ਨਵੀਂ ਦਿੱਲੀ, 29 ਸਤੰਬਰ (ਹਿੰ.ਸ.)। ਉੱਤਰ ਪ੍ਰਦੇਸ਼ ਦੇ ਇਟਾਵਾ ਸ਼ਹਿਰ ਅਤੇ ਆਲੇ-ਦੁਆਲੇ ਦੇ ਇਲਾਕਿਆਂ ’ਚ ਕੀਤੇ ਗਏ ਸੰਚਾਰ ਕੰਪਨੀਆਂ ਦੀ ਸਰਵਿਸ ਨਾਲ ਜੁੜੇ ਸੁਤੰਤਰ ਡ੍ਰਾਈਵ ਟੈਸਟ (ਆਈਡੀਟੀ) ਵਿੱਚ ਏਅਰਟੈੱਲ ਨੇ ਸਾਰੇ ਮੁੱਖ ਮਾਪਦੰਡਾਂ 'ਤੇ ਸਭ ਤੋਂ ਬਿਹਤਰੀਨ ਪ੍ਰਦਰਸ਼ਨ ਕੀਤਾ, ਜਦੋਂ ਕਿ ਬੀਐਸਐਨਐਲ ਸਭ ਤੋਂ ਕਮਜ਼ੋਰ ਸਾਬਿਤ ਹੋਇਆ। ਇਹ ਨਤੀਜੇ ਅਗਸਤ ਮਹੀਨੇ ਦੇ ਹਨ।ਟੈਲੀਕਾਮ ਰੈਗੂਲੇਟਰੀ ਅਥਾਰਟੀ ਆਫ਼ ਇੰਡੀਆ (ਟ੍ਰਾਈ) ਦੇ ਅਨੁਸਾਰ, ਕਾਲ ਸੈੱਟਅੱਪ ਸਫਲਤਾ ਦਰ (ਸੀਐਸਐਸਆਰ) ਵਿੱਚ ਏਅਰਟੈੱਲ ਅਤੇ ਵੀਆਈਐਲ (ਵੋਡਾਫੋਨ-ਏਅਰਟੈੱਲl) ਨੇ 100 ਪ੍ਰਤੀਸ਼ਤ, ਰਿਲਾਇੰਸ ਜੀਓ ਇਨਫੋਕਾਮ ਲਿਮਟਿਡ (ਆਰਜੇਆਈਐਲ) ਨੇ 99.64 ਪ੍ਰਤੀਸ਼ਤ ਅਤੇ ਬੀਐਸਐਨਐਲ ਨੇ ਸਿਰਫ਼ 64.25 ਪ੍ਰਤੀਸ਼ਤ ਦਰਜ ਕੀਤਾ। ਕਾਲ ਸੈੱਟਅੱਪ ਸਮੇਂ (ਸੀਐਸਟੀ) ਵਿੱਚ ਏਅਰਟੈੱਲ ਨੇ 0.69 ਸਕਿੰਟ ਨਾਲ ਸਭ ਤੋਂ ਵਧੀਆ ਪ੍ਰਦਰਸ਼ਨ ਕੀਤਾ, ਜਦੋਂ ਕਿ ਬੀਐਸਐਨਐਲ 3.39 ਸਕਿੰਟ ਨਾਲ ਸਭ ਤੋਂ ਪਿੱਛੇ ਰਿਹਾ। ਡ੍ਰੌਪ ਕਾਲ ਰੇਟ (ਡੀਸੀਆਰ) ਵਿੱਚ, ਏਅਰਟੈੱਲ ਜ਼ੀਰੋ 'ਤੇ ਰਿਹਾ, ਵੀਆਈਐਲ ਅਤੇ ਆਰਜੇਆਈਐਲ ਨੇ ਕ੍ਰਮਵਾਰ 0.18 ਪ੍ਰਤੀਸ਼ਤ ਅਤੇ 0.79 ਪ੍ਰਤੀਸ਼ਤ ਦਰਜ ਕੀਤਾ, ਜਦੋਂ ਕਿ ਬੀਐਸਐਨਐਲ 6.90 ਪ੍ਰਤੀਸ਼ਤ 'ਤੇ ਰਿਹਾ।ਸਪੀਚ ਕੁਆਲਿਟੀ (ਮੀਨਜ਼ ਓਪੀਨੀਅਨ ਸਕੋਰ - ਐਮਓਐਸ) ਵਿੱਚ ਏਅਰਟੈੱਲ 4.37, ਵੀਆਈਐਲ 3.97, ਆਰਜੇਆਈਐਲ 3.84 ਅਤੇ ਬੀਐਸਐਨਐਲ 2.35 ’ਤੇ ਰਿਹਾ। ਔਸਤ ਡਾਊਨਲੋਡ ਸਪੀਡ ਵਿੱਚ ਏਅਰਟੈੱਲ ਨੇ 184.53 ਐਮਬੀਪੀਐਸ, ਵੀਆਈਐਲ ਨੇ 144.54 ਐਮਬੀਪੀਐਸ, ਆਰਜੇਆਈਐਲ 28.16 ਐਮਬੀਪੀਐਸ ਅਤੇ ਬੀਐਸਐਨਐਲ ਨੇ 3.30 ਐਮਬੀਪੀਐਸ ਪ੍ਰਾਪਤ ਕੀਤੇ। ਅਪਲੋਡ ਸਪੀਡ ਵਿੱਚ ਏਅਰਟੈੱਲ ਨੇ 25.83 ਐਮਬੀਪੀਐਸ, ਵੀਆਈਐਲ 20.35 ਐਮਬੀਪੀਐਸ, ਆਰਜੇਆਈਐਲ 11.55 ਐਮਬੀਪੀਐਸ ਅਤੇ ਬੀਐਸਐਨਐਲ 3.47 ਐਮਬੀਪੀਐਸ ’ਤੇ ਰਿਹਾ। ਲੇਟੈਂਸੀ ਵਿੱਚ ਏਅਰਟੈੱਲ ਅਤੇ ਵੀਆਈਐਲ ਨੇ 18.30 ਐਮਐਸ, ਆਰਜੇਆਈਐਲ ਨੇ 29.45 ਐਮਐਸ ਅਤੇ ਬੀਐਸਐਨਐਲ ਨੇ 31.10 ਐਮਐਸ ਦਰਜ ਕੀਤੇ।ਇਹ ਪ੍ਰੀਖਣ 11 ਤੋਂ 14 ਅਗਸਤ, 2025 ਦੇ ਵਿਚਕਾਰ 346.9 ਕਿਲੋਮੀਟਰ ਦੇ ਸ਼ਹਿਰੀ ਡ੍ਰਾਈਵ, 12 ਹੌਟਸਪੌਟ ਸਥਾਨਾਂ, 1.7 ਕਿਲੋਮੀਟਰ ਪੈਦਲ ਪ੍ਰੀਖਣ, ਅਤੇ ਇੱਕ ਸਥਾਨ 'ਤੇ ਇੰਟਰ-ਆਪ੍ਰੇਟਰ ਕਾਲਿੰਗ ਨੂੰ ਕਵਰ ਕਰਨ ਲਈ ਕੀਤਾ ਗਿਆ ਸੀ। ਪ੍ਰੀਖਣ ਵਿੱਚ ਕਰਹਾਲ, ਜਸਵੰਤਨਗਰ, ਬੈਦਪੁਰਾ, ਬਸਰੇਹਰ, ਬਕੇਵਾਰ, ਮਹੇਵਾ, ਅਹੇਰੀਪੁਰ, ਚਕਰ ਨਗਰ ਦੇ ਨਾਲ-ਨਾਲ ਇਟਾਵਾ ਰੇਲਵੇ ਸਟੇਸ਼ਨ, ਜ਼ਿਲ੍ਹਾ ਹਸਪਤਾਲ, ਬੱਸ ਸਟੈਂਡ, ਸੈਫਈ ਮੈਡੀਕਲ ਕਾਲਜ ਅਤੇ ਕਈ ਹੋਰ ਸੰਸਥਾਵਾਂ ਸ਼ਾਮਲ ਰਹੀਆਂ।

ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ