ਮੈਡ੍ਰਿਡ, 09 ਮਈ (ਹਿ.ਸ.)। ਸਪੈਨਿਸ਼ ਬੈਡਮਿੰਟਨ ਖਿਡਾਰਨ ਕੈਰੋਲੀਨਾ ਮਾਰਿਨ ਨੂੰ ਬੁੱਧਵਾਰ ਨੂੰ ਖੇਡ ਲਈ 2024 ਪ੍ਰਿੰਸੇਜ਼ ਆਫ ਅਸਟੂਰੀਆਸ ਅਵਾਰਡ ਦੀ ਜੇਤੂ ਐਲਾਨ ਕੀਤਾ ਗਿਆ। 30 ਸਾਲਾ ਮਾਰਿਨ ਨੂੰ ਅਕਤੂਬਰ ਵਿੱਚ ਉੱਤਰੀ ਸਪੇਨ ਦੇ ਸ਼ਹਿਰ ਓਵੀਏਡੋ ਵਿੱਚ ਇੱਕ ਸਮਾਰੋਹ ਵਿੱਚ ਇਹ ਵੱਕਾਰੀ ਪੁਰਸਕਾਰ ਦਿੱਤਾ ਜਾਵੇਗਾ।
ਪ੍ਰਿੰਸੇਜ਼ ਆਫ ਅਸਟੂਰੀਆਸ ਅਵਾਰਡ ਅੱਠ ਸ਼੍ਰੇਣੀਆਂ ਵਿੱਚ ਦਿੱਤੇ ਜਾਂਦੇ ਹਨ - ਖੇਡ, ਕਲਾ, ਸੰਚਾਰ ਅਤੇ ਮਨੁੱਖਤਾ, ਸਮਾਜਿਕ ਵਿਗਿਆਨ, ਸਾਹਿਤ, ਅੰਤਰਰਾਸ਼ਟਰੀ ਸਹਿਯੋਗ, ਤਕਨੀਕੀ ਅਤੇ ਵਿਗਿਆਨਕ ਖੋਜ ਅਤੇ ਤਾਲਮੇਲ।
ਦੱਖਣ-ਪੱਛਮੀ ਸਪੇਨ ਦੇ ਹੁਏਲਵਾ ਸ਼ਹਿਰ ਵਿੱਚ ਜਨਮੀ ਮਾਰਿਨ ਨੇ 2016 ਵਿੱਚ ਰੀਓ ਓਲੰਪਿਕ ਵਿੱਚ ਸੋਨ ਤਮਗਾ ਜਿੱਤਿਆ ਅਤੇ 2014, 2015 ਅਤੇ 2018 ਵਿੱਚ ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਵੀ ਜਿੱਤ ਦਰਜ ਕੀਤੀ, ਜਿਸ ਨਾਲ ਉਹ ਤਿੰਨ ਵਾਰ ਖਿਤਾਬ ਜਿੱਤਣ ਵਾਲੀ ਇੱਕਲੌਤੀ ਗੈਰ-ਏਸ਼ਿਆਈ ਖਿਡਾਰਨ ਬਣੀ।
ਉਹ ਯੂਰਪੀਅਨ ਚੈਂਪੀਅਨਸ਼ਿਪ ਵਿੱਚ ਸੱਤ ਸੋਨ ਤਗਮੇ ਜਿੱਤਣ ਵਾਲੀ ਇਕਲੌਤੀ ਖਿਡਾਰਨ ਵੀ ਹਨ, 2021, 2022 ਅਤੇ 2024 ਵਿੱਚ ਉਨ੍ਹਾਂ ਦੇ ਖ਼ਿਤਾਬ ਉਦੋਂ ਆਏ ਜਦੋਂ ਉਹ ਕਰੂਸ਼ੀਏਟ ਲਿਗਾਮੈਂਟ ਦੀ ਸੱਟ ਤੋਂ ਉਭਰੀ ਜਿਸਨੇ ਉਨ੍ਹਾਂ ਨੂੰ ਅੱਠ ਮਹੀਨਿਆਂ ਤੋਂ ਵੱਧ ਸਮੇਂ ਤੱਕ ਖੇਡ ਤੋਂ ਬਾਹਰ ਰੱਖਿਆ। ਮਾਰਿਨ 66 ਹਫਤਿਆਂ ਤੱਕ ਵਿਸ਼ਵ ਦੀ ਨੰਬਰ ਇਕ ਰੈਂਕਿੰਗ 'ਤੇ ਰਹੀ।
ਹਿੰਦੂਸਥਾਨ ਸਮਾਚਾਰ/ਸੁਰਿੰਦਰ/ਸੰਜੀਵ