ਆਈਜ਼ੌਲ, 13 ਅਕਤੂਬਰ (ਹਿ.ਸ.). ਮਿਜ਼ੋਰਮ ਆਰਮਡ ਪੁਲਿਸ ਫੋਰਸ ਦੀ ਇੱਕ ਬੱਸ ਬੁੱਧਵਾਰ ਸਵੇਰੇ ਇੱਕ ਪਹਾੜੀ ਖੇਤਰ ਵਿੱਚ ਹਾਦਸਾਗ੍ਰਸਤ ਹੋ ਗਈ। ਬੱਸ ਵਿੱਚ 22 ਪੁਲਿਸ ਮੁਲਾਜ਼ਮ ਸਵਾਰ ਸਨ। ਇਸ ਹਾਦਸੇ ਵਿੱਚ ਕਈ ਪੁਲਿਸ ਕਰਮਚਾਰੀ ਜ਼ਖਮੀ ਹੋਏ ਹਨ। ਪੁਲਿਸ ਬਚਾਅ ਟੀਮ ਅਤੇ ਐਸਡੀਆਰਐਫ ਟੀਮ ਡਾਕਟਰਾਂ ਦੇ ਨਾਲ ਮੌਕੇ ਉੱਤੇ ਪਹੁੰਚ ਗਈ ਹੈ। ਕਈ ਜ਼ਖਮੀਆਂ ਨੂੰ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਹੈ। ਘਟਨਾ ਦੀ ਖ਼ਬਰ ਮਿਲਦਿਆਂ ਹੀ ਰਾਜ ਮੰਤਰੀ ਡਾ: ਕੇ ਬੇਸ਼ੁਆ ਅਤੇ ਹੋਰ ਡਾਕਟਰਾਂ ਦੇ ਨਾਲ ਮੌਕੇ 'ਤੇ ਪਹੁੰਚੇ।
ਪਤਾ ਲੱਗਾ ਹੈ ਕਿ ਬੁੱਧਵਾਰ ਸਵੇਰੇ ਕਰੀਬ 7.30 ਵਜੇ, ਮਿਜ਼ੋਰਮ ਆਰਮਡ ਪੁਲਿਸ ਦੀ ਦੂਜੀ ਬਟਾਲੀਅਨ ਦੇ 22 ਜਵਾਨਾਂ ਨੂੰ ਲੈ ਕੇ ਇੱਕ ਪੁਲਿਸ ਬੱਸ ਆਈਜ਼ੌਲ ਤੋਂ ਲੁੰਗਲੇਈ ਲਈ ਰਵਾਨਾ ਹੋਈ ਸੀ। ਲੁੰਗਲੇਈ ਪਹੁੰਚਣ ਤੋਂ ਲਗਭਗ 20 ਕਿਲੋਮੀਟਰ ਪਹਿਲਾਂ, ਲੁੰਗਸੇਨ ਪਿੰਡ ਦੇ ਵਾਈ-ਅਵਾਤ ਖੇਤਰ ਵਿੱਚ ਇੱਕ ਪਹਾੜੀ ਸੜਕ 'ਤੇ ਮੋੜਦੇ ਸਮੇਂ ਬੱਸ ਇੱਕ ਚੱਟਾਨ ਨਾਲ ਟਕਰਾ ਕੇ ਪਲਟ ਗਈ। ਇਸ ਹਾਦਸੇ ਦੌਰਾਨ ਕਈ ਪੁਲਿਸ ਕਰਮਚਾਰੀ ਜ਼ਖਮੀ ਹੋਏ ਹਨ।
ਦੱਸਿਆ ਗਿਆ ਹੈ ਕਿ ਜ਼ਖਮੀਆਂ ਦੀ ਹਾਲਤ ਜ਼ਿਆਦਾ ਗੰਭੀਰ ਨਹੀਂ ਹੈ। ਇਸ ਦੌਰਾਨ ਪੁਲਿਸ ਬਚਾਅ ਟੀਮ ਅਤੇ ਐਸਡੀਆਰਐਫ ਟੀਮ ਡਾਕਟਰਾਂ ਦੇ ਨਾਲ ਮੌਕੇ 'ਤੇ ਪਹੁੰਚ ਗਈ ਹੈ। ਰਾਜ ਮੰਤਰੀ ਅਤੇ ਸਰਜਨ ਡਾ: ਕੇ ਬੇਈਛੁਆ ਵੀ ਮੌਕੇ 'ਤੇ ਪਹੁੰਚੇ। ਉਨ੍ਹਾਂ ਨੇ ਜ਼ਖਮੀਆਂ ਨੂੰ ਮੁਢਲੀ ਸਹਾਇਤਾ ਪ੍ਰਦਾਨ ਕੀਤੀ ਅਤੇ ਉਨ੍ਹਾਂ ਨੂੰ ਨੇੜਲੇ ਹਸਪਤਾਲ ਵਿੱਚ ਦਾਖਲ ਕਰਵਾਇਆ।
ਹਿੰਦੁਸਥਾਨ ਸਮਾਚਾਰ/ਸਮੀਪ/ਕੁਸੁਮ
