ਪੂਰਬੀ ਚੰਪਾਰਣ, 27 ਅਪ੍ਰੈਲ (ਹਿ.ਸ.)। ਜ਼ਿਲ੍ਹਾ ਪੁਲਿਸ ਨੇ ਵਾਰਦਾਤ ਦੀ ਯੋਜਨਾ ਬਣਾ ਰਹੇ ਇੱਕ ਅਪਰਾਧੀ ਨੂੰ ਹਥਿਆਰ ਅਤੇ ਗੋਲੀ ਸਮੇਤ ਕਾਬੂ ਕੀਤਾ ਹੈ।
ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਥਾਣਾ ਅਰੇਰਾਜ ਦੇ ਡੀਐਸਪੀ ਰੰਜਨ ਕੁਮਾਰ ਨੇ ਦੱਸਿਆ ਕਿ ਗੁਪਤ ਸੂਚਨਾ ਮਿਲੀ ਸੀ ਕਿ ਪਹਾੜਪੁਰ ਥਾਣਾ ਖੇਤਰ ਦੇ ਏਕਡੇਰਵਾ ਪਈਨ ਨੇੜੇ ਕੁਝ ਅਪਰਾਧੀ ਹਥਿਆਰਾਂ ਸਮੇਤ ਇਕੱਠੇ ਹੋ ਕੇ ਕੋਈ ਅਪਰਾਧਿਕ ਵਾਰਦਾਤ ਨੂੰ ਅੰਜਾਮ ਦੇਣ ਦੀ ਯੋਜਨਾ ਬਣਾ ਰਹੇ ਹਨ। ਸੂਚਨਾ ਦੇ ਨਾਲ ਹੀ ਐਸਪੀ ਕਾਂਤੇਸ਼ ਕੁਮਾਰ ਮਿਸ਼ਰਾ ਦੇ ਨਿਰਦੇਸ਼ਾਂ 'ਤੇ ਗਠਿਤ ਟੀਮ ਨੇ ਉਕਤ ਜਗ੍ਹਾ ਨੂੰ ਘੇਰ ਲਿਆ ਅਤੇ ਛਾਪੇਮਾਰੀ ਦੌਰਾਨ ਇੱਕ ਅਪਰਾਧੀ ਨੂੰ ਹਥਿਆਰ ਸਮੇਤ ਕਾਬੂ ਕੀਤਾ ਗਿਆ। ਜਦਕਿ ਕੁਝ ਹੋਰ ਅਪਰਾਧੀ ਭੱਜਣ ਵਿੱਚ ਕਾਮਯਾਬ ਹੋ ਗਏ। ਜਿਨ੍ਹਾਂ ਦੇ ਖਿਲਾਫ ਛਾਪੇਮਾਰੀ ਕੀਤੀ ਜਾ ਰਹੀ ਹੈ।
ਫੜਿਆ ਗਿਆ ਅਪਰਾਧੀ ਰੁਪੇਸ਼ ਕੁਮਾਰ ਪੁੱਤਰ ਭੂਮੀਲਾਲ ਵਾਸੀ ਹਰਸਿੱਧੀ ਥਾਣਾ ਖੇਤਰ ਦੇ ਪਿੰਡ ਮਠਲੋਹੀਯਾਰ ਹੈ। ਜਿਸਦੇ ਅਪਰਾਧਿਕ ਇਤਿਹਾਸ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਤਲਾਸ਼ੀ ਦੌਰਾਨ ਉਸ ਕੋਲੋਂ ਦੋ ਦੇਸੀ ਪਿਸਤੌਲ, ਏਅਰ ਗਨ ਪਿਸਤੌਲ-01, 01 ਕਾਰਤੂਸ 315, 03 ਜਿੰਦਾ ਗੋਲੀਆਂ 315 ਬੋਰ, ਮੋਬਾਈਲ-02, ਇਕ ਮੋਟਰਸਾਈਕਲ ਬਰਾਮਦ ਹੋਇਆ। ਛਾਪੇਮਾਰੀ ਟੀਮ ਵਿੱਚ ਅਰੇਰਾਜ ਦੇ ਡੀਐਸਪੀ ਰੰਜਨ ਕੁਮਾਰ, ਅਰੇਰਾਜ ਸਰਕਲ ਇੰਸਪੈਕਟਰ ਕੇਕੇ ਗੁਪਤਾ, ਪਹਾੜਪੁਰ ਥਾਣਾ ਇੰਚਾਰਜ ਅੰਬੇਸ਼ ਕੁਮਾਰ ਅਤੇ ਪਹਾੜਪੁਰ ਥਾਣੇ ਦੇ ਹਥਿਆਰਬੰਦ ਬਲ ਸ਼ਾਮਲ ਸਨ।
ਹਿੰਦੂਸਥਾਨ ਸਮਾਚਾਰ/ਸੁਰਿੰਦਰ/ਸੰਜੀਵ
