ਕੰਪਾਲਾ, 24 ਅਪ੍ਰੈਲ (ਹਿ.ਸ.)। ਯੁਗਾਂਡਾ ਅਤੇ ਮੈਡਾਗਾਸਕਰ ਨੇ ਅੰਤਰਰਾਸ਼ਟਰੀ ਟੇਬਲ ਟੈਨਿਸ ਫੈਡਰੇਸ਼ਨ (ਆਈਟੀਟੀਐਫ) ਈਸਟ ਅਫਰੀਕਾ ਰੀਜਨਲ ਸੀਨੀਅਰ ਚੈਂਪੀਅਨਸ਼ਿਪ 2024 ਵਿੱਚ ਕ੍ਰਮਵਾਰ ਮਹਿਲਾ ਅਤੇ ਪੁਰਸ਼ ਟੀਮ ਮੁਕਾਬਲਿਆਂ ਵਿੱਚ ਸੋਨ ਤਗਮਾ ਜਿੱਤਿਆ। ਸੈਮੀਫਾਈਨਲ 'ਚ ਮੈਡਾਗਾਸਕਰ ਨੂੰ 3-0 ਨਾਲ ਹਰਾਉਣ ਤੋਂ ਬਾਅਦ, ਯੂਗਾਂਡਾ ਨੇ ਮੰਗਲਵਾਰ ਨੂੰ ਇੱਥੇ ਲੁਗੋਗੋ ਇੰਡੋਰ ਸਟੇਡੀਅਮ 'ਚ ਖੇਡੇ ਗਏ ਮਹਿਲਾ ਫਾਈਨਲ 'ਚ ਕੀਨੀਆ ਨੂੰ 3-0 ਨਾਲ ਹਰਾਇਆ।
ਯੂਗਾਂਡਾ ਲਈ ਜੇਮਿਮਾ ਨਕਾਵਾਲਾ ਨੇ ਲੀਜ਼ਾ ਨਸਿਮਯੂ ਦੇ ਵਿਰੁੱਧ 3-0 (11-4, 11-6, 11-5) ਨਾਲ ਜਿੱਤ ਦਰਜ ਕਰਕੇ ਸ਼ੁਰੂਆਤ ਕੀਤੀ, ਜਦਕਿ ਜੂਡਿਥ ਨਾਂਗੋਜ਼ੀ ਨੇ ਜੁਮਾ ਡੋਰੇਨ ਨੂੰ 3-1 (11-4, 9-11, 11-3, 11-7) ਨਾਲ ਹਰਾਇਆ। ਸ਼ਨੀਤਾ ਨਾਮਾਲਾ ਨੇ ਲਿਡੀਆ ਸੇਟੀ ਦੇ ਖਿਲਾਫ 3-1 (11-7, 9-11, 11-6, 11-4) ਨਾਲ ਜਿੱਤ ਦਰਜ ਕਰਕੇ ਯੁਗਾਂਡਾ ਨੂੰ ਖਿਤਾਬ ਦਿਵਾਇਆ।
ਪੁਰਸ਼ਾਂ ਦੇ ਫਾਈਨਲ ਵਿੱਚ, ਮੈਡਾਗਾਸਕਰ ਨੇ ਮੇਜ਼ਬਾਨ ਯੂਗਾਂਡਾ ਨੂੰ 3-0 ਨਾਲ ਹਰਾ ਕੇ ਖ਼ਿਤਾਬ ਜਿੱਤਿਆ।
ਘਾਨਾ ਵਿੱਚ ਅਫਰੀਕੀ ਖੇਡਾਂ ਵਿੱਚ ਵੀ ਖੇਡਣ ਵਾਲੇ ਯੂਗਾਂਡਾ ਦੇ ਉਭਰਦੇ ਸਟਾਰ ਜੋਸੇਫ ਸਬਟਿੰਡਿਰਾ ਨੂੰ ਫੈਬੀਓ ਰਾਕੋਟੋਆਰੀਮਾਨਾ ਤੋਂ 3-0 (11-3, 11-7, 11-9) ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਮੈਡਾਗਾਸਕਰ ਦੇ ਇਨ ਫਾਰਮ ਐਂਟੋਨੀ ਰਜ਼ਾਫਿਨਾਰਿਵੋ ਨੇ ਜੋਨਾਥਨ ਸੇਂਗੋਂਗਾ ਨੂੰ 3-0 (11-5, 11-8, 11-9) ਨਾਲ ਹਰਾਇਆ।
ਪੁਰਸ਼ਾਂ ਦੇ ਅੰਤਮ ਮੁਕਾਬਲੇ ਵਿੱਚ ਯੁਗਾਂਡਾ ਦੇ ਸੈਮੂਅਲ ਅੰਕੁੰਡਾ ਨੇ ਚੰਗਾ ਪ੍ਰਦਰਸ਼ਨ ਕੀਤਾ ਪਰ ਸਟੀਫਨ ਰਾਵੋਨਿਸਨ ਤੋਂ 3-2 (11-8, 11-13, 12-10, 5-11, 11-9) ਨਾਲ ਹਾਰ ਗਏ। ਫਾਈਨਲ ’ਚ ਪਹੁੰਚਣ ਲਈ ਮੈਡਾਗਾਸਕਰ ਨੇ ਜਿਬੂਤੀ ਨੂੰ 3-0 ਨਾਲ ਹਰਾਇਆ, ਜਦੋਂ ਕਿ ਯੂਗਾਂਡਾ ਨੇ ਕੀਨੀਆ ਨੂੰ 3-0 ਨਾਲ ਹਰਾਇਆ।
ਹਿੰਦੂਸਥਾਨ ਸਮਾਚਾਰ/ਸੁਰਿੰਦਰ/ਸੰਜੀਵ