ਨਵੀਂ ਦਿੱਲੀ, 03 ਅਪ੍ਰੈਲ (ਹਿੰ.ਸ.)। ਕੇਂਦਰੀ ਗ੍ਰਹਿ ਅਤੇ ਸਹਿਕਾਰਤਾ ਮੰਤਰੀ ਅਮਿਤ ਸ਼ਾਹ ਨੇ ਛਤਰਪਤੀ ਸ਼ਿਵਾਜੀ ਮਹਾਰਾਜ ਨੂੰ ਉਨ੍ਹਾਂ ਦੀ ਬਰਸੀ 'ਤੇ ਸ਼ਰਧਾਂਜਲੀ ਭੇਟ ਕੀਤੀ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦਾ ਅਣਥੱਕ ਸੰਘਰਸ਼ ਅਤੇ ਜੀਵਨਗਾਥਾ ਅਨੰਤ ਕਾਲ ਤੱਕ ਦੇਸ਼ ਵਾਸੀਆਂ ਨੂੰ ਮਾਤ ਭੂਮੀ ਪ੍ਰਤੀ ਸਮਰਪਿਤ ਹੋਣ ਲਈ ਪ੍ਰੇਰਿਤ ਕਰੇਗੀ।

ਅਮਿਤ ਸ਼ਾਹ ਨੇ ਸ਼ੁੱਕਰਵਾਰ ਨੂੰ ਐਕਸ 'ਤੇ ਆਪਣੇ ਸੰਦੇਸ਼ ਵਿੱਚ ਕਿਹਾ ਕਿ ਭਾਰਤੀ ਸਵੈਮਾਣ ਦੇ ਅਮਰ ਪ੍ਰਤੀਕ ਅਤੇ ਰਾਸ਼ਟਰੀ ਸਵੈਮਾਣ ਦੇ ਰੱਖਿਅਕ ਛਤਰਪਤੀ ਸ਼ਿਵਾਜੀ ਮਹਾਰਾਜ ਨੂੰ ਯਾਦ ਕਰਕੇ ਉਨ੍ਹਾਂ ਦੇ ਚਰਨਾਂ ਵਿੱਚ ਝੁਕਦਾ ਹਾਂ। ਉਨ੍ਹਾਂ ਨੇ ਧਰਮ ਅਤੇ ਸੱਭਿਆਚਾਰ ਦੀ ਰੱਖਿਆ ਲਈ ਲੋਕਾਂ ਨੂੰ ਇੱਕਜੁੱਟ ਕੀਤਾ ਅਤੇ ਹਿੰਦਵੀ ਸਵਰਾਜ ਦੀ ਸਥਾਪਨਾ ਕੀਤੀ। ਸਮੁੰਦਰ ’ਤੇ ਕੰਟਰੋਲ ਦੇ ਮਹੱਤਵ ਨੂੰ ਸਮਝਦੇ ਹੋਏ, ਉਨ੍ਹਾਂ ਵੱਲੋਂ ਬਣਾਈ ਗਈ ਸ਼ਕਤੀਸ਼ਾਲੀ ਜਲ ਸੈਨਾ ਉਨ੍ਹਾਂ ਦੇ ਵਿਲੱਖਣ ਰਣਨੀਤਕ ਹੁਨਰ ਅਤੇ ਦੂਰਦਰਸ਼ੀ ਅਗਵਾਈ ਦਾ ਪ੍ਰਤੀਬਿੰਬ ਹੈ। ਉਨ੍ਹਾਂ ਦਾ ਜੀਵਨ ਇਸ ਗੱਲ ਦੀ ਇੱਕ ਉਦਾਹਰਣ ਹੈ ਕਿ ਕਿਵੇਂ ਇੱਕ ਸ਼ਾਸਕ ਇੱਕੋ ਸਮੇਂ ਆਪਣੀ ਸੱਭਿਆਚਾਰ ਅਤੇ ਭਾਸ਼ਾ ਦੀ ਰੱਖਿਆ ਕਰ ਸਕਦਾ ਹੈ ਅਤੇ ਲੋਕ ਭਲਾਈ ਦੇ ਆਦਰਸ਼ ਸਥਾਪਤ ਕਰ ਸਕਦਾ ਹੈ।

ਜ਼ਿਕਰਯੋਗ ਹੈ ਕਿ ਮਰਾਠਾ ਸਾਮਰਾਜ ਦੇ ਸੰਸਥਾਪਕ ਛਤਰਪਤੀ ਸ਼ਿਵਾਜੀ ਮਹਾਰਾਜ (1630-1680) ਹੁਨਰਮੰਦ ਰਣਨੀਤੀਕਾਰ ਅਤੇ ਦੂਰਦਰਸ਼ੀ ਸ਼ਾਸਕ ਸਨ ਜਿਨ੍ਹਾਂ ਨੇ ਮੁਗਲਾਂ ਦੇ ਵਿਰੁੱਧ ਸਵਰਾਜ ਦੀ ਸਥਾਪਨਾ ਕੀਤੀ। 19 ਫਰਵਰੀ, 1630 ਨੂੰ ਪੁਣੇ ਦੇ ਸ਼ਿਵਨੇਰੀ ਕਿਲ੍ਹੇ ਵਿੱਚ ਜਨਮੇ, ਛਤਰਪਤੀ ਸ਼ਿਵਾਜੀ ਨੇ ਗੁਰੀਲਾ ਯੁੱਧ ਤਕਨੀਕਾਂ ਦੀ ਵਰਤੋਂ ਕਰਕੇ ਆਦਿਲਸ਼ਾਹੀ ਅਤੇ ਮੁਗਲ ਫੌਜਾਂ ਨੂੰ ਹਰਾਇਆ। ਉਹ ਇਤਿਹਾਸ ਵਿੱਚ ਅਸ਼ਟਪ੍ਰਧਾਨ ਮੰਡਲ ਰਾਹੀਂ ਕੁਸ਼ਲ ਪ੍ਰਸ਼ਾਸਨ, ਮਾਤ ਭੂਮੀ ਦੇ ਰੱਖਿਅਕ ਅਤੇ ਹਿੰਦੂ ਪਦ ਪਦਸ਼ਾਹੀ ਦੇ ਮੋਢੀ ਵਜੋਂ ਅਮਰ ਹਨ।

ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ