ਨਵੀਂ ਦਿੱਲੀ, 28 ਜੁਲਾਈ (ਹਿੰ.ਸ.)। ਔਨਲਾਈਨ ਫੂਡ ਅਤੇ ਕਵਿੱਕ ਕਾਮਰਸ ਦਿੱਗਜ ਸਵਿਗੀ ਨੇ ਆਪਣੇ ਇੰਸਟਾਮਾਰਟ ਪਲੇਟਫਾਰਮ ਲਈ ਵੱਡਾ ਕਾਰੋਬਾਰੀ ਬਦਲਾਅ ਕੀਤਾ ਹੈ। ਇੰਸਟਾਮਾਰਟ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ (ਸੀ.ਈ.ਓ.) ਅਮਿਤੇਸ਼ ਕੁਮਾਰ ਝਾਅ ਨੇ ਅਸਤੀਫਾ ਦੇ ਦਿੱਤਾ ਹੈ। ਉਨ੍ਹਾਂ ਦੀ ਜਗ੍ਹਾ ਮਿੰਤਰਾ ਦੀ ਸਾਬਕਾ ਸੀ.ਈ.ਓ. ਨੰਦਿਤਾ ਸਿਨਹਾ ਲੈਣਗੇ।
ਕੰਪਨੀ ਨੇ ਮੰਗਲਵਾਰ ਨੂੰ ਸਟਾਕ ਐਕਸਚੇਂਜ ਨੂੰ ਸੂਚਿਤ ਕੀਤਾ ਕਿ ਸਵਿਗੀ ਦੀ ਮਲਕੀਅਤ ਵਾਲੇ ਇੰਸਟੈਂਟ ਕਾਮਰਸ ਪਲੇਟਫਾਰਮ ਇੰਸਟਾਮਾਰਟ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ (ਸੀਈਓ) ਅਮਿਤੇਸ਼ ਕੁਮਾਰ ਝਾਅ ਨੇ ਅਸਤੀਫਾ ਦੇ ਦਿੱਤਾ ਹੈ। ਕੰਪਨੀ ਦੀ ਜਾਣਕਾਰੀ ਅਨੁਸਾਰ, ਨੰਦਿਤਾ ਸਿਨਹਾ 03 ਅਗਸਤ, 2026 ਤੋਂ ਮੁੱਖ ਕਾਰਜਕਾਰੀ ਅਧਿਕਾਰੀ (ਸੀਈਓ) ਦਾ ਅਹੁਦਾ ਸੰਭਾਲਣਗੇ। ਨੰਦਿਤਾ ਸਿਨਹਾ ਪਹਿਲਾਂ ਮਿੰਤਰਾ ਦੀ ਸੀਈਓ ਸਨ।
ਕੰਪਨੀ ਦੇ ਅਨੁਸਾਰ, ਝਾਅ ਨੇ ਸਵਿਗੀ ਦੇ ਪ੍ਰਬੰਧ ਨਿਰਦੇਸ਼ਕ ਅਤੇ ਮੁੱਖ ਕਾਰਜਕਾਰੀ ਅਧਿਕਾਰੀ (ਸਮੂਹ) ਸ਼੍ਰੀਹਰਸ਼ਾ ਮਜੇਟੀ ਨੂੰ ਭੇਜੇ ਆਪਣੇ ਅਸਤੀਫ਼ੇ ਪੱਤਰ ਵਿੱਚ ਕਿਹਾ, ਮੈਂ ਸੰਗਠਨ ਤੋਂ ਬਾਹਰ ਹੋਰ ਮੌਕਿਆਂ ਦੀ ਭਾਲ ਕਰਨ ਲਈ ਇੰਸਟਾਮਾਰਟ ਦੇ ਸੀਈਓ ਦੇ ਅਹੁਦੇ ਤੋਂ ਅਸਤੀਫਾ ਦੇ ਰਿਹਾ ਹਾਂ।
ਉੱਥੇ ਹੀ, ਆਪਣੀ ਨਵੀਂ ਭੂਮਿਕਾ ਬਾਰੇ ਬੋਲਦਿਆਂ, ਸਿਨਹਾ ਨੇ ਕਿਹਾ, ਇੰਸਟਾਮਾਰਟ ਭਾਰਤ ਵਿੱਚ ਲੋਕਾਂ ਦੀ ਰੋਜ਼ਾਨਾ ਖਰੀਦਦਾਰੀ ਦੇ ਕੇਂਦਰ ਵਿੱਚ ਹੈ। ਮੈਂ ਆਪਣੇ ਸਹਿਯੋਗੀਆਂ, ਭਾਈਵਾਲਾਂ ਅਤੇ ਖਪਤਕਾਰਾਂ ਨਾਲ ਮਿਲ ਕੇ ਇਸਦੇ ਵਿਕਾਸ ਦੇ ਅਗਲੇ ਪੜਾਅ ਨੂੰ ਅੱਗੇ ਵਧਾਉਣ ਲਈ ਉਤਸ਼ਾਹਿਤ ਹਾਂ।
ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ
