ਨਵੀਂ ਦਿੱਲੀ, 18 ਅਪ੍ਰੈਲ (ਹਿ. ਸ.)। ਬ੍ਰਾਜ਼ੀਲ ਦੇ ਦਿੱਗਜ਼ ਫੁਟਬਾਲਰ ਰੋਮਾਰੀਓ ਫਾਰੀਆ ਨੇ 58 ਸਾਲ ਦੀ ਉਮਰ ਵਿੱਚ ਬੁੱਧਵਾਰ ਨੂੰ ਪੇਸ਼ੇਵਰ ਫੁਟਬਾਲ ਵਿੱਚ ਆਪਣੀ ਹੈਰਾਨੀਜਨਕ ਵਾਪਸੀ ਕੀਤੀ ਹੈ। ਇਸ ਤੋਂ ਪਹਿਲਾਂ 2009 'ਚ ਉਨ੍ਹਾਂ ਨੇ ਸ਼ਾਨਦਾਰ ਕਰੀਅਰ ਤੋਂ ਬਾਅਦ ਫੁੱਟਬਾਲ ਤੋਂ ਸੰਨਿਆਸ ਲੈ ਲਿਆ ਸੀ।
58 ਸਾਲਾ ਫਾਰੀਆ ਦਾ ਕਰੀਅਰ ਕਾਫੀ ਸਫਲ ਰਿਹਾ ਹੈ। ਉਨ੍ਹਾਂ ਨੇ 1994 ਵਿੱਚ ਬ੍ਰਾਜ਼ੀਲ ਦੇ ਨਾਲ ਵੱਕਾਰੀ ਫੀਫਾ ਵਿਸ਼ਵ ਕੱਪ ਜਿੱਤਿਆ। ਉਹ ਡੱਚ ਦਿੱਗਜ਼ ਪੀਐਸਵੀ ਅਤੇ ਲਾ ਲੀਗਾ ਟੀਮ ਬਾਰਸੀਲੋਨਾ ਲਈ ਵੀ ਖੇਡੇ। 1994 ਦੇ ਵਿਸ਼ਵ ਕੱਪ ਵਿੱਚ, ਰੋਮਾਰੀਓ ਨੇ ਪੰਜ ਗੋਲ ਕੀਤੇ ਤਾਂ, ਜਿਨ੍ਹਾਂ ਨਾਲ ਸੇਲੇਕਾਓ ਨੂੰ ਵੱਕਾਰੀ ਟੂਰਨਾਮੈਂਟ ਜਿੱਤਣ ਵਿੱਚ ਮਦਦ ਮਿਲੀ। ਆਪਣੇ ਫੁੱਟਬਾਲ ਕਰੀਅਰ ਵਿੱਚ, ਬ੍ਰਾਜ਼ੀਲੀਆਈ ਫੁੱਟਬਾਲ ਦਿੱਗਜ ਨੇ 1000 ਤੋਂ ਵੱਧ ਗੋਲ ਕੀਤੇ।
ਗੋਲ. ਕਾਮ ਦੇ ਅਨੁਸਾਰ, ਰੋਮਾਰੀਓ ਨੇ ਆਪਣੇ ਆਪ ਨੂੰ ਅਮਰੀਕਾ ਫੁੱਟਬਾਲ ਕਲੱਬ ਦੇ ਖਿਡਾਰੀ ਦੇ ਰੂਪ ਵਿੱਚ ਰਜਿਸਟਰ ਕੀਤਾ ਹੈ। ਉਹ ਕਲੱਬ ਦੇ ਪ੍ਰਧਾਨ ਵਜੋਂ ਵੀ ਕੰਮ ਕਰੇਗਾ ਜਿੱਥੇ ਉਨ੍ਹਾਂ ਦਾ ਬੇਟਾ ਰੋਮਾਰਿੰਹੋ ਉਨ੍ਹਾਂ ਦੇ ਨਾਲ ਖੇਡੇਗਾ। ਫੁੱਟਬਾਲ 'ਚ ਵਾਪਸੀ ਤੋਂ ਬਾਅਦ ਬ੍ਰਾਜ਼ੀਲੀਆਈ ਖਿਡਾਰੀ ਕਲੱਬ ਤੋਂ ਘੱਟੋ-ਘੱਟ ਤਨਖਾਹ ਲੈਣਗੇ ਅਤੇ ਆਪਣੀ ਸਾਰੀ ਤਨਖਾਹ ਦਾਨ ਦੇਣਗੇ।
ਰੋਮਾਰੀਓ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ 'ਤੇ ਕਿਹਾ ਕਿ ਉਹ ਚੈਂਪੀਅਨਸ਼ਿਪ 'ਚ ਹਿੱਸਾ ਨਹੀਂ ਲੈਣਗੇ, ਬਲਕਿ ਆਪਣੇ ਬੇਟੇ ਨਾਲ ਕੁਝ ਮੈਚ ਖੇਡਣਗੇ।
ਰੋਮਾਰੀਓ ਨੇ ਕਿਹਾ, ‘‘ਮੈਂ ਚੈਂਪੀਅਨਸ਼ਿਪ 'ਚ ਹਿੱਸਾ ਲੈਣ ਨਹੀਂ ਜਾ ਰਿਹਾ, ਬਲਕਿ ਆਪਣੇ ਦਿਲ ਦੀ ਟੀਮ ਲਈ ਕੁਝ ਮੈਚ ਖੇਡਾਂਗਾ ਅਤੇ ਆਪਣੇ ਬੇਟੇ ਨਾਲ ਖੇਡ ਕੇ ਇਕ ਹੋਰ ਸੁਪਨਾ ਪੂਰਾ ਕਰਾਂਗਾ।’’ ਵਰਤਮਾਨ ਵਿੱਚ, ਅਮਰੀਕਾ ਫੁੱਟਬਾਲ ਕਲੱਬ ਬ੍ਰਾਜ਼ੀਲ ਦੇ ਕੈਮਪੀਓਨਾਟੋ ਕੈਰੀਓਕਾ ਦੇ ਦੂਜੇ ਡਿਵੀਜਨ ਵਿੱਚ ਖੇਡਦਾ ਹੈ। ਉਹ 18 ਮਈ ਤੋਂ ਸ਼ੁਰੂ ਹੋਣ ਵਾਲੇ ਨਵੇਂ ਸੀਜ਼ਨ ਦੀ ਸ਼ੁਰੂਆਤ ਦੀ ਵੀ ਤਿਆਰੀ ਕਰ ਰਹੇ ਹਨ।
ਹਿੰਦੂਸਥਾਨ ਸਮਾਚਾਰ/ਸੁਰਿੰਦਰ/ਸੰਜੀਵ
