ਨਵੀਂ ਦਿੱਲੀ, 07 ਜਨਵਰੀ (ਹਿੰ.ਸ. )। ਘਰੇਲੂ ਸ਼ੇਅਰ ਬਾਜ਼ਾਰ 'ਚ ਅੱਜ ਸ਼ੁਰੂਆਤੀ ਕਾਰੋਬਾਰ ਤੋਂ ਉਤਰਾਅ-ਚੜ੍ਹਾਅ ਬਣਿਆ ਨਜ਼ਰ ਆਇਆ। ਅੱਜ ਦੇ ਕਾਰੋਬਾਰ ਦੀ ਸ਼ੁਰੂਆਤ ਮਜ਼ਬੂਤੀ ਨਾਲ ਹੋਈ। ਬਾਜ਼ਾਰ ਖੁੱਲ੍ਹਣ ਤੋਂ ਬਾਅਦ ਖਰੀਦਦਾਰੀ ਦੇ ਸਮਰਥਨ ਦੇ ਕਾਰਨ ਸੈਂਸੈਕਸ ਅਤੇ ਨਿਫਟੀ ਦੋਵੇਂ ਸੂਚਕਾਂਕ ’ਚ ਤੇਜ਼ੀ ਦਾ ਰੁਖ ਬਣ ਗਿਆ। ਹਾਲਾਂਕਿ, ਕਾਰੋਬਾਰ ਦੇ ਪਹਿਲੇ ਅੱਧੇ ਘੰਟੇ ਦੇ ਬਾਅਦ, ਵਿਕਰੀ ਦੇ ਦਬਾਅ ਕਾਰਨ ਸ਼ੇਅਰ ਬਾਜ਼ਾਰ ਦੀ ਚਾਲ ਵਿੱਚ ਗਿਰਾਵਟ ਆ ਗਈ। ਕਾਰੋਬਾਰ ਦੋਰਾਨ ਸਵੇਰੇ 10:50 ਵਜੇ ਤੱਕ ਕਾਰੋਬਾਰ ਕਰਨ ਤੋਂ ਬਾਅਦ ਸੈਂਸੈਕਸ 345.43 ਅੰਕ ਭਾਵ 0.44 ਫੀਸਦੀ ਦੀ ਮਜ਼ਬੂਤੀ ਨਾਲ 78,310.42 ਅੰਕ ਦੇ ਪੱਧਰ ’ਤੇ ਅਤੇ ਨਿਫਟੀ 149.65 ਅੰਕ ਭਾਵ 0.63 ਫੀਸਦੀ ਦੀ ਮਜ਼ਬੂਤੀ ਨਾਲ 23,765.70 ਅੰਕ ਦੇ ਪੱਧਰ ’ਤੇ ਕਾਰੋਬਾਰ ਕਰ ਰਿਹਾ ਸੀ।

ਸਵੇਰੇ 10 ਵਜੇ ਤੱਕ ਕਾਰੋਬਾਰ ਕਰਨ ਤੋਂ ਬਾਅਦ ਸ਼ੇਅਰ ਬਾਜ਼ਾਰ ਦੇ ਦਿੱਗਜ਼ ਸ਼ੇਅਰਾਂ 'ਚੋਂ ਓ.ਐੱਨ.ਜੀ.ਸੀ., ਟਾਈਟਨ ਕੰਪਨੀ, ਟਾਟਾ ਕੰਜ਼ਿਊਮਰ ਪ੍ਰੋਡਕਟਸ, ਅਡਾਨੀ ਇੰਟਰਪ੍ਰਾਈਜਿਜ਼ ਅਤੇ ਹਿੰਡਾਲਕੋ ਇੰਡਸਟਰੀਜ਼ ਦੇ ਸ਼ੇਅਰ 4.16 ਫੀਸਦੀ ਤੋਂ 1.65 ਫੀਸਦੀ ਦੀ ਮਜ਼ਬੂਤੀ ਨਾਲ ਕਾਰੋਬਾਰ ਕਰ ਰਹੇ ਸਨ। ਦੂਜੇ ਪਾਸੇ ਅਪੋਲੋ ਹਸਪਤਾਲ, ਟੀਸੀਐਸ, ਬਜਾਜ ਆਟੋ, ਐਚਡੀਐਫਸੀ ਬੈਂਕ ਅਤੇ ਬਜਾਜ ਫਿਨਸਰਵ ਦੇ ਸ਼ੇਅਰ 0.67 ਫੀਸਦੀ ਤੋਂ 0.04 ਫੀਸਦੀ ਦੀ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਨਜ਼ਰ ਆਏ। ਇਸੇ ਤਰ੍ਹਾਂ ਫਿਲਹਾਲ ਸੈਂਸੈਕਸ 'ਚ ਸ਼ਾਮਲ 30 ਸ਼ੇਅਰਾਂ 'ਚੋਂ 25 ਸ਼ੇਅਰ ਖਰੀਦਦਾਰੀ ਦੇ ਸਮਰਥਨ ਨਾਲ ਹਰੇ ਨਿਸ਼ਾਨ 'ਤੇ ਰਹੇ। ਦੂਜੇ ਪਾਸੇ ਬਿਕਵਾਲੀ ਦੇ ਦਬਾਅ ਕਾਰਨ 05 ਸ਼ੇਅਰ ਲਾਲ ਨਿਸ਼ਾਨ 'ਤੇ ਕਾਰੋਬਾਰ ਕਰ ਰਹੇ ਹਨ। ਨਿਫਟੀ 'ਚ ਸ਼ਾਮਲ 50 ਸ਼ੇਅਰਾਂ 'ਚੋਂ 41 ਸ਼ੇਅਰ ਹਰੇ ਨਿਸ਼ਾਨ 'ਤੇ ਅਤੇ 09 ਸ਼ੇਅਰ ਲਾਲ ਨਿਸ਼ਾਨ 'ਤੇ ਕਾਰੋਬਾਰ ਕਰਦੇ ਦੇਖੇ ਗਏ।

ਬੀਐੱਸਈ ਦਾ ਸੈਂਸੈਕਸ ਅੱਜ 54.81 ਅੰਕਾਂ ਦੀ ਮਜ਼ਬੂਤੀ ਨਾਲ 78,019.80 ਅੰਕਾਂ ਦੇ ਪੱਧਰ 'ਤੇ ਖੁੱਲ੍ਹਿਆ। ਕਾਰੋਬਾਰ ਸ਼ੁਰੂ ਹੁੰਦੇ ਹੀ ਖਰੀਦਦਾਰੀ ਦੇ ਸਮਰਥਨ ਨਾਲ ਸੂਚਕਾਂਕ ਨੇ ਤੇਜ਼ੀ ਫੜੀ। ਕਾਰੋਬਾਰ ਦੇ ਪਹਿਲੇ ਅੱਧੇ ਘੰਟੇ ਵਿੱਚ ਹੀ ਸੈਂਸੈਕਸ ਲਗਭਗ 500 ਅੰਕਾਂ ਦੀ ਛਾਲ ਮਾਰ ਕੇ 78,452.74 ਅੰਕ 'ਤੇ ਪਹੁੰਚ ਗਿਆ, ਪਰ ਇਸ ਤੋਂ ਬਾਅਦ ਬਾਜ਼ਾਰ 'ਚ ਤਿੱਖੀ ਬਿਕਵਾਲੀ ਸ਼ੁਰੂ ਹੋ ਗਈ, ਜਿਸ ਕਾਰਨ ਇਸ ਸੂਚਕਾਂਕ ਦੀ ਚਾਲ 'ਚ ਗਿਰਾਵਟ ਹੁੰਦੀ ਨਜ਼ਰ ਆਈ।

ਸੈਂਸੈਕਸ ਦੀ ਤਰ੍ਹਾਂ, ਐਨਐਸਈ ਦੇ ਨਿਫਟੀ ਨੇ ਵੀ ਅੱਜ 63.85 ਅੰਕਾਂ ਦੀ ਛਾਲ ਮਾਰ ਕੇ 23,679.90 ਅੰਕਾਂ 'ਤੇ ਕਾਰੋਬਾਰ ਕਰਨਾ ਸ਼ੁਰੂ ਕੀਤਾ। ਬਾਜ਼ਾਰ ਖੁੱਲ੍ਹਣ ਤੋਂ ਬਾਅਦ ਖਰੀਦਦਾਰੀ ਦੇ ਸਮਰਥਨ ਕਾਰਨ ਇਹ ਸੂਚਕਾਂਕ ਥੋੜ੍ਹੇ ਸਮੇਂ 'ਚ ਹੀ ਕਰੀਬ 180 ਅੰਕ ਵਧਕੇ 23,795.20 ਅੰਕ 'ਤੇ ਪਹੁੰਚ ਗਿਆ, ਪਰ ਕਾਰੋਬਾਰ ਦੇ ਪਹਿਲੇ ਅੱਧੇ ਘੰਟੇ ਦੇ ਬਾਅਦ, ਬਜ਼ਾਰ ਵਿੱਚ ਚਾਰੇ ਪਾਸੇ ਬਿਕਵਾਲੀ ਦਾ ਦਬਾਅ ਬਣ ਰਿਹਾ। ਵਿਕਰੀ ਕਾਰਨ ਇਸ ਸੂਚਕਾਂਕ ਦੀ ਚਾਲ ਵਿੱਚ ਵੀ ਗਿਰਾਵਟ ਆ ਗਈ।

ਇਸ ਤੋਂ ਪਹਿਲਾਂ ਆਖਰੀ ਕਾਰੋਬਾਰੀ ਦਿਨ ਸੋਮਵਾਰ ਨੂੰ ਸੈਂਸੈਕਸ 1,258.12 ਅੰਕ ਜਾਂ 1.59 ਫੀਸਦੀ ਦੀ ਕਮਜ਼ੋਰੀ ਨਾਲ 77,964.99 ਅੰਕਾਂ ਦੇ ਪੱਧਰ 'ਤੇ ਬੰਦ ਹੋਇਆ ਸੀ। ਉੱਥੇ ਹੀ ਨਿਫਟੀ 388.70 ਅੰਕ ਜਾਂ 1.62 ਫੀਸਦੀ ਦੀ ਗਿਰਾਵਟ ਨਾਲ 23,616.05 ਅੰਕਾਂ ਦੇ ਪੱਧਰ 'ਤੇ ਬੰਦ ਹੋਇਆ ਸੀ।

---------------

ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ