ਮੁਰਾਦਾਬਾਦ, 11 ਮਾਰਚ (ਹਿੰ.ਸ.)। ਮੁਰਾਦਾਬਾਦ ਪੁਲਿਸ ਨੇ ਸਿਵਲ ਲਾਈਨਜ਼ ਥਾਣਾ ਖੇਤਰ ਅਧੀਨ ਆਸ਼ਿਆਨਾ ਕਲੋਨੀ ਵਿੱਚ ਸੋਮਵਾਰ ਨੂੰ ਸੇਵਾਮੁਕਤ ਫੌਜ਼ੀ ਦੇ ਪੁੱਤਰ ਮਯੰਕ ਗੁਰਜਰ ਨੂੰ ਗੋਲੀ ਮਾਰਨ ਦੇ ਦੋਸ਼ ’ਚ ਸੋਮਵਾਰ ਦੇਰ ਰਾਤ ਭਾਜਪਾ ਕੌਂਸਲਰ ਅਜੈ ਤੋਮਰ ਨੂੰ ਗ੍ਰਿਫ਼ਤਾਰ ਕਰ ਲਿਆ।
ਜ਼ਖਮੀ ਨੌਜਵਾਨ ਦੀ ਸ਼ਿਕਾਇਤ 'ਤੇ ਦਰਜ ਮਾਮਲੇ ਵਿੱਚ ਦੋਸ਼ ਹੈ ਕਿ ਭਾਜਪਾ ਕੌਂਸਲਰ ਅਜੇ ਤੋਮਰ ਅਤੇ ਉਸਦੇ ਸਾਥੀ ਹਰਸ਼ ਉਰਫ਼ ਜਾਨੀ ਨੇ ਦੁਸ਼ਮਣੀ ਕਾਰਨ ਉਸ 'ਤੇ ਹਮਲਾ ਕੀਤਾ ਹੈ। ਜਦੋਂ ਘਟਨਾ ਦੌਰਾਨ ਲੋਕ ਇਕੱਠੇ ਹੋਏ ਤਾਂ ਦੋਵੇਂ ਮੁਲਜ਼ਮ ਜਾਨੋਂ ਮਾਰਨ ਦੀ ਧਮਕੀ ਦਿੰਦੇ ਹੋਏ ਉੱਥੋਂ ਭੱਜ ਗਏ। ਗੋਲੀ ਲੱਗਣ ਤੋਂ ਬਾਅਦ ਜ਼ਖਮੀ ਮਯੰਕ ਨੂੰ ਜ਼ਿਲ੍ਹਾ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ, ਜਿੱਥੇ ਉਸਦਾ ਇਲਾਜ ਚੱਲ ਰਿਹਾ ਹੈ।
ਸਿਵਲ ਲਾਈਨ ਸਰਕਲ ਦੇ ਇੰਚਾਰਜ ਅਧਿਕਾਰੀ ਕੁਲਦੀਪ ਕੁਮਾਰ ਗੁਪਤਾ ਨੇ ਦੱਸਿਆ ਕਿ ਜ਼ਖਮੀ ਮਯੰਕ ਗੁਰਜਰ ਦੀ ਸ਼ਿਕਾਇਤ ਦੇ ਆਧਾਰ 'ਤੇ ਮੁਲਜ਼ਮ ਅਜੈ ਤੋਮਰ ਅਤੇ ਉਸਦੇ ਸਾਥੀ ਹਰਸ਼ ਉਰਫ ਜਾਨੀ ਵਿਰੁੱਧ ਹਮਲਾ, ਕਤਲ ਦੀ ਕੋਸ਼ਿਸ਼, ਧਮਕੀਆਂ ਆਦਿ ਸਮੇਤ ਕਈ ਗੰਭੀਰ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ। ਅਜੇ ਨੂੰ ਦੇਰ ਰਾਤ ਗ੍ਰਿਫ਼ਤਾਰ ਕਰ ਲਿਆ ਗਿਆ ਅਤੇ ਉਸਦੇ ਸਾਥੀ ਹਰਸ਼ ਦੀ ਭਾਲ ਜਾਰੀ ਹੈ।
---------------
ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ
