ਕੋਲੰਬੋ, 6 ਅਪ੍ਰੈਲ (ਹਿੰ.ਸ.)। ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸ਼੍ਰੀਲੰਕਾ ਫੇਰੀ ਦੇ ਆਖਰੀ ਦਿਨ ਐਤਵਾਰ (ਅੱਜ) ਨੂੰ ਮਾਹੋ ਅਤੇ ਓਮਨਥਾਈ ਜ਼ਿਲ੍ਹਿਆਂ ਵਿਚਕਾਰ ਰੇਲਵੇ ਲਾਈਨ ਦਾ ਉਦਘਾਟਨ ਕੀਤਾ ਅਤੇ ਸਿਗਨਲ ਸਿਸਟਮ ਦਾ ਨੀਂਹ ਪੱਥਰ ਵੀ ਰੱਖਿਆ। ਇਸ ਦੌਰਾਨ ਮੋਦੀ ਨੇ ਸ਼੍ਰੀਲੰਕਾ ਦੇ ਰਾਸ਼ਟਰਪਤੀ ਅਨਾਰਾਕੁਮਾਰਾ ਦਿਸਾਨਾਯਕੇ ਦੇ ਨਾਲ ਟ੍ਰੇਨ ਨੂੰ ਹਰੀ ਝੰਡੀ ਵੀ ਦਿਖਾਈ।

ਇਹ ਰੇਲਵੇ ਲਾਈਨ ਸ਼੍ਰੀਲੰਕਾ ਦੇ ਕੁਰੂਨੇਗਲਾ, ਅਨੁਰਾਧਾਪੁਰਾ ਅਤੇ ਵਾਵੁਨੀਆ ਜ਼ਿਲ੍ਹਿਆਂ ਵਿੱਚੋਂ ਲੰਘਦੀ ਹੈ। ਇਹ ਉੱਥੋਂ ਦੀ ਉੱਤਰੀ ਰੇਲਵੇ ਲਾਈਨ ਦਾ ਲਗਭਗ 128 ਕਿਲੋਮੀਟਰ ਰੇਲਵੇ ਮਾਰਗ ਹੈ। ਭਾਰਤ ਨੇ ਇਸ ਰੇਲਵੇ ਪ੍ਰੋਜੈਕਟ ਲਈ ਸ਼੍ਰੀਲੰਕਾ ਨੂੰ 2720 ਕਰੋੜ ਰੁਪਏ (318 ਮਿਲੀਅਨ ਡਾਲਰ) ਦਾ ਕਰਜ਼ਾ ਦਿੱਤਾ ਹੈ। ਸ਼੍ਰੀਲੰਕਾ ਦੇ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਅਨੁਸਾਰ, ਐਤਵਾਰ ਪ੍ਰਧਾਨ ਮੰਤਰੀ ਮੋਦੀ ਦੇ ਸ਼੍ਰੀਲੰਕਾ ਦੌਰੇ ਦਾ ਆਖਰੀ ਦਿਨ ਰਿਹਾ। ਉਨ੍ਹਾਂ ਨੇ ਇੱਥੇ ਕਈ ਪ੍ਰੋਗਰਾਮਾਂ ਵਿੱਚ ਹਿੱਸਾ ਲਿਆ। ਇਸ ਤੋਂ ਬਾਅਦ ਉਹ ਭਾਰਤ ਲਈ ਰਵਾਨਾ ਹੋਏ। ਜ਼ਿਕਰਯੋਗ ਹੈ ਕਿ ਇਹ ਪ੍ਰਧਾਨ ਮੰਤਰੀ ਮੋਦੀ ਦਾ ਸ਼੍ਰੀਲੰਕਾ ਦਾ ਚੌਥਾ ਦੌਰਾ ਹੈ। ਇਸ ਤੋਂ ਪਹਿਲਾਂ ਉਹ 2015, 2017 ਅਤੇ 2019 ਵਿੱਚ ਵੀ ਇੱਥੇ ਪਹੁੰਚੇ ਸਨ।

ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ