ਪਟਨਾ, 02 ਮਈ (ਹਿ.ਸ.)। ਬਿਹਾਰ ਵਿੱਚ ਆਮ ਚੋਣਾਂ ਦੇ ਤੀਜੇ ਪੜਾਅ ਲਈ 7 ਮਈ ਨੂੰ ਵੋਟਿੰਗ ਹੋਣੀ ਹੈ। ਅੱਜ ਭਾਰਤੀ ਜਨਤਾ ਪਾਰਟੀ ਦੇ ਰਾਸ਼ਟਰੀ ਪ੍ਰਧਾਨ ਜੇਪੀ ਨੱਡਾ ਬਿਹਾਰ ਆ ਰਹੇ ਹਨ। ਨੱਡਾ ਮੁਜ਼ੱਫਰਪੁਰ ਅਤੇ ਅਰਰੀਆ ਵਿੱਚ ਚੋਣ ਜਨਸਭਾਵਾਂ ਵਿੱਚ ਸ਼ਾਮਲ ਹੋਣਗੇ।
ਜੇਪੀ ਨੱਡਾ ਸਵੇਰੇ 11:20 'ਤੇ ਹੈਲੀਕਾਪਟਰ ਰਾਹੀਂ ਪੂਰਨੀਆ ਹਵਾਈ ਅੱਡੇ 'ਤੇ ਪਹੁੰਚਣਗੇ। ਉਹ ਪੂਰਨੀਆ ਤੋਂ ਸਵੇਰੇ 11:35 'ਤੇ ਰਵਾਨਾ ਹੋਣਗੇ ਅਤੇ 11:55 'ਤੇ ਅਰਰੀਆ ਪਹੁੰਚਣਗੇ। ਉਹ ਧਰਮਗੰਜ ਮੇਲਾ ਗਰਾਊਂਡ, ਸਿਕਟੀ, ਅਰਰੀਆ ਵਿਖੇ ਐਨਡੀਏ ਉਮੀਦਵਾਰ ਪ੍ਰਦੀਪ ਸਿੰਘ ਦੇ ਹੱਕ ਵਿੱਚ ਚੋਣ ਜਨਸਭਾ ਨੂੰ ਸੰਬੋਧਨ ਕਰਨਗੇ। ਫਿਰ ਦੁਪਹਿਰ 1:45 'ਤੇ, ਨੱਡਾ ਦਾ ਹੈਲੀਕਾਪਟਰ ਅਰਰੀਆ ਤੋਂ ਉਡਾਣ ਭਰੇਗਾ ਅਤੇ ਦੁਪਹਿਰ 1:50 'ਤੇ ਮੁਜ਼ੱਫਰਪੁਰ ਪਹੁੰਚੇਗਾ। ਜੇਪੀ ਨੱਡਾ ਮੁਜ਼ੱਫਰਪੁਰ ਦੇ ਕੇਰਮਾ ਸਟੇਡੀਅਮ ਵਿੱਚ ਚੋਣ ਜਨਸਭਾ ਨੂੰ ਸੰਬੋਧਨ ਕਰਨਗੇ ਅਤੇ ਉੱਥੇ ਦੇ ਲੋਕਾਂ ਤੋਂ ਭਾਜਪਾ ਉਮੀਦਵਾਰ ਦੇ ਹੱਕ ਵਿੱਚ ਵੋਟ ਮੰਗਣਗੇ।
ਭਾਜਪਾ ਦੇ ਸਟਾਰ ਪ੍ਰਚਾਰਕ ਅਤੇ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਵੀ ਅੱਜ ਬਿਹਾਰ ਵਿੱਚ ਹੋਣਗੇ। ਉਹ ਸਾਰਣ ਅਤੇ ਸੁਪੌਲ ਵਿੱਚ ਚੋਣ ਪ੍ਰਚਾਰ ਕਰਨਗੇ। ਸਾਰਣ ਵਿੱਚ ਰਾਜੀਵ ਪ੍ਰਤਾਪ ਰੂਡੀ ਦੀ ਨਾਮਜ਼ਦਗੀ ਵੀ ਹੋਣੀ ਹੈ ਅਤੇ ਰਾਜਨਾਥ ਸਿੰਘ ਵੀ ਇਸ ਵਿੱਚ ਹਿੱਸਾ ਲੈਣਗੇ। ਐਨਡੀਏ ਨੇ ਸੁਪੌਲ 'ਚ ਜੇਡੀਯੂ ਦਾ ਉਮੀਦਵਾਰ ਉਤਾਰਿਆ ਹੈ।
ਚੋਣ ਸੀਜ਼ਨ ਦੌਰਾਨ ਜੇਪੀ ਨੱਡਾ ਦਾ ਬਿਹਾਰ ਦਾ ਇਹ ਦੂਜਾ ਦੌਰਾ ਹੋਵੇਗਾ। ਇਸ ਤੋਂ ਪਹਿਲਾਂ ਨੱਡਾ ਨੇ 24 ਅਪ੍ਰੈਲ ਨੂੰ ਭਾਗਲਪੁਰ, ਖਗੜੀਆ ਅਤੇ ਝੰਝਾਂਰਪੁਰ 'ਚ ਚੋਣ ਜਨਸਭਾਵਾਂ ਕੀਤੀਆਂ ਸਨ। ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਵੀ ਇਸ ਤੋਂ ਪਹਿਲਾਂ ਜਮੁਈ ਵਿੱਚ ਚਿਰਾਗ ਪਾਸਵਾਨ ਦੇ ਜੀਜਾ ਅਰੁਣ ਭਾਰਤੀ ਦੇ ਸਮਰਥਨ ਵਿੱਚ ਜਨ ਸਭਾ ਕਰ ਚੁੱਕੇ ਹਨ।
ਹਿੰਦੂਸਥਾਨ ਸਮਾਚਾਰ/ਸੁਰਿੰਦਰ/ਸੰਜੀਵ
