ਰੋਮ, 23 ਅਪ੍ਰੈਲ (ਹਿ. ਸ.)। ਇੰਟਰ ਮਿਲਾਨ ਨੇ ਸੋਮਵਾਰ ਨੂੰ ਏਸੀ ਮਿਲਾਨ ਨੂੰ 2-1 ਨਾਲ ਹਰਾ ਕੇ ਆਪਣਾ 20ਵਾਂ ਸੀਰੀ ਏ ਖਿਤਾਬ ਜਿੱਤਿਆ। ਦੂਜੇ ਸਥਾਨ 'ਤੇ ਰਹਿਣ ਵਾਲੇ ਏਸੀ ਮਿਲਾਨ 'ਤੇ 14-ਪੁਆਇੰਟ ਦੀ ਆਰਾਮਦਾਇਕ ਬੜ੍ਹਤ ਦੇ ਨਾਲ ਅਤੇ ਸਿਰਫ ਛੇ ਰਾਊਂਡ ਬਾਕੀ ਹੋਣ ਨਾਲ, ਇੰਟਰ ਮਿਲਾਨ ਆਪਣੀ 2021 ਚੈਂਪੀਅਨਸ਼ਿਪ ਦੀ ਸਫਲਤਾ ਨੂੰ ਦੁਹਰਾਉਣ ਦੇ ਟੀਚੇ ਨਾਲ ਮੈਦਾਨ 'ਤੇ ਉਤਰਿਆ।
ਸੈਨ ਸਿਰੋ ਵਿਖੇ ਖੇਡੇ ਗਏ ਮੈਚ ਇਸ ਵਿੱਚ ਇੰਟਰ ਨੇ ਲੌਟਾਰੋ ਮਾਰਟੀਨੇਜ਼ ਅਤੇ ਮਾਰਕਸ ਥੁਰਮ ਦੇ ਨਾਲ ਇੱਕ ਮਜ਼ਬੂਤ ਲਾਈਨਅੱਪ ਨੂੰ ਮੈਦਾਨ ’ਚ ਉਤਾਰਿਆ, ਜਦੋਂਕਿ ਏਸੀ ਮਿਲਾਨ ਨੇ ਇਕਲੌਤੇ ਸਟ੍ਰਾਈਕਰ ਵਜੋਂ ਰਾਫੇਲ ਲੀਓ ਨੂੰ ਥਾਂ ਦਿੰਦੇ ਹੋਏ, ਓਲੀਵਰ ਗਿਰੌਦ ਨੂੰ ਬੈਂਚ 'ਤੇ ਰੱਖਣ ਦੀ ਚੋਣ ਕੀਤੀ।
ਮੈਚ ਦੇ 18ਵੇਂ ਮਿੰਟ ਵਿੱਚ, ਫੈਡਰਿਕੋ ਡੀਮਾਰਕੋ ਦੇ ਕਾਰਨਰ ਨੂੰ ਬੇਂਜਾਮਿਨ ਪਾਵਾਰਡ ਨੇ ਫ੍ਰਾਂਸਿਸਕੋ ਏਸਰਬੀ ਵੱਲ ਚਲਾਕੀ ਨਾਲ ਫਲਿੱਕ ਕੀਤਾ, ਜਿਨ੍ਹਾਂ ਨੇ ਇਸਨੂੰ ਇੰਟਰ ਮਿਲਾਨ ਦਾ ਖਾਤਾ ਖੋਲ੍ਹਣ ਲਈ ਗੋਲ ਪੋਸਟ ਵਿੱਚ ਹੈੱਡ ਕੀਤਾ। ਮਿਲਾਨ ਨੇ ਅੱਧੇ ਸਮੇਂ ਤੱਕ 1-0 ਦੀ ਬੜ੍ਹਤ ਬਣਾਈ ਰੱਖੀ।
ਹਾਫ ਟਾਈਮ ਤੋਂ ਬਾਅਦ ਸ਼ੁਰੂ ਹੋਏ ਮੈਚ ਦੇ ਚੌਥੇ ਮਿੰਟ ਵਿੱਚ ਹੀ ਮਾਰਕਸ ਥੁਰਮ ਨੇ ਗੋਲ ਕਰਕੇ ਇੰਟਰ ਮਿਲਾਨ ਦੀ ਬੜ੍ਹਤ 2-0 ਨਾਲ ਵਧਾ ਦਿੱਤੀ। ਇਸ ਤੋਂ ਬਾਅਦ ਏਸੀ ਮਿਲਾਨ ਨੇ ਫਿਰ ਹਮਲੇ ਨੂੰ ਮਜ਼ਬੂਤ ਕਰਨ ਲਈ ਗਿਰੌਦ ਅਤੇ ਨੂਹ ਓਕਾਫੋਰ ਨੂੰ ਮੈਦਾਨ ’ਚ ਉਤਾਰਿਆ ਅਤੇ ਉਨ੍ਹਾਂ ਦੀਆਂ ਕੋਸ਼ਿਸ਼ਾਂ ਨੂੰ 80ਵੇਂ ਮਿੰਟ ਵਿੱਚ ਸਫਲਤਾ ਮਿਲੀ, ਜਦੋਂ ਮੈਟਿਓ ਗਾਬੀਆ ਦੇ ਹੈਡਰ ਪੋਸਟ ਨਾਲ ਟਕਰਾ ਗਿਆ, ਪਰ ਫਿਕਾਯੋ ਟੋਮੋਰੀ ਨੇ ਇਸਨੂੰ ਨੈੱਟ ਵਿੱਚ ਪਾ ਦਿੱਤਾ ਅਤੇ ਸਕੋਰ 2-1 ਹੋ ਗਿਆ। ਅੰਤ ਵਿੱਚ ਇਹ ਸਕੋਰ ਫੈਸਲਾਕੁੰਨ ਸਾਬਤ ਹੋਏ ਅਤੇ ਇੰਟਰ ਮਿਲਾਨ ਨੇ ਖਿਤਾਬ ਜਿੱਤ ਲਿਆ।
ਚੌਥੇ ਸਥਾਨ ਲਈ ਸੀਰੀ ਏ ਦੇ ਇੱਕ ਹੋਰ ਮਹੱਤਵਪੂਰਨ ਮੈਚ ਵਿੱਚ ਬੋਲੋਗਨਾ ਨੇ ਘਰ ਤੋਂ ਦੂਰ ਰੋਮਾ ਉੱਤੇ 3-1 ਨਾਲ ਜਿੱਤ ਦਰਜ ਕੀਤੀ।
ਹਿੰਦੂਸਥਾਨ ਸਮਾਚਾਰ/ਸੁਰਿੰਦਰ/ਸੰਜੀਵ
