ਰੀਓ ਡੀ ਜਨੇਰੀਓ, 5 ਅਕਤੂਬਰ (ਹਿੰ.ਸ.)। ਬੋਟਾਫੋਗੋ ਦੇ ਲੈਫਟ ਬੈਕ ਐਲੇਕਸ ਟੈਲੇਸ ਨੂੰ ਚਿਲੀ ਅਤੇ ਪੇਰੂ ਦੇ ਖਿਲਾਫ ਵਿਸ਼ਵ ਕੱਪ ਕੁਆਲੀਫਾਇਰ ਲਈ ਬ੍ਰਾਜ਼ੀਲ ਦੀ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ, ਬ੍ਰਾਜ਼ੀਲ ਫੁਟਬਾਲ ਕਨਫੈਡਰੇਸ਼ਨ (ਸੀਬੀਐਫ) ਨੇ ਸ਼ੁੱਕਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ।
ਟੈਲੇਸ, 31, ਐਟਲੇਟਿਕੋ ਮਿਨੇਰੀਓ ਦੇ ਗਿਲਹਰਮੇ ਅਰਾਨਾ ਦੀ ਥਾਂ ਲੈਣਗੇ, ਜਿਨ੍ਹਾਂ ਨੂੰ ਕੋਪਾ ਡੋ ਬ੍ਰਾਜ਼ੀਲ ਵਿੱਚ ਵਾਸਕੋ ਦਾ ਗਾਮਾ ਉੱਤੇ 2-1 ਦੀ ਘਰੇਲੂ ਜਿੱਤ ਦੌਰਾਨ ਖੱਬੀ ਹੈਮਸਟ੍ਰਿੰਗ ਵਿੱਚ ਸੱਟ ਲੱਗ ਗਈ ਸੀ। ਟੈਲੇਸ, ਜਿਨ੍ਹਾਂ ਦੇ ਕਰੀਅਰ ਵਿੱਚ ਮੈਨਚੈਸਟਰ ਯੂਨਾਈਟਿਡ, ਇੰਟਰ ਮਿਲਾਨ ਅਤੇ ਸੇਵਿਲਾ ਸਮੇਤ ਕਲੱਬਾਂ ਲਈ ਖੇਡਣਾ ਸ਼ਾਮਲ ਹੈ, 2019 ਵਿੱਚ ਆਪਣੀ ਅੰਤਰਰਾਸ਼ਟਰੀ ਸ਼ੁਰੂਆਤ ਕਰਨ ਤੋਂ ਬਾਅਦ ਬ੍ਰਾਜ਼ੀਲ ਲਈ 12 ਵਾਰ ਖੇਡੇ ਹਨ।
ਐਂਟੀਰੀਅਰ ਕਰੂਸੀਏਟ ਲਿਗਾਮੈਂਟ ਦੇ ਫਟਣ ਕਾਰਨ ਗਲੇਸਨ ਬ੍ਰੇਮਨਰ ਨੂੰ ਟੀਮ ਤੋਂ ਬਾਹਰ ਕੀਤੇ ਜਾਣ ਦੇ 24 ਘੰਟਿਆਂ ਤੋਂ ਵੀ ਘੱਟ ਸਮੇਂ ਬਾਅਦ ਉਨ੍ਹਾਂ ਦੀ ਵਾਪਸੀ ਹੋਈ। ਪੈਰਿਸ ਸੇਂਟ-ਜਰਮੇਨ ਦੇ ਲੂਕਾਸ ਬੇਰਾਲਡੋ ਨੇ ਜੁਵੇਂਟਸ ਦੇ ਸੈਂਟਰਲ ਡਿਫੈਂਡਰ ਦੀ ਥਾਂ ਲਈ।
ਬ੍ਰਾਜ਼ੀਲ 10 ਅਕਤੂਬਰ ਨੂੰ ਸੈਂਟੀਆਗੋ ਵਿੱਚ ਚਿਲੀ ਨਾਲ ਅਤੇ ਪੰਜ ਦਿਨ ਬਾਅਦ ਬ੍ਰਾਸੀਲੀਆ ਵਿੱਚ ਪੇਰੂ ਨਾਲ ਭਿੜੇਗਾ। ਪੰਜ ਵਾਰ ਦੀ ਵਿਸ਼ਵ ਚੈਂਪੀਅਨ ਇਸ ਸਮੇਂ ਦੱਖਣੀ ਅਮਰੀਕੀ ਕੁਆਲੀਫਾਇੰਗ ਗਰੁੱਪ ਵਿੱਚ ਪੰਜਵੇਂ ਸਥਾਨ ’ਤੇ ਹੈ, ਜਿਨ੍ਹਾਂਂ ਨੇ ਆਪਣੇ ਪਹਿਲੇ ਅੱਠ ਮੈਚਾਂ ਵਿੱਚੋਂ ਸਿਰਫ਼ ਤਿੰਨ ਵਿੱਚ ਜਿੱਤ ਦਰਜ ਕੀਤੀ ਹੈ। ਚਿਲੀ ਅਤੇ ਪੇਰੂ ਕ੍ਰਮਵਾਰ ਨੌਵੇਂ ਅਤੇ 10ਵੇਂ ਸਥਾਨ 'ਤੇ ਹਨ।
---------------
ਹਿੰਦੂਸਥਾਨ ਸਮਾਚਾਰ / ਸੁਰਿੰਦਰ ਸਿੰਘ
