ਢਾਕਾ, 23 ਫਰਵਰੀ (ਹਿੰ.ਸ.)। ਬੰਗਲਾਦੇਸ਼ ਦੇ ਲੈਫਟੀਨੈਂਟ ਜਨਰਲ ਮੀਰ ਮੁਸ਼ਫਿਕੁਰ ਰਹਿਮਾਨ ਨੇ ਅੱਜ ਆਰਮਡ ਫੋਰਸਿਜ਼ ਡਿਵੀਜ਼ਨ (ਏ.ਐੱਫ.ਡੀ.) ਦੇ ਪ੍ਰਿੰਸੀਪਲ ਸਟਾਫ ਅਫਸਰ (ਪੀ.ਐੱਸ.ਓ.) ਦਾ ਅਹੁਦਾ ਸੰਭਾਲ ਲਿਆ। ਪ੍ਰਧਾਨ ਮੰਤਰੀ ਤਾਰਿਕ ਰਹਿਮਾਨ ਨੇ ਉਨ੍ਹਾਂ ਨੂੰ ਲੈਫਟੀਨੈਂਟ ਜਨਰਲ ਰੈਂਕ ਬੈਜ ਭੇਟ ਕੀਤਾ।
ਬੰਗਲਾਦੇਸ਼ ਦੀ ਸਰਕਾਰੀ ਨਿਊਜ਼ ਏਜੰਸੀ ਬੀ.ਐੱਸ.ਐੱਸ. ਦੀ ਰਿਪੋਰਟ ਦੇ ਅਨੁਸਾਰ, ਇਸ ਮੌਕੇ ’ਤੇ ਫੌਜ ਮੁਖੀ ਜਨਰਲ ਵਕਾਰ-ਉਜ਼-ਜ਼ਮਾਨ, ਜਲ ਸੈਨਾ ਮੁਖੀ ਐਡਮਿਰਲ ਐਮ ਨਜ਼ਮੁਲ ਹਸਨ ਅਤੇ ਹਵਾਈ ਸੈਨਾ ਮੁਖੀ ਏਅਰ ਚੀਫ ਮਾਰਸ਼ਲ ਹਸਨ ਮਹਿਮੂਦ ਖਾਨ ਮੌਜੂਦ ਰਹੇ।
ਲੈਫਟੀਨੈਂਟ ਜਨਰਲ ਮੀਰ ਮੁਸ਼ਫਿਕੁਰ ਰਹਿਮਾਨ ਨੂੰ 21 ਜੂਨ, 1991 ਨੂੰ ਬੰਗਲਾਦੇਸ਼ ਫੌਜ ਵਿੱਚ ਇਨਫੈਂਟਰੀ ਕੋਰ ਵਿੱਚ ਕਮਿਸ਼ਨ ਦਿੱਤਾ ਗਿਆ। ਉਨ੍ਹਾਂ ਨੇ ਫੌਜ ਵਿੱਚ ਕਈ ਮਹੱਤਵਪੂਰਨ ਅਹੁਦਿਆਂ 'ਤੇ ਕੰਮ ਕੀਤਾ, ਜਿਸ ਵਿੱਚ 24ਵੀਂ ਡਿਵੀਜ਼ਨ ਦੇ ਜੀ.ਓ.ਸੀ., ਮਿਲਟਰੀ ਸੈਕਟਰੀ ਅਤੇ ਡਾਇਰੈਕਟੋਰੇਟ ਜਨਰਲ ਡਿਫੈਂਸ ਪਰਚੇਜ਼ ਵਿੱਚ ਡਾਇਰੈਕਟਰ ਜਨਰਲ ਸ਼ਾਮਲ ਹਨ।
ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ
