਂ ਵਿੱਚ ਵੱਡੇ ਪੱਧਰ ’ਤੇ ਜਾਂਚ ਮੁਹਿੰਮ ਚਲਾਈ ਗਈ। ਇਸ ਦੌਰਾਨ 5,162 ਲੋਕਾਂ ਦੇ ਐਚਆਈਵੀ ਟੈਸਟ ਕੀਤੇ ਗਏ। ਇਨ੍ਹਾਂ ਵਿੱਚੋਂ 1,369 ਵਿਅਕਤੀ ਸੰਭਾਵਿਤ ਖ਼ਤਰੇ ਵਾਲੀ ਸ਼੍ਰੇਣੀ ਵਿੱਚ ਪਾਏ ਗਏ, ਜਦਕਿ 55 ਲੋਕਾਂ ਵਿੱਚ ਐਚਆਈਵੀ ਸੰਕਰਮਣ ਦੀ ਪੁਸ਼ਟੀ ਹੋਈ। ਸੰਕਰਮਿਤ ਵਿਅਕਤੀਆਂ ਵਿੱਚ ਸੈਕਸ ਵਰਕਰਾਂ, ਟਰਾਂਸਪੋਰਟ ਵਰਕਰਾਂ ਅਤੇ ਹੋਰ ਉੱਚ-ਖ਼ਤਰੇ ਵਾਲੇ ਸਮੂਹਾਂ ਦੀ ਗਿਣਤੀ ਵੱਧ ਦੱਸੀ ਗਈ ਹੈ।

20 ਇਲਾਕਿਆਂ ਨੂੰ ਬਣਾਇਆ ਗਏ ਹਾਟਸਪਾਟਵਿਭਾਗ ਵੱਲੋਂ ਕਜਹੇੜੀ, ਧਨਾਸ, ਡੱਡੂਮਾਜਰਾ, ਇੰਦਿਰਾ ਕਾਲੋਨੀ, ਵਿਕਾਸ ਨਗਰ, ਰਾਮਦਰਬਾਰ, ਮੌਲੀਜਾਗਰਾਂ, ਬੁੜੈਲ ਅਤੇ ਸੈਕਟਰ-43 ਬੱਸ ਅੱਡੇ ਸਮੇਤ 20 ਇਲਾਕਿਆਂ ਨੂੰ ਸੰਵੇਦਨਸ਼ੀਲ ਖੇਤਰ ਵਜੋਂ ਚਿੰਨ੍ਹਿਤ ਕੀਤਾ ਗਿਆ ਹੈ। ਜਾਂਚ ਦੌਰਾਨ ਸਪਾ ਸੈਂਟਰ, ਬੱਸ ਅੱਡੇ ਅਤੇ ਸਬਜ਼ੀ ਮੰਡੀ ਖੇਤਰ ਸਭ ਤੋਂ ਵੱਧ ਜੋਖ਼ਮ ਵਾਲੇ ਸਥਾਨਾਂ ਵਜੋਂ ਸਾਹਮਣੇ ਆਏ ਹਨ।ਸਿਹਤ ਵਿਭਾਗ ਨੇ ਕਿਹਾ ਹੈ ਕਿ ਮੁਹਿੰਮ ਦੌਰਾਨ ਜਾਂਚ ਕਰਵਾਉਣ ਵਾਲੇ ਵਿਅਕਤੀਆਂ ਦੀ ਪਹਿਚਾਣ ਪੂਰੀ ਤਰ੍ਹਾਂ ਗੁਪਤ ਰੱਖੀ ਜਾ ਰਹੀ ਹੈ। ਲੋਕਾਂ ਦੀ ਨਿੱਜਤਾ ਅਤੇ ਗੋਪਨੀਯਤਾ ਦੀ ਸੁਰੱਖਿਆ ਨੂੰ ਮੁਹਿੰਮ ਦੀ ਸਭ ਤੋਂ ਵੱਡੀ ਤਰਜੀਹ ਬਣਾਇਆ ਗਿਆ ਹੈ, ਤਾਂ ਜੋ ਵੱਧ ਤੋਂ ਵੱਧ ਲੋਕ ਬਿਨਾਂ ਕਿਸੇ ਡਰ ਜਾਂ ਸੰਕੋਚ ਦੇ ਜਾਂਚ ਕਰਵਾ ਸਕਣ।

ਹਿੰਦੂਸਥਾਨ ਸਮਾਚਾਰ / GURSHARAN SINGH