ਬਿਜਨੌਰ, 12 ਸਤੰਬਰ (ਹਿੰ.ਸ.)। ਚਾਂਦਪੁਰ ਪੁਲਿਸ ਨੇ ਕਰਾਲ ਫਾਟਕ ਨੇੜੇ ਹੋਟਲ ਨੂੰ 25 ਕਿਲੋ ਬੀਫ ਮਿਲਣ ਤੋਂ ਬਾਅਦ ਸੀਜ ਕਰ ਦਿੱਤਾ ਹੈ। ਦੋ ਵਿਅਕਤੀਆਂ ਨੂੰ ਗ੍ਰਿਫਤਾਰ ਵੀ ਕੀਤਾ ਗਿਆ ਹੈ।
ਪੁਲਿਸ ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਦੇ ਮੁਤਾਬਿਕ ਕਿਸੇ ਮੁਖਬਰ ਤੋਂ ਸੂਚਨਾ ਮਿਲਣ 'ਤੇ ਸਾਲਾਰ ਹੋਟਲ 'ਤੇ ਛਾਪੇਮਾਰੀ ਦੌਰਾਨ 25 ਕਿਲੋ ਗਉ ਮਾਸ ਬਰਾਮਦ ਕੀਤਾ ਗਿਆ। ਮੌਕੇ ਤੋਂ ਸ਼ਫੀਕ (ਹੋਟਲ ਸੰਚਾਲਕ) ਪੁੱਤਰ ਕਫੀਲੂਦੀਨ ਅਤੇ ਤਾਜਿਮ ਪੁੱਤਰ ਜਲਾਲੂਦੀਨ ਵਾਸੀ ਪਿੰਡ ਮਸੀਤ ਥਾਣਾ ਹੇਮਪੁਰ ਦੀਪਾ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਐਸਪੀ ਦਿਹਾਤੀ ਰਾਮ ਅਰਜ ਨੇ ਦੱਸਿਆ ਕਿ ਬਰਾਮਦ ਮੀਟ ਦੀ ਜਾਂਚ ਕਰਨ ਤੋਂ ਬਾਅਦ ਗਾਂ ਦਾ ਹੋਣ ਦੀ ਪੁਸ਼ਟੀ ਹੋਈ ਹੈ। ਇਸ ਤੋਂ ਬਾਅਦ ਹੋਟਲ ਨੂੰ ਵੀ ਸੀਜ ਕਰ ਲਿਆ ਗਿਆ ਹੈ।
ਜ਼ਿਕਰਯੋਗ ਹੈ ਕਿ ਚਾਂਦਪੁਰ 'ਚ ਬੀਫ ਹੋਟਲਾਂ ’ਤੇ ਬਣਾਉਣ ਦਾ ਮਾਮਲਾ ਪਹਿਲਾਂ ਵੀ ਚਰਚਾ 'ਚ ਰਿਹਾ ਹੈ। ਇੰਨਾ ਹੀ ਨਹੀਂ ਜ਼ਿਲ੍ਹੇ ਦੇ ਪੇਂਡੂ ਖੇਤਰਾਂ ਅਤੇ ਛੋਟੇ ਕਸਬਿਆਂ ਵਿੱਚ ਵੀ ਬੀਫ ਦੀ ਵਿਕਰੀ ਹੋਣ ਦੀ ਗੱਲ ਕਹੀ ਜਾ ਰਹੀ ਹੈ।
---------------
ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ
