ਕਿੰਸ਼ਾਸਾ (ਕਾਂਗੋ), 07 ਮਈ (ਹਿੰ.ਸ.)। ਡੈਮੋਕ੍ਰੇਟਿਕ ਰੀਪਬਲਿਕ ਆਫ ਕਾਂਗੋ ਵਿੱਚ ਅਲਾਈਡ ਡੈਮੋਕ੍ਰੇਟਿਕ ਫੋਰਸਿਜ਼ (ਏਡੀਐਫ) ਦੇ ਬਾਗੀਆਂ ਦੇ ਹਮਲੇ ਵਿੱਚ ਘੱਟੋ-ਘੱਟ 22 ਨਾਗਰਿਕ ਮਾਰੇ ਗਏ। ਏਡੀਐਫ ਪੂਰਬੀ ਕਾਂਗੋ ਵਿੱਚ ਸਰਗਰਮ ਸਭ ਤੋਂ ਘਾਤਕ ਅਤੇ ਭਿਆਨਕ ਬਾਗੀ ਸਮੂਹ ਹੈ। 1990 ਦੇ ਦਹਾਕੇ ਦੇ ਮੱਧ ਵਿੱਚ ਯੂਗਾਂਡਾ ਵਿੱਚ ਸਰਕਾਰ ਵਿਰੋਧੀ ਬਾਗੀ ਸਮੂਹ ਵਜੋਂ ਪੈਦਾ ਹੋਇਆ, ਇਹ ਸਮੂਹ ਹੁਣ ਮੁੱਖ ਤੌਰ 'ਤੇ ਕਾਂਗੋ ਵਿੱਚ ਤਬਾਹੀ ਮਚਾ ਰਿਹਾ ਹੈ।

ਕੇਬੀਸੀ ਚੈਨਲ 1 ਨਿਊਜ਼ ਦੀ ਰਿਪੋਰਟ ਦੇ ਅਨੁਸਾਰ, ਕਾਂਗੋ ਵਿੱਚ ਏਡੀਐਫ ਦੇ ਬਾਗੀਆਂ ਨੇ ਮੰਗਲਵਾਰ ਅੱਧੀ ਰਾਤ ਅਤੇ ਬੁੱਧਵਾਰ ਸਵੇਰੇ ਉੱਤਰੀ ਕਿਵੂ ਪ੍ਰਾਂਤ ਦੇ ਬੇਨੀ ਖੇਤਰ ਦੇ ਬੂ ਮਾਨਿਆਮਾ ਕਸਬੇ 'ਤੇ ਹਮਲਾ ਕੀਤਾ। ਬਾਗੀਆਂ ਨੇ ਤੇਜ਼ਧਾਰ ਹਥਿਆਰਾਂ ਦੀ ਵਰਤੋਂ ਕਰਕੇ 22 ਲੋਕਾਂ ਦੀ ਹੱਤਿਆ ਕਰ ਦਿੱਤੀ। ਇਹ ਸਮੂਹ ਇਸਲਾਮਿਕ ਸਟੇਟ (ਆਈਐਸਆਈਐਸ) ਦਾ ਸਹਿਯੋਗੀ ਹੈ। ਏਡੀਐਫ ਨੇ ਹਜ਼ਾਰਾਂ ਨਾਗਰਿਕਾਂ ਦੀ ਹੱਤਿਆ ਕੀਤੀ ਹੈ। ਇਸਨੂੰ ਅਮਰੀਕਾ ਅਤੇ ਸੰਯੁਕਤ ਰਾਸ਼ਟਰ ਦੁਆਰਾ ਅੱਤਵਾਦੀ ਸੰਗਠਨ ਘੋਸ਼ਿਤ ਕੀਤਾ ਗਿਆ ਹੈ। ਏਡੀਐਫ ਨੂੰ ਖਤਮ ਕਰਨ ਲਈ ਕਾਂਗੋਲੀ ਫੌਜ, ਸੰਯੁਕਤ ਰਾਸ਼ਟਰ ਸ਼ਾਂਤੀ ਰੱਖਿਅਕ ਅਤੇ ਯੂਗਾਂਡਾ ਦੀ ਫੌਜ ਲਗਾਤਾਰ ਸਾਂਝੇ ਫੌਜੀ ਕਾਰਵਾਈਆਂ ਕਰ ਰਹੀ ਹੈ।

ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ