ਨਵੀਂ ਦਿੱਲੀ, 23 ਅਪ੍ਰੈਲ (ਹਿ.ਸ.)। ਕਾਂਗਰਸ ਨੇਤਾ ਜੈਰਾਮ ਰਮੇਸ਼ ਨੇ ਛੱਤੀਸਗੜ੍ਹ ਨੂੰ ਲੈ ਕੇ ਪ੍ਰਧਾਨ ਮੰਤਰੀ ਨੂੰ ਸਵਾਲ ਪੁੱਛੇ ਹਨ। ਪ੍ਰਧਾਨ ਮੰਤਰੀ ਛੱਤੀਸਗੜ੍ਹ ਦੇ ਧਮਤਰੀ ਅਤੇ ਜਾਂਜਗੀਰ-ਚਾਂਪਾ ਵਿੱਚ ਰੈਲੀ ਕਰਨ ਜਾ ਰਹੇ ਹਨ।
ਰਮੇਸ਼ ਨੇ ਪੁੱਛਿਆ ਹੈ ਕਿ ਕੀ ਛੱਤੀਸਗੜ੍ਹ ਦੇ ਲੋਕਾਂ ਦੇ ਰਾਸ਼ਨ 'ਚ ਕਟੌਤੀ ਮੋਦੀ ਦੀ ਗਾਰੰਟੀ ਦਾ ਹਿੱਸਾ ਹੈ ? ਮੋਦੀ ਸਰਕਾਰ ਨੇ ਜਾਂਜਜੀਰ ਦੇ ਕੋਸਾ ਸਿਲਕ ਉਦਯੋਗ ਨੂੰ ਕਿਉਂ ਨਜ਼ਰਅੰਦਾਜ਼ ਕੀਤਾ ਹੈ ? ਉਨ੍ਹਾਂ ਨੇ ਇਹ ਵੀ ਸਵਾਲ ਕੀਤਾ ਹੈ ਕਿ ਜਲ, ਜੰਗਲ ਅਤੇ ਜ਼ਮੀਨ ਸਬੰਧੀ ਪ੍ਰਧਾਨ ਮੰਤਰੀ ਆਦਿਵਾਸੀਆਂ ਦੀ ਭਲਾਈ ਲਈ ਵਚਨਬੱਧਤਾ ਕਦੋਂ ਦਿਖਾਉਣਗੇ ?
ਜੈਰਾਮ ਰਮੇਸ਼ ਨੇ ਅੱਗੇ ਵੇਰਵਾ ਦਿੰਦੇ ਹੋਏ ਕਿਹਾ ਕਿ ਛੱਤੀਸਗੜ੍ਹ ਵਿੱਚ ਵਿਆਹੀਆਂ ਔਰਤਾਂ ਨੂੰ ਮਹਤਾਰੀ ਵੰਦਨ ਯੋਜਨਾ ਤਹਿਤ 1000 ਰੁਪਏ ਮਹਿਜ਼ ਉਨ੍ਹਾਂ ਦੀ ਪੈਨਸ਼ਨ ਤੋਂ ਬਾਅਦ ਸਿਰਫ਼ ਜੋ ਬਚੀ ਰਾਸ਼ੀ ਹੈ, ਉਸਦਾ ਭੁਗਤਾਨ ਕੀਤਾ ਜਾ ਰਿਹਾ ਹੈ। ਭਾਜਪਾ ਵੱਲੋਂ ਛੱਤੀਸਗੜ੍ਹ ’ਚ ਜਾਂਜਗੀਰ-ਚਾਂਪਾ ਦੇ ਸਿਲਕ ਉਦਯੋਗ ਨੂੰ ਨਜ਼ਰਅੰਦਾਜ਼ ਕਰਨ ਨਾਲ ਉਦਯੋਗ ਨੂੰ ਨੁਕਸਾਨ ਪਹੁੰਚ ਰਿਹਾ ਹੈ। ਜੰਗਲਾਤ ਸੰਭਾਲ ਸੋਧ ਕਾਨੂੰਨ ਕਾਰਨ ਆਦਿਵਾਸੀਆਂ ਨੂੰ ਅਧਿਕਾਰ ਦੇਣ ਦੇ ਸਾਰੇ ਯਤਨ ਪਿੱਛੇ ਰਹਿ ਗਏ। ਹੁਣ ਉਨ੍ਹਾਂ ਦਾ ਕੀ ਬਣੇਗਾ?
ਹਿੰਦੂਸਥਾਨ ਸਮਾਚਾਰ/ਸੁਰਿੰਦਰ/ਸੰਜੀਵ