ਨਵੀਂ ਦਿੱਲੀ, 10 ਫਰਵਰੀ (ਹਿੰ.ਸ.)। ਗਲੋਬਲ ਮਾਰਕੀਟ ਵਿੱਚ ਅੱਜ ਮਜ਼ਬੂਤੀ ਦੇ ਸੰਕੇਤ ਦਿਖਾਈ ਦੇ ਰਹੇ ਹਨ। ਅਮਰੀਕੀ ਬਾਜ਼ਾਰ ਵਿੱਚ ਪਿਛਲੇ ਸੈਸ਼ਨ ਦੌਰਾਨ ਖਰੀਦਦਾਰੀ ਦਾ ਰੁਝਾਨ ਦੇਖਣ ਨੂੰ ਮਿਲਿਆ। ਡਾਓ ਜੋਨਸ ਫਿਊਚਰਜ਼ ਅਤੇ ਏਸ਼ੀਆਈ ਬਾਜ਼ਾਰਾਂ ਵਿੱਚ ਵੀ ਅੱਜ ਖਰੀਦਦਾਰੀ ਦੇਖਣ ਨੂੰ ਮਿਲ ਰਹੀ ਹੈ। ਅਮਰੀਕੀ ਬਾਜ਼ਾਰ ਵਿੱਚ ਪਿਛਲੇ ਸੈਸ਼ਨ ਦੌਰਾਨ ਲਗਾਤਾਰ ਦੂਜੇ ਦਿਨ ਤੇਜ਼ੀ ਦਾ ਰੁਝਾਨ ਦੇਖਣ ਨੂੰ ਮਿਲਿਆ। ਐਸ ਐਂਡ ਪੀ 500 ਇੰਡੈਕਸ 0.47 ਪ੍ਰਤੀਸ਼ਤ ਮਜ਼ਬੂਤ ਹੋ ਕੇ 6,964.81 ਅੰਕਾਂ 'ਤੇ ਬੰਦ ਹੋਇਆ। ਇਸੇ ਤਰ੍ਹਾਂ, ਨੈਸਡੈਕ 224.18 ਅੰਕ ਜਾਂ 0.97 ਪ੍ਰਤੀਸ਼ਤ ਮਜ਼ਬੂਤਹੋਕੇ ਪਿਛਲੇ ਸੈਸ਼ਨ ’ਚ 23,255.39 ਅੰਕਾਂ 'ਤੇ ਬੰਦ ਹੋਇਆ। ਉੱਥੇ ਹੀ, ਡਾਓ ਜੋਨਸ ਫਿਊਚਰਜ਼ ਅੱਜ ਫਿਲਹਾਲ 0.08 ਪ੍ਰਤੀਸ਼ਤ ਮਜ਼ਬੂਤਹੋਕੇ 50,173.76 ਅੰਕਾਂ 'ਤੇ ਕਾਰੋਬਾਰ ਕਰਦਾ ਨਜ਼ਰ ਆ ਰਿਹਾ ਹੈ।ਯੂਰਪੀ ਬਾਜ਼ਾਰਾਂ ਵਿੱਚ ਵੀ ਪਿਛਲੇ ਸੈਸ਼ਨ ਦੌਰਾਨ ਲਗਾਤਾਰ ਖਰੀਦਦਾਰੀ ਦੇਖਣ ਨੂੰ ਮਿਲੀ। ਐਫਟੀਐਸਈ ਇੰਡੈਕਸ 0.16 ਪ੍ਰਤੀਸ਼ਤ ਮਜ਼ਬੂਤ ਹੋ ਕੇ 10,386.23 'ਤੇ ਬੰਦ ਹੋਇਆ। ਇਸੇ ਤਰ੍ਹਾਂ, ਸੀਏਸੀ ਇੰਡੈਕਸ 0.59 ਪ੍ਰਤੀਸ਼ਤ ਮਜ਼ਬੂਤਹੋਕੇ8,323.28 'ਤੇ ਬੰਦ ਹੋਇਆ। ਇਸ ਤੋਂ ਇਲਾਵਾ ਡੀਏਐਕਸ ਇੰਡੈਕਸ 293.41 ਅੰਕ ਜਾਂ 1.17 ਪ੍ਰਤੀਸ਼ਤ ਮਜ਼ਬੂਤਹੋਕੇ25,014.87 ਅੰਕ ਦੇ ਪੱਧਰ 'ਤੇ ਬੰਦ ਹੋਇਆ।

ਏਸ਼ੀਅਨ ਬਾਜ਼ਾਰ ਅੱਜ ਆਮ ਤੌਰ 'ਤੇ ਤੇਜ਼ੀ ਨਾਲ ਚੱਲ ਰਹੇ ਹਨ। ਨੌਂ ਏਸ਼ੀਆਈ ਬਾਜ਼ਾਰ ਸੂਚਕਾਂਕਾਂ ਵਿੱਚੋਂ ਸੱਤ ਹਰੇ ਨਿਸ਼ਾਨ ਵਿੱਚ ਮਜ਼ਬੂਤੀ ਨਾਲ, ਜਦੋਂ ਕਿ ਦੋ ਲਾਲ ਨਿਸ਼ਾਨ ਵਿੱਚ ਕਾਰੋਬਾਰ ਕਰ ਰਹੇ ਹਨ। ਸਟ੍ਰੇਟਸ ਟਾਈਮਜ਼ ਇੰਡੈਕਸ 0.12 ਪ੍ਰਤੀਸ਼ਤ ਡਿੱਗ ਕੇ 4,954.82 'ਤੇ ਕਾਰੋਬਾਰ ਕਰ ਰਿਹਾ ਹੈ। ਇਸੇ ਤਰ੍ਹਾਂ, ਸ਼ੰਘਾਈ ਕੰਪੋਜ਼ਿਟ ਇੰਡੈਕਸ 0.02 ਪ੍ਰਤੀਸ਼ਤ ਡਿੱਗ ਕੇ 4,122.34 'ਤੇ ਪਹੁੰਚ ਗਿਆ ਹੈ।ਦੂਜੇ ਪਾਸੇ, ਗਿਫ਼ਟ ਨਿਫਟੀ 121.50 ਅੰਕ ਜਾਂ 0.47 ਪ੍ਰਤੀਸ਼ਤ ਦੀ ਮਜ਼ਬੂਤੀ ਨਾਲ 26,011.50 ਅੰਕਾਂ ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ। ਇਸੇ ਤਰ੍ਹਾਂ ਹੈਂਗ ਸੇਂਗ ਇੰਡੈਕਸ 142.84 ਅੰਕ ਜਾਂ 0.53 ਪ੍ਰਤੀਸ਼ਤ ਦੀ ਮਜ਼ਬੂਤੀ ਨਾਲ 27,170 ਅੰਕਾਂ ਦੇ ਪੱਧਰ 'ਤੇ ਪਹੁੰਚ ਗਿਆ ਹੈ। ਨਿੱਕੇਈ ਇੰਡੈਕਸ ਵਿੱਚ ਅੱਜ ਲਗਾਤਾਰ ਦੂਜੇ ਦਿਨ ਜ਼ੋਰਦਾਰ ਉਛਾਲ ਦੇਖਣ ਨੂੰ ਮਿਲ ਰਿਹਾ ਹੈ। ਫਿਲਹਾਲ ਇਹ ਇੰਡੈਕਸ 1,358.06 ਅੰਕ ਜਾਂ 2.41 ਪ੍ਰਤੀਸ਼ਤ ਦੀ ਮਜ਼ਬੂਤੀ ਨਾਲ 57,722 ਅੰਕਾਂ ਦੇ ਪੱਧਰ 'ਤੇ ਪਹੁੰਚ ਗਿਆ ਹੈ। ਇਸੇ ਤਰ੍ਹਾਂ, ਤਾਈਵਾਨ ਵੇਟਿਡ ਇੰਡੈਕਸ 500.71 ਅੰਕ ਯਾਨੀ 1.55 ਪ੍ਰਤੀਸ਼ਤ ਮਜ਼ਬੂਤ ਹੋ ਕੇ 32,905.33 'ਤੇ ਪਹੁੰਚ ਗਿਆ ਹੈ। ਇਸ ਤੋਂ ਇਲਾਵਾ ਜਕਾਰਤਾ ਕੰਪੋਜ਼ਿਟ ਇੰਡੈਕਸ 96.44 ਅੰਕ ਯਾਨੀ 1.20 ਪ੍ਰਤੀਸ਼ਤ ਮਜ਼ਬੂਤ ਹੋ ਕੇ 8,128.31 ਅੰਕ ’ਤੇ, ਸੈੱਟ ਕੰਪੋਜ਼ਿਟ ਇੰਡੈਕਸ 0.61 ਪ੍ਰਤੀਸ਼ਤ ਮਜ਼ਬੂਤ ਹੋ ਕੇ 1,409.37 ਅੰਕ 'ਤੇ ਅਤੇ ਕੋਸਪੀ ਇੰਡੈਕਸ 0.17 ਪ੍ਰਤੀਸ਼ਤ ਮਜ਼ਬੂਤ ਹੋ ਕੇ 5,307.28 ਅੰਕ ਦੇ ਪੱਧਰ 'ਤੇ ਪਹੁੰਚ ਗਿਆ ਹੈ।

ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ