ਕਾਠਮੰਡੂ, 10 ਫਰਵਰੀ (ਹਿੰ.ਸ.)। ਕਾਠਮੰਡੂ ਤੋਂ ਓਖਲਧੁੰਗਾ ਜਾ ਰਹੀ ਇੱਕ ਯਾਤਰੀ ਬੱਸ ਮੰਗਲਵਾਰ ਦੁਪਹਿਰ ਨੂੰ ਤਮਾਕੋਸ਼ੀ ਨਦੀ ਵਿੱਚ ਡਿੱਗ ਗਈ। ਇਸ ਹਾਦਸੇ ਵਿੱਚ ਹੁਣ ਤੱਕ ਨੌਂ ਲੋਕਾਂ ਦੀ ਮੌਤ ਹੋ ਗਈ ਹੈ।ਰਾਮੇਛਾਪ ਦੇ ਮੁੱਖ ਜ਼ਿਲ੍ਹਾ ਅਧਿਕਾਰੀ ਸ਼ਿਆਮ ਕ੍ਰਿਸ਼ਨ ਥਾਪਾ ਨੇ ਦੱਸਿਆ ਕਿ ਬਾਗਮਤੀ ਪ੍ਰਦੇਸ਼ ਬੱਸ (03-01-005 ਖ 9975) ਰਾਮੇਛਾਪ ਜ਼ਿਲ੍ਹੇ ਦੇ ਮੰਥਾਲੀ ਨਗਰਪਾਲਿਕਾ ਦੇ ਤ੍ਰਿਵੇਣੀ ਘਾਟ 'ਤੇ ਨਦੀ ਵਿੱਚ ਡਿੱਗ ਗਈ। ਬੱਸ ਕਾਠਮੰਡੂ ਤੋਂ ਅੱਠ ਯਾਤਰੀਆਂ ਨਾਲ ਰਵਾਨਾ ਹੋਈ ਸੀ, ਜਿਸ ’ਚ ਹਾਦਸੇ ਸਮੇਂ, ਲਗਭਗ 17 ਲੋਕ ਸਵਾਰ ਸਨ, ਜਿਨ੍ਹਾਂ ਵਿੱਚ ਬਿਨਾਂ ਟਿਕਟਾਂ ਦੇ ਯਾਤਰਾ ਕਰਨ ਵਾਲੇ ਵੀ ਸ਼ਾਮਲ ਸਨ। ਛੇ ਯਾਤਰੀਆਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ, ਜਦੋਂ ਕਿ ਤਿੰਨ ਯਾਤਰੀਆਂ ਦੀ ਹਸਪਤਾਲ ਲਿਜਾਂਦੇ ਸਮੇਂ ਮੌਤ ਹੋ ਗਈ। ਉਨ੍ਹਾਂ ਦੱਸਿਆ ਕਿ ਹਥਿਆਰਬੰਦ ਪੁਲਿਸ ਬਲ ਦੇ ਗੋਤਾਖੋਰ ਅਤੇ ਸਥਾਨਕ ਆਫ਼ਤ ਪ੍ਰਬੰਧਨ ਇਕਾਈ ਦੇ ਬਚਾਅ ਦਲ ਨਦੀ ਵਿੱਚ ਡਿੱਗਣ ਵਾਲੇ ਹੋਰ ਲੋਕਾਂ ਦੀ ਭਾਲ ਵਿੱਚ ਲੱਗੇ ਹੋਏ ਹਨ।

ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ