ਨਵੀਂ ਦਿੱਲੀ, 02 ਮਈ (ਹਿ.ਸ.)। ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੇ ਸੀਨੀਅਰ ਨੇਤਾ, ਪਾਰਟੀ ਦੇ ਸਭ ਤੋਂ ਪ੍ਰਸਿੱਧ ਪ੍ਰਚਾਰਕ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਆਪਣੇ ਗ੍ਰਹਿ ਰਾਜ ਗੁਜਰਾਤ ਦੇ ਦੋ ਦਿਨਾਂ ਚੋਣ ਦੌਰੇ ਦੇ ਆਖਰੀ ਦਿਨ ਅੱਜ ਚਾਰ ਜਨਤਕ ਸਭਾਵਾਂ ਨੂੰ ਸੰਬੋਧਨ ਕਰਨਗੇ। ਭਾਜਪਾ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਅੱਜ ਦਾ ਚੋਣ ਪ੍ਰੋਗਰਾਮ ਆਪਣੇ ਐਕਸ ਹੈਂਡਲ 'ਤੇ ਸਾਂਝਾ ਕੀਤਾ ਹੈ।
ਭਾਜਪਾ ਦੇ ਐਕਸ ਹੈਂਡਲ ਮੁਤਾਬਕ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ ਸਵੇਰੇ 11 ਵਜੇ ਆਣੰਦ 'ਚ, ਦੁਪਹਿਰ 1 ਵਜੇ ਸੁਰੇਂਦਰ ਨਗਰ 'ਚ, ਦੁਪਹਿਰ 3.15 ਵਜੇ ਜੂਨਾਗੜ੍ਹ 'ਚ ਅਤੇ ਸ਼ਾਮ 5:15 ਵਜੇ ਜਾਮਨਗਰ 'ਚ ਭਾਜਪਾ ਦੀਆਂ ਵਿਸ਼ਾਲ ਜਨਸਭਾਵਾਂ ਨੂੰ ਸੰਬੋਧਨ ਕਰਨਗੇ। ਇਸ ਵਾਰ ਪ੍ਰਧਾਨ ਮੰਤਰੀ 400 ਪਾਰ ਦੇ ਆਪਣੇ ਸੰਕਲਪ ਨੂੰ ਪੂਰਾ ਕਰਨ ਲਈ ਦੇਸ਼ ਭਰ ਵਿੱਚ ਜ਼ੋਰਦਾਰ ਪ੍ਰਚਾਰ ਕਰਕੇ ਵੋਟਰਾਂ ਦਾ ਆਸ਼ੀਰਵਾਦ ਮੰਗ ਰਹੇ ਹਨ। ਉਨ੍ਹਾਂ ਦੀਆਂ ਜਨਸਭਾਵਾਂ ਮੀਟਿੰਗਾਂ ਵਿੱਚ ਭਾਰੀ ਇਕੱਠ ਹੁੰਦਾ ਹੈ।
ਭਾਜਪਾ ਮੁਤਾਬਕ ਅੱਜ ਪ੍ਰਧਾਨ ਮੰਤਰੀ ਮੋਦੀ ਦੀ ਪਹਿਲੀ ਜਨਸਭਾ ਮੱਧ ਗੁਜਰਾਤ ਦੇ ਆਣੰਦ 'ਚ ਹੋਣੀ ਹੈ ਅਤੇ ਬਾਕੀ ਤਿੰਨ ਜਨਸਭਾਵਾਂ ਸੌਰਾਸ਼ਟਰ 'ਚ ਹੋਣੀਆਂ ਹਨ। ਆਣੰਦ ਨੇੜੇ ਵੱਲਭਵਿਦਿਆਨਗਰ ਦੇ ਸ਼ਾਸਤਰੀ ਮੈਦਾਨ ਵਿੱਚ ਹੋਣ ਵਾਲੀ ਜਨਸਭਾ ਦੀਆਂ ਸਾਰੀਆਂ ਤਿਆਰੀਆਂ ਮੁਕੰਮਲ ਕਰ ਲਈਆਂ ਗਈਆਂ ਹਨ। ਆਣੰਦ ਦੇ ਨਾਲ-ਨਾਲ ਖੇੜਾ ਸੀਟ ਦੇ ਉਮੀਦਵਾਰ ਅਤੇ ਖੰਭਾਤ ਵਿਧਾਨ ਸਭਾ ਜ਼ਿਮਨੀ ਚੋਣ ਦੇ ਉਮੀਦਵਾਰ ਵੀ ਇਸ ਜਨਸਭਾ 'ਚ ਸ਼ਾਮਲ ਹੋਣਗੇ। ਦੂਜੀ ਜਨਸਭਾ ਸੁਰੇਂਦਰਨਗਰ ਦੇ ਤ੍ਰਿਮੰਦਿਰ ਮੈਦਾਨ 'ਚ ਹੋਣੀ ਹੈ। ਇਸ ਜਨਸਭਾ ਵਿੱਚ ਸੁਰੇਂਦਰਨਗਰ, ਰਾਜਕੋਟ ਅਤੇ ਭਾਵਨਗਰ ਸੀਟਾਂ ਦੇ ਉਮੀਦਵਾਰ ਮੌਜੂਦ ਰਹਿਣਗੇ।
ਤੀਜੀ ਜਨਸਭਾ ਜੂਨਾਗੜ੍ਹ ਐਗਰੀਕਲਚਰਲ ਯੂਨੀਵਰਸਿਟੀ ਵਿਖੇ ਹੋਵੇਗੀ। ਇਸ ਵਿੱਚ ਜੂਨਾਗੜ੍ਹ, ਪੋਰਬੰਦਰ, ਅਮਰੇਲੀ ਲੋਕ ਸਭਾ ਅਤੇ ਮਾਣਾਵਦਰ ਵਿਧਾਨ ਸਭਾ ਸੀਟਾਂ ਦੇ ਉਮੀਦਵਾਰ ਮੌਜੂਦ ਹੋਣਗੇ। ਚੌਥੀ ਜਨਸਭਾ ਜਾਮਨਗਰ ਦੇ ਪ੍ਰਦਰਸ਼ਨ ਮੈਦਾਨ 'ਚ ਹੋਵੇਗੀ। ਇਸ ਜਨਸਭਾ ਵਿੱਚ ਜਾਮਨਗਰ ਸਮੇਤ ਪੋਰਬੰਦਰ ਵਿਧਾਨ ਸਭਾ ਉਪ ਚੋਣ ਦੇ ਉਮੀਦਵਾਰ ਮੌਜੂਦ ਰਹਿਣਗੇ। ਪ੍ਰਧਾਨ ਮੰਤਰੀ ਨੇ ਦੌਰੇ ਦੇ ਪਹਿਲੇ ਦਿਨ ਬਨਾਸਕਾਂਠਾ ਅਤੇ ਸਾਬਰਕਾਂਠਾ ਵਿੱਚ ਵਿਸ਼ਾਲ ਜਨਸਭਾਵਾਂ ਨੂੰ ਸੰਬੋਧਨ ਕੀਤਾ ਸੀ।
ਹਿੰਦੂਸਥਾਨ ਸਮਾਚਾਰ/ਸੁਰਿੰਦਰ/ਸੰਜੀਵ
