ਮੋਹਾਲੀ 23 ਨਵੰਬਰ (ਹਿੰ. ਸ.)। ਡਾਕਟਰ ਐਸ. ਪੀ. ਸਿੰਘ ਉਬਰਾਏ - ਮੈਨੇਜਿੰਗ ਟਰਸਟੀ ਸਰਬੱਤ ਦਾ ਭਲਾ ਚੈਰੀਟੇਬਲ ਟਰਸਟ, ਡਾਕਟਰ ਰਾਜ ਬਹਾਦਰ ਸਿੰਘ- ਡਾਇਰੈਕਟਰ ਆਰ.ਐਸ.ਆਈ. ਸੈਂਟਰ ਮੋਹਾਲੀ, ਜਸਟਿਸ ਐਮ.ਐਮ.ਐਸ. ਬੇਦੀ- ਸੇਵਾ ਮੁਕਤ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਹੋਰਾਂ ਵੱਲੋਂ ਟਰਸਟ ਵੱਲੋਂ ਬਣਾਏ ਗਏ 35 ਘਰ ਸਿੱਖ ਸਿਗਲੀਗਰ ਪਰਿਵਾਰਾਂ ਦੇ ਹਵਾਲੇ ਕੀਤੇ, ਜਦਕਿ ਜੁਝਾਰ ਨਗਰ ਪਿੰਡ ਵਿੱਚ ਹੀ ਕੁੱਲ 70 ਘਰ ਟਰਸਟ ਵੱਲੋਂ ਬਣਾ ਬਣਾਏ ਜਾ ਰਹੇ ਹਨ।
ਇਸ ਮੌਕੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਡਾਕਟਰ ਐਸ. ਪੀ. ਸਿੰਘ ਉਬਰਾਏ ਨੇ ਦੱਸਿਆ ਕਿ ਸ੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਦੇ 350 ਸਾਲਾਂ ਸ਼ਹਾਦਤ ਦਿਵਸ ਨੂੰ ਸਮਰਪਿਤ -ਸਨੀ ਉਬਰਾਏ ਆਵਾਸ ਯੋਜਨਾ- ਦੇ ਤਹਿਤ ਪਿੰਡ ਜੁਝਾਰ ਨਗਰ ਵਿਖੇ ਟਰਸਟ ਵੱਲੋਂ ਸਿਗਰੀਗਰ ਬਿਰਾਦਰੀ ਦੇ ਲਈ 70 ਘਰ ਬਣਾਏ ਜਾ ਰਹੇ ਹਨ, ਜਿਨਾਂ ਵਿੱਚੋਂ 35 ਘਰ ਪਹਿਲੇ ਪੜਾਅ ਵਿੱਚ ਤਿਆਰ ਕਰਕੇ ਉਹਨਾਂ ਦੇ ਪਰਿਵਾਰਾਂ ਦੇ ਹਵਾਲੇ ਕਰ ਦਿੱਤੇ ਗਏ ਹਨ। ਡਾਕਟਰ ਐਸ ਪੀ ਸਿੰਘ ਉਬਰਾਏ ਅੱਜ ਪਿੰਡ ਜੁਝਾਰ ਨਗਰ ਵਿਖੇ ਟਰਸਟ ਵੱਲੋਂ ਰੱਖੇ ਗਏ ਸਰਕਾਰੀ ਪ੍ਰਾਇਮਰੀ ਸਕੂਲ ਪਿੰਡ ਜੁਝਾਰ ਨਗਰ ਵਿਖੇ ਜ਼ਿਲ੍ਹਾ ਪ੍ਰਧਾਨ ਕਵਲਜੀਤ ਸਿੰਘ ਰੂਬੀ ਅਤੇ ਪਿੰਡ ਦੇ ਸਰਪੰਚ ਇਕਬਾਲ ਸਿੰਘ ਦੀ ਅਗਵਾਈ ਹੇਠ ਰੱਖੇ ਗਏ ਸਮਾਗਮ ਦੇ ਦੌਰਾਨ ਪੱਤਰਕਾਰਾਂ ਨਾਲ ਗੱਲਬਾਤ ਕਰ ਰਹੇ ਸਨ।
ਇਸ ਮੌਕੇ ਤੇ ਡਾਕਟਰ ਐਸ. ਪੀ. ਸਿੰਘ ਉਬਰਾਏ ਨੇ ਪਿੰਡ ਵਾਸੀਆਂ ਦੀ ਮੰਗ ਤੇ ਪਿੰਡ ਜੁਝਾਰ ਨਗਰ ਵਿਖੇ ਲੋਕਾਂ ਦੀ ਸਿਹਤ ਸਬੰਧੀ ਜਾਂਚ ਅਤੇ ਟੈਸਟ ਕਰਵਾਉਣ ਦੇ ਲਈ ਲੈਬ ਖੋਲੇ ਜਾਣ ਦਾ ਐਲਾਨ ਕੀਤਾ, ਉਹਨਾਂ ਕਿਹਾ ਕਿ ਇਸ ਲੈਬ ਦੇ ਵਿੱਚ ਨਾ -ਮਾਤਰ ਕੀਮਤ ਤੇ ਲੋਕਾਂ ਦੇ ਮਰੀਜ਼ਾਂ ਦੇ ਟੈਸਟ ਹੋਣਗੇ। ਡਾਕਟਰ ਐਸ. ਪੀ. ਸਿੰਘ ਉਬਰਾਏ ਹੋਰਾਂ ਕਿਹਾ ਕਿ ਹੁਣ ਤੱਕ 1450 ਜਰੂਰਤਮੰਦ ਲੋਕਾਂ ਨੂੰ ਮਕਾਨ ਬਣਾ ਕੇ ਦੇ ਆ ਚੁੱਕੇ ਹਨ, ਅਤੇ 2023 ਚ ਪਹਿਲਾਂ ਹੜ ਆਏ ਸੀ, ਉਸ ਵੇਲੇ ਸਾਡੀ ਟੀਮਾਂ ਨੇ ਬਹੁਤ ਕੰਮ ਕੀਤਾ ਤੇ ਹੜਾਂ ਦੀ ਮਾਰ ਖਾਸ ਕਰਕੇ ਕਿਸਾਨਾਂ ਨੋ ਦੋਹਰੀ ਮਾਰ ਪਈ ਹੈ। ਹੜ ਪ੍ਰਭਾਵਿਤ ਲੋਕਾਂ ਨੂੰ ਸਭ ਤੋਂ ਜਿਆਦਾ ਪਸ਼ੂਆਂ ਲਈ ਚਾਰੇ ਦੀ ਲੋੜ ਸੀ, ਅਤੇ ਟਰਸਟ ਵੱਲੋਂ ਪਸ਼ੂਆਂ ਲਈ 1500 ਟਨ ਚਾਰਾ ਭੇਜਿਆ ਗਿਆ ਅਤੇ ਇਸ ਤੋਂ ਇਲਾਵਾ ਜਿਹੜੀਆਂ ਧੀਆਂ ਦੇ ਵਿਆਹ ਪੱਕੇ ਕੀਤੇ ਹੋਏ ਸਨ ਅਤੇ ਉਹਨਾਂ ਨੇ ਆਪੋ ਉਹਨਾਂ ਦਹੇਜ ਦਾ ਸਮਾਨ ਵੀ ਖਰੀਦ ਰੱਖਿਆ ਸੀ, ਤਾਂ ਅਜਿਹੇ ਵਿਆਹ ਦੀਆਂ ਦੁਬਾਰਾ ਤਾਰੀਖ ਰੱਖ ਰੱਖੀ ਜਾਵੇਗੀ ਅਤੇ ਲਗਭਗ 350 ਧੀਆਂ ਦੇ ਵਿਆਹ ਕਰਵਾਏ ਜਾਣਗੇ, ਹਰੇਕ ਧੀ ਦੇ ਵਿਆਹ ਲਈ ਟਰਸਟ ਵੱਲੋਂ ਇਕ ਲੱਖ ਰੁਪਏ ਜਰੂਰੀ ਸਮਾਨ ਦੇ ਲਈ ਦਿੱਤਾ ਜਾਵੇਗਾ। ਇਹਨਾਂ ਵਿੱਚੋਂ 12 ਜਰੂਰਤਮੰਦ ਬੱਚਿਆਂ ਦੇ ਵਿਆਹ ਹੋ ਚੁੱਕੇ ਹਨ, ਅਤੇ 23 ਵਿਆਹ ਇਸੇ ਮਹੀਨੇ ਵਿੱਚ ਹੋਰ ਹੋਣ ਜਾ ਰਹੇ ਹਨ, ਇਸ ਮੌਕੇ ਤੇ ਗ੍ਰਾਮ ਪੰਚਾਇਤ ਦੀ ਤਰਫੋਂ ਇਕਬਾਲ ਸਿੰਘ ਅਤੇ ਕਵਲਜੀਤ ਸਿੰਘ ਰੂਬੀ ਹੋਰਾਂ ਵੱਲੋਂ ਡਾਕਟਰ ਐਸ. ਪੀ. ਸਿੰਘ ਉਬਰਾਏ, ਡਾਕਟਰ ਰਾਜ ਬਹਾਦਰ , ਗੁਰਜੀਤ ਸਿੰਘ ਉਬਰਾਏ ਦਾ ਵਿਸ਼ੇਸ਼ ਤੌਰ ਤੇ ਸਨਮਾਨ ਵੀ ਕੀਤਾ ਗਿਆ।
ਹਿੰਦੂਸਥਾਨ ਸਮਾਚਾਰ / ਦਵਿੰਦਰ ਸਿੰਘ
