ਨਵੀਂ ਦਿੱਲੀ, 8 ਨਵੰਬਰ (ਹਿੰ.ਸ.)। ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੇ ਤਿੰਨ ਪ੍ਰਮੁੱਖ ਨੇਤਾ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਰੱਖਿਆ ਮੰਤਰੀ ਰਾਜਨਾਥ ਸਿੰਘ, ਅਤੇ ਕੇਂਦਰੀ ਗ੍ਰਹਿ ਅਤੇ ਸਹਿਕਾਰਤਾ ਮੰਤਰੀ ਅਮਿਤ ਸ਼ਾਹ ਅੱਜ ਬਿਹਾਰ ਵਿੱਚ ਚੋਣ ਮੈਦਾਨ ਵਿੱਚ ਹੋਣਗੇ। ਤਿੰਨ ਸਟਾਰ ਪ੍ਰਚਾਰਕ ਵੱਖ-ਵੱਖ ਖੇਤਰਾਂ ਵਿੱਚ ਜਨਤਕ ਰੈਲੀਆਂ ਨੂੰ ਸੰਬੋਧਨ ਕਰਦੇ ਹੋਏ ਭਾਜਪਾ ਦੀ ਅਗਵਾਈ ਵਾਲੇ ਰਾਸ਼ਟਰੀ ਲੋਕਤੰਤਰੀ ਗਠਜੋੜ (ਐਨਡੀਏ) ਉਮੀਦਵਾਰਾਂ ਲਈ ਪ੍ਰਚਾਰ ਕਰਨਗੇ। ਭਾਜਪਾ ਨੇ ਆਪਣੇ। ਇਨ੍ਹਾਂ ਦਿੱਗਜਾਂ ਦੇ ਚੋਣ ਪ੍ਰਚਾਰ ਪ੍ਰੋਗਰਾਮ ਨੂੰ ਐਕਸ ’ਤੇ ਸਾਂਝਾ ਕੀਤਾ ਹੈ।

ਭਾਜਪਾ ਐਕਸ ਹੈਂਡਲ ਪੋਸਟ ਦੇ ਅਨੁਸਾਰ, ਪ੍ਰਧਾਨ ਮੰਤਰੀ ਮੋਦੀ ਸਵੇਰੇ 11 ਵਜੇ ਸੀਤਾਮੜੀ ਅਤੇ ਦੁਪਹਿਰ 1 ਵਜੇ ਬੇਤੀਆ ਵਿੱਚ ਵੱਡੀ ਚੋਣ ਰੈਲੀ ਨੂੰ ਸੰਬੋਧਨ ਕਰਨਗੇ। ਅਮਿਤ ਸ਼ਾਹ ਅੱਜ ਤਿੰਨ ਥਾਵਾਂ 'ਤੇ ਹੋਣਗੇ। ਉਹ ਸਵੇਰੇ 11:15 ਵਜੇ ਪੂਰਨੀਆ ਵਿੱਚ, ਦੁਪਹਿਰ 12:45 ਵਜੇ ਕਟਿਹਾਰ ਵਿੱਚ ਅਤੇ ਦੁਪਹਿਰ 2:15 ਵਜੇ ਸੁਪੌਲ ਵਿੱਚ ਜਨਤਕ ਰੈਲੀ ਨੂੰ ਸੰਬੋਧਨ ਕਰਨਗੇ। ਰਾਜਨਾਥ ਸਿੰਘ ਵੀ ਰਾਜ ਵਿੱਚ ਤਿੰਨ ਥਾਵਾਂ 'ਤੇ ਵੋਟਰਾਂ ਨਾਲ ਰੂਬਰੂ ਹੋਣਗੇ। ਸਿੰਘ ਕਰਾਕਟ ਵਿਧਾਨ ਸਭਾ ਹਲਕੇ (ਰੋਹਤਾਸ) ਵਿੱਚ ਦੁਪਹਿਰ 12:25 ਵਜੇ, ਦਿਨਾਰਾ ਵਿਧਾਨ ਸਭਾ ਹਲਕੇ (ਰੋਹਤਾਸ) ਵਿੱਚ ਦੁਪਹਿਰ 1:45 ਵਜੇ ਅਤੇ ਰਾਮਗੜ੍ਹ ਵਿਧਾਨ ਸਭਾ ਹਲਕੇ (ਕੈਮੂਰ) ਵਿੱਚ ਦੁਪਹਿਰ 3:05 ਵਜੇ ਜਨਤਕ ਰੈਲੀ ਨੂੰ ਸੰਬੋਧਨ ਕਰਨਗੇ।

ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ