ਹੈਦਰਾਬਾਦ, 5 ਅਕਤੂਬਰ (ਹਿੰ.ਸ.)। ਮਸ਼ਹੂਰ ਤੇਲਗੂ ਫਿਲਮ ਅਭਿਨੇਤਾ ਅਤੇ ਕਾਮੇਡੀਅਨ ਰਾਜੇਂਦਰ ਪ੍ਰਸਾਦ ਦੀ ਬੇਟੀ ਗਾਇਤਰੀ ਦੀ ਸ਼ਨੀਵਾਰ ਨੂੰ ਛਾਤੀ 'ਚ ਦਰਦ ਦੀ ਸ਼ਿਕਾਇਤ ਤੋਂ ਬਾਅਦ ਮੌਤ ਹੋ ਗਈ। ਅਭਿਨੇਤਾ ਰਾਜੇਂਦਰ ਪ੍ਰਸਾਦ ਦੀ 38 ਸਾਲਾ ਧੀ ਗਾਇਤਰੀ ਨੂੰ ਦੇਰ ਰਾਤ ਛਾਤੀ ਵਿੱਚ ਦਰਦ ਦੀ ਸ਼ਿਕਾਇਤ ਤੋਂ ਬਾਅਦ ਹੈਦਰਾਬਾਦ ਦੇ ਇੱਕ ਨਿੱਜੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਸੀ, ਪਰ ਉਸਦੀ ਹਾਲਤ ਵਿਗੜਨ ਕਾਰਨ ਕੁਝ ਸਮੇਂ ਬਾਅਦ ਹੀ ਉਸਦਾ ਦਿਹਾਂਤ ਹੋ ਗਿਆ।
ਰਾਜੇਂਦਰ ਪ੍ਰਸਾਦ ਫਿਲਮ ਦੇ ਸੈੱਟ 'ਤੇ ਸਨ ਜਦੋਂ ਉਨ੍ਹਾਂ ਨੇ ਆਪਣੀ ਬੇਟੀ ਗਾਇਤਰੀ ਦੀ ਹਾਲਤ ਬਾਰੇ ਸੁਣਿਆ। ਸੁਪਰਸਟਾਰ ਜੂਨੀਅਰ ਐਨਟੀਆਰ ਨੇ ਆਪਣੇ ਅਧਿਕਾਰਤ ਐਕਸ ਅਕਾਊਂਟ 'ਤੇ ਇਕ ਭਾਵੁਕ ਪੋਸਟ ਕਰਦੇ ਹੋਏ ਕਿਹਾ ਕਿ ਗਾਇਤਰੀ ਦੀ ਦੁਖਦਾਈ ਮੌਤ ਨਾ ਸਿਰਫ ਉਨ੍ਹਾਂ ਦੇ ਕਰੀਬੀਆਂ ਲਈ ਸਗੋਂ ਤੇਲਗੂ ਫਿਲਮ ਇੰਡਸਟਰੀ ਦੇ ਲੋਕਾਂ ਲਈ ਵੀ ਸਦਮਾ ਹੈ।
ਜ਼ਿਕਰਯੋਗ ਹੈ ਕਿ ਗਾਇਤਰੀ ਦੇ ਪਰਿਵਾਰ ਵਿੱਚ ਉਨ੍ਹਾਂ ਦੀ ਬੇਟੀ ਸਾਈ ਤੇਜਸਵਿਨੀ ਹਨ, ਜਿਨ੍ਹਾਂ ਬਾਲ ਕਲਾਕਾਰ ਵਜੋਂ ਕੰਮ ਕੀਤਾ ਹੈ। ਉਨ੍ਹਾਂ ਦੇ ਦੇਹਾਂਤ ਨਾਲ ਪੂਰਾ ਪਰਿਵਾਰ ਡੂੰਘੇ ਸਦਮੇ 'ਚ ਹੈ।
---------------
ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ
