ਇੰਫਾਲ, 11 ਸਤੰਬਰ (ਹਿੰ.ਸ.)। ਮਣੀਪੁਰ ਵਿੱਚ ਸੁਰੱਖਿਆ ਬਲਾਂ ਨੇ ਵੱਖ-ਵੱਖ ਕਾਰਵਾਈਆਂ ਵਿੱਚ ਪਾਬੰਦੀਸ਼ੁਦਾ ਅੱਤਵਾਦੀ ਸੰਗਠਨਾਂ ਦੇ ਦੋ ਸਰਗਰਮ ਕੈਡਰਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਤੇਂਗਨੋਪਲ ਪੁਲਿਸ ਦੀ ਟੀਮ ਨੇ 10 ਸਤੰਬਰ ਨੂੰ ਖਾਰੋ ਖੁੱਲੇਨ ਖੇਤਰ ਵਿੱਚ ਤਲਾਸ਼ੀ ਮੁਹਿੰਮ ਚਲਾਈ ਅਤੇ ਥੌਬਲ ਜ਼ਿਲ੍ਹੇ ਦੇ ਹੀਰੋਕ ਪਾਰਟ-III ਦੇ ਨਿਵਾਸੀ ਨਿੰਗਥੌਜਮ ਸੁਰੇਸ਼ ਸਿੰਘ (26), ਉਰਫ਼ ਚਿੰਗਸਾਂਗ ਨੂੰ ਗ੍ਰਿਫ਼ਤਾਰ ਕੀਤਾ। ਉਹ ਯੂਨਾਈਟਿਡ ਨੈਸ਼ਨਲ ਲਿਬਰੇਸ਼ਨ ਫਰੰਟ (ਯੂ.ਐੱਨ.ਐੱਲ.ਐੱਫ.) ਦਾ ਸਰਗਰਮ ਕੈਡਰ ਹੈ।

ਇੱਕ ਹੋਰ ਕਾਰਵਾਈ ਵਿੱਚ, ਖੁਫੀਆ ਜਾਣਕਾਰੀ 'ਤੇ ਕਾਰਵਾਈ ਕਰਦੇ ਹੋਏ, ਸੀਡੀਓ/ਇੰਫਾਲ ਈਸਟ ਨੇ 28 ਅਸਾਮ ਰਾਈਫਲਜ਼, 13/2 ਐਫਆਈਟੀ, ਅਤੇ 11 ਡਬਲਯੂਈਯੂ ਦੇ ਸਹਿਯੋਗ ਨਾਲ, 10 ਸਤੰਬਰ ਨੂੰ ਇੰਫਾਲ ਈਸਟ ਦੇ ਖਾਬੇਸੋਈ ਤੋਂ ਮੋਇਰੰਗਥੇਮ ਸਨਾਥੋਈ ਮੇਤੇਈ (19), ਉਰਫ਼ ਮਾਰੂਖੋਈ ਨੂੰ ਗ੍ਰਿਫ਼ਤਾਰ ਕੀਤਾ।

ਨਾਂਗਾਡਾ ਮਾਖਾ ਲੀਕਾਈ ਦਾ ਰਹਿਣ ਵਾਲਾ ਸਨਾਥੋਈ, ਆਰਪੀਐਫ/ਪੀਐਲਏ ਦਾ ਸਰਗਰਮ ਮੈਂਬਰ ਦੱਸਿਆ ਜਾਂਦਾ ਹੈ। ਪੁਲਿਸ ਦੇ ਅਨੁਸਾਰ, ਉਹ ਅਗਸਤ 2026 ਵਿੱਚ ਸੰਗਠਨ ਵਿੱਚ ਸ਼ਾਮਲ ਹੋਇਆ ਸੀ ਅਤੇ ਕਥਿਤ ਤੌਰ 'ਤੇ ਨਵੇਂ ਕਾਡਰਾਂ ਦੀ ਭਰਤੀ ਵਿੱਚ ਸ਼ਾਮਲ ਸੀ। ਉਸਦੇ ਕਬਜ਼ੇ ਵਿੱਚੋਂ ਸਕੂਟਰ ਅਤੇ ਮੋਬਾਈਲ ਫ਼ੋਨ ਬਰਾਮਦ ਕੀਤਾ ਗਿਆ।

ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ