ਵਾਸ਼ਿੰਗਟਨ, 13 ਮਾਰਚ (ਹਿੰ.ਸ.)। ਅਮਰੀਕੀ ਹਵਾਈ ਸੈਨਾ ਦਾ ਰਿਫਿਊਲਿੰਗ ਏਅਰਕ੍ਰਾਫਟ (ਯੂਐਸ ਕੇਸੀ-135) ਪੱਛਮੀ ਇਰਾਕ ਵਿੱਚ ਲਾਪਤਾ ਹੋ ਗਿਆ ਹੈ। ਅਮਰੀਕੀ ਕੇਂਦਰੀ ਕਮਾਂਡ ਨੇ ਇਸਦੀ ਪੁਸ਼ਟੀ ਕੀਤੀ ਹੈ। ਇਸ ਏਅਰਕ੍ਰਾਫਟ ਦੇ ਕਰੂ ’ਚ ਪੰਜ ਮੈਂਬਰ ਹਨ। ਅਜੇ ਤੱਕ ਕਿਸੇ ਵੀ ਚਾਲਕ ਦਲ ਦੇ ਮੈਂਬਰ ਬਾਰੇ ਕੋਈ ਜਾਣਕਾਰੀ ਪ੍ਰਾਪਤ ਨਹੀਂ ਹੋਈ ਹੈ। ਹਾਲਾਂਕਿ, ਦੂਜਾ ਰਿਫਿਊਲਿੰਗ ਏਅਰਕ੍ਰਾਫਟ ਸੁਰੱਖਿਅਤ ਉਤਾਰ ਲਿਆ ਗਿਆ ਹੈ।
ਇਹ ਜਾਣਕਾਰੀ ਅਮਰੀਕੀ ਕੇਂਦਰੀ ਕਮਾਂਡ ਦੇ ਐਕਸ ਹੈਂਡਲ 'ਤੇ ਸਾਂਝੀ ਕੀਤੀ ਗਈ ਹੈ। ਇਸ ਵਿੱਚ ਕਿਹਾ ਗਿਆ ਹੈ, ਯੂਐਸ ਸੈਂਟਰਲ ਕਮਾਂਡ ਅਮਰੀਕੀ ਕੇਸੀ-135 ਰਿਫਿਊਲਿੰਗ ਏਅਰਕ੍ਰਾਫਟ ਦੇ ਨੁਕਸਾਨ ਦੀ ਜਾਣਕਾਰੀ ਹੈ। ਇਹ ਘਟਨਾ ਆਪਰੇਸ਼ਨ ਐਪਿਕ ਫਿਊਰੀ ਦੌਰਾਨ ਫ੍ਰੈਂਡਲੀ ਏਅਰਸਪੇਸ ਵਿੱਚ ਵਾਪਰੀ, ਅਤੇ ਬਚਾਅ ਕਾਰਜ ਚੱਲ ਰਿਹਾ ਹੈ। ਇਸ ਘਟਨਾ ਵਿੱਚ ਦੋ ਏਅਰਕ੍ਰਾਫਟ ਸ਼ਾਮਲ ਸਨ। ਇੱਕ ਏਅਰਕ੍ਰਾਫਟ ਪੱਛਮੀ ਇਰਾਕ ਵਿੱਚ ਡਿੱਗ ਗਿਆ, ਅਤੇ ਦੂਜਾ ਸੁਰੱਖਿਅਤ ਉਤਰ ਗਿਆ। ਇਹ ਦੁਸ਼ਮਣ ਜਾਂ ਦੋਸਤਾਨਾ ਫਾਇਰ ਕਾਰਨ ਨਹੀਂ ਹੋਇਆ।
ਸੀਐਨਐਨ ਦੇ ਅਨੁਸਾਰ, ਯੂਐਸ ਸੈਂਟਰਲ ਕਮਾਂਡ ਦੇ ਬਿਆਨ ਵਿੱਚ ਇਹ ਸਪੱਸ਼ਟ ਨਹੀਂ ਕੀਤਾ ਗਿਆ ਕਿ ਕੋਈ ਅਮਰੀਕੀ ਕਰਮਚਾਰੀ ਜ਼ਖਮੀ ਜਾਂ ਮਾਰਿਆ ਗਿਆ ਹੈ। ਇੱਕ ਅਮਰੀਕੀ ਅਧਿਕਾਰੀ ਨੇ ਕਿਹਾ ਕਿ ਦੂਜਾਏਅਰਕ੍ਰਾਫਟ, ਇੱਕ ਕੇਸੀ-135, ਸੁਰੱਖਿਅਤ ਢੰਗ ਨਾਲ ਉਤਰਿਆ। ਹਵਾਈ ਸੈਨਾ ਦੇ ਅਨੁਸਾਰ, ਇੱਕ ਕੇਸੀ-135 ਫਲਾਈਟ ਚਾਲਕ ਦਲ ਵਿੱਚ ਆਮ ਤੌਰ 'ਤੇ ਤਿੰਨ ਤੋਂ ਚਾਰ ਮੈਂਬਰ ਹੁੰਦੇ ਹਨ : ਇੱਕ ਪਾਇਲਟ, ਸਹਿ-ਪਾਇਲਟ, ਅਤੇ ਬੂਮ ਆਪਰੇਟਰ।
ਬੂਮ ਆਪਰੇਟਰ ਕੇਸੀ-135 ਤੋਂ ਦੂਜੇ ਏਅਰਕ੍ਰਾਫਟ ਨੂੰ ਹਵਾ ਵਿੱਚ ਰਿਫਿਊਲ ਕਰਦਾ ਹੈ। ਹਵਾਈ ਸੈਨਾ ਦੇ ਅਧਿਕਾਰਤ ਦਸਤਾਵੇਜ਼ ਦੱਸਦੇ ਹਨ ਕਿ ਮਹੱਤਵਪੂਰਨ ਮਿਸ਼ਨਾਂ ਲਈ ਇੱਕ ਨੇਵੀਗੇਟਰ (ਇੱਕ ਜੋ ਦਿਸ਼ਾ ਅਤੇ ਸਥਿਤੀ ਨਿਰਧਾਰਤ ਕਰਦਾ ਹੈ) ਦੀ ਵੀ ਲੋੜ ਹੁੰਦੀ ਹੈ। ਜ਼ਿਕਰਯੋਗ ਹੈ ਕਿ ਪਿਛਲੇ ਹਫ਼ਤੇ ’ਚ, ਕੁਵੈਤ ਵਿੱਚ ਗੋਲੀਬਾਰੀ ਦੌਰਾਨ ਤਿੰਨ ਐਫ-15ਈ ਸਟ੍ਰਾਈਕ ਈਗਲ ਲੜਾਕੂ ਜਹਾਜ਼ ਸੁੱਟੇ ਜਾ ਚੁੱਕੇ ਹਨ। ਹਾਲਾਂਕਿ, ਸਾਰੇ ਛੇ ਚਾਲਕ ਦਲ ਦੇ ਮੈਂਬਰ ਸੁਰੱਖਿਅਤ ਢੰਗ ਨਾਲ ਬਾਹਰ ਨਿਕਲਣ ਵਿੱਚ ਕਾਮਯਾਬ ਰਹੇ।
ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ
