ਹੈਦਰਾਬਾਦ, 03 ਜੁਲਾਈ (ਹਿੰ.ਸ.)। ਆਂਧਰਾ ਪ੍ਰਦੇਸ਼ ਦੇ ਮਾਰਕਪੁਰ ਜ਼ਿਲ੍ਹੇ ਵਿੱਚ ਸ਼ੁੱਕਰਵਾਰ ਸਵੇਰੇ ਸੜਕ ਹਾਦਸੇ ਵਿੱਚ ਚਾਰ ਲੋਕਾਂ ਦੀ ਮੌਤ ਹੋ ਗਈ ਅਤੇ ਕਈ ਹੋਰ ਜ਼ਖਮੀ ਹੋ ਗਏ। ਦੱਸਿਆ ਜਾ ਰਿਹਾ ਹੈ ਕਿ ਸਾਰੇ ਮ੍ਰਿਤਕ ਇੱਕੋ ਪਰਿਵਾਰ ਦੇ ਸਨ, ਜੋ ਵਿਆਹ ਸਮਾਗਮ ਲਈ ਆਟੋ-ਰਿਕਸ਼ਾ ਰਾਹੀਂ ਮੰਦਰ ਜਾ ਰਹੇ ਸਨ।

ਮਾਰਕਪੁਰ ਸਬ-ਡਿਵੀਜ਼ਨਲ ਪੁਲਿਸ ਅਧਿਕਾਰੀ ਯੂ. ਨਾਗਾ ਰਾਜੂ ਨੇ ਦੱਸਿਆ ਕਿ ਹਾਦਸਾ ਰਾਤ 1 ਵਜੇ ਦੇ ਕਰੀਬ ਬੰਗਲੁਰੂ ਹਾਈਵੇਅ 'ਤੇ ਕੰਬਮ ਵਿਖੇ ਉਦੋਂ ਵਾਪਰਿਆ ਜਦੋਂ ਲਾੜੀ ਸੜਕ ਕਿਨਾਰੇ ਵਿਨਾਇਕ ਸਵਾਮੀ ਮੰਦਰ ਵਿੱਚ ਪੂਜਾ ਕਰਨ ਲਈ ਗਈ ਸੀ। ਬਾਕੀ ਲੋਕ ਬਾਹਰ ਵਾਹਨ ਵਿੱਚ ਉਡੀਕ ਕਰ ਰਹੇ ਸਨ। ਲਾੜੀ ਦੇ ਪਰਿਵਾਰ ਨੇ ਮੰਦਰ ਦੇ ਨੇੜੇ ਆਪਣਾ ਆਟੋ-ਰਿਕਸ਼ਾ ਰੋਕਿਆ ਹੋਇਆ ਸੀ ਜਦੋਂ ਇੱਕ ਟਰੱਕ ਨੇ ਉਨ੍ਹਾਂ ਨੂੰ ਪਿੱਛੇ ਤੋਂ ਟੱਕਰ ਮਾਰ ਦਿੱਤੀ। ਹਾਦਸੇ ਵਿੱਚ ਚਾਰ ਲੋਕਾਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ, ਜਿਨ੍ਹਾਂ ਵਿੱਚ ਅਵੁਲ ਅਲਕਾਨੰਦ (19), ਅਵੁਲ ਅੰਕਲੂ (20), ਅਵੁਲ ਨਾਗੇਸ਼ (17), ਅਤੇ ਅਵੁਲ ਨਾਗੇਸ਼ਵਰੀ (2)। ਉਹ ਸਾਰੇ ਗਿੱਦਾਲੂਰ ਦੇ ਨਾਲਾਬੰਡਾ ਬਾਜ਼ਾਰ ਦੇ ਰਹਿਣ ਵਾਲੇ ਸਨ।

ਖੁਸ਼ਕਿਸਮਤੀ ਨਾਲ, ਲਾੜੀ ਹਾਦਸੇ ਵਿੱਚ ਸੁਰੱਖਿਅਤ ਬਚ ਗਈ, ਕਿਉਂਕਿ ਉਹ ਉਸ ਸਮੇਂ ਮੰਦਰ ਦੇ ਅੰਦਰ ਸੀ। ਪੁਲਿਸ ਨੇ ਦੱਸਿਆ ਕਿ ਟਰੱਕ ਡਰਾਈਵਰ ਮੌਕੇ ਤੋਂ ਫਰਾਰ ਹੋ ਗਿਆ ਅਤੇ ਅਗਲੇਰੀ ਜਾਂਚ ਕੀਤੀ ਜਾ ਰਹੀ ਹੈ।

ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ